Tapi nada ditangihon si Rehabeam sipaingot ni angka hatobangon i. Balikna do, tu angka halak na umposo do ia kehe tu dongan torbangnia jana na dung dohot gabe panuturinia.
Madabu pe Samaria, hara ni dosa ni Israel do maradopkon Tuhan, Debata ni halahi na dung paluahon halahi sian raja Mesir jana na paruarkon halahi sian luat i. Na marsomba do halahi tu gana-ganaan
Tapi madung Huida jumahat dope pangalaho ni angka panurirang di Jerusalem. Margabusi do halahi dohot marmainan jana diurupi halahi do halak na jahat, gabe umpe adong sahalak pe na ra pauba rohana. Anggo di Au mandosdos do halahi sudena rap parjahat songon halak Sodom dohot Gomora.”
Di na gabe raja si Josia, didok Tuhan ma songon on, “Madung he diida ho na nibaen ni Israel dadaboru na so setia i? Di sandok dolok na gincat dohot di toru ni sude hayu na rumbun, marmainan ia.
Haru pe na dung ripengKu si Ohola, laing tongtong do ia manggampang jana sai gintal do dihilala ia laho mangoloi angka haholongan ni rohania na sian Asur.
Dohot angka halak na godang i ma si Ohola marhamainan. Mardomu hara ni gintalna marhalaklahi, dipahodar ia ma dirina marhite na manyomba angka gana-ganaan.
Marsapa do bangsongKu tu bona ni hayu! Dipaboa sada tungkot do tu hamu sanga aha na giot sibotoonmunu! Ditadingkon hamu do Au. Songon sada anakboru na gabe panggampang, songon i ma dibaen hamu pasahat dirimunu tu angka debata.