HOSEA 5:9 - BIBEL JAMITA NA DENGGAN

⁹ Abis ma Israel, angke madung dapot arina laho manguhum halahi. Tangihon hamu ma, rayat ni Israel, angkon tarjadi do na songon i.

HOSEA 5:9 ပူးပေါင်းရင်းမြစ်များ

JOB 12:14

Sanga aha na nibungkarNia nada be tarpajongjong mangulahi, sanga ise na nitabanNia nada be tarpaluai.

JESAYA 37:3

On ma tona ni si Hiskia na nipasahat ni halahi tu si Jesaya, “Ari siluluton do sadari on; diuhum do hita jana dipabile. Tudos do hita on tu dadaboru na giot hipas, hape abis gogo.

JESAYA 46:10

Sian mulana madung Hupajojor, sian najolo Hubaen alatan tu na giot ro. Hudok do, “Nada tarambati anggo sangkapKu, pasti tulus hagiotKu.

JESAYA 48:3

Didok Debata ma tu Israel: “Di na honok madung Hulumbahon hian na giot masa, jana ompot do i Hubaen gabe tarjadi.

JESAYA 48:5

Gabe sian najolo Hupaboa hian do i, dompak so tarjadi Hupabotohon humani, anso ulang didok ho: Gana-ganaanku na mangkarejohonsa, patung na hutuhil dohot patung na hutuang i na manyuruna.

JESAYA 7:16

Harana painte so diboto anak i manulak na jat bope mamili na denggan anggo luat ni raja na dua na nihabiaranmi, gabe tarulang noma i.

HOSEA 5:12

I ma dalanna umbaen na giot roncohononKu bangso Israel jana abiskononKu halak Juda.

HOSEA 5:14

Songon singa na manyoro, songon i ma baenonKu marsurage Israel dohot Juda. Au sandiri do na giot manyibak-nyibak halahi lalu Hutadingkon. Muda Husarat halahi kehe, sada pe nada adong tarbaen palua halahi.

HOSEA 7:12

Tapi taononKu noma jaring, jana tangkuponKu halahi songon na manangkup unggas na mamolus. UhumanKu noma halahi hara ni angka parbuatan ni halahi na jahat i.

HOSEA 8:8

Songon barang na so diparhagiot halak, nada marguna be Israel, angke madung marcampur dohot angka bangso na asing.

HOSEA 9:7

Madung dapot ari panguhuman, hatiha pamaloson tu sandok parbuatan. Taonon ni Israel noma i! Didok hamu, “Na oto do panurirang on. Na rintik do jolma na nirajaan ni tondi on!” Didok hamu pe songon i hara ni gigina do rohamunu tu Au jana dosamunu santak godangna.

AMOS 3:7

Nada dibaen Tuhan Debata i sanga na aha painte so dipabotohon Ia sangkap na nibaenNia tu angka panurirang, naposoNia.

AMOS 7:17

didok Tuhan do, gabe panggampang noma dadaborumi di angka dalan ni kota, jana angka dakdanakmu hona bunu di bagasan porang. Bagi-bagion noma tanomi tu halak na asing, jana ho sandiri mate di tano ni halak sileban noma na so mananda Tuhan. Angkon boanon ma halak Israel tu habuangan dao sian tanona sandiri.”

AMOS 7:9

Sarsarkonon noma angka inganan na nipake ni pomparan ni si Ishak laho marsomba angka debata. Rumpakkonon ma angka inganan paribadatan ni halak Israel. AbiskononKu ma pomparan ni si Jerobeam.”

MIKA 6:13

Saonnari pungkaonKu ma mamotuk dohot manyarsarkon hamu hara ni angka dosamunu i.

ZAKARIA 1:6

Tapi sude hata dohot angka paraturanKu na dung Huparentahon tu angka naposongKu, angka panurirang, nada he madung lalu i tu angka ompumunu?” Jadi muba ma roha ni halahi, jana ninna ma, “Songon Tuhan Na Markuaso na marsangkap mambaen pangalaho maradopkon hita, tudos tu na hita karejohon, songon i ma dibaen Ia pangalaho maradopkon hita.”

JOHANNES 16:4

Tapi madung Hupaboa hian i saonnari tu hamu anso diingot hamu i saulahon muda dung dibaen halahi tu hamu na songon i, madung Hupaboa hian do i tu hamu.” “Anggo sian mulana nada pola Hupaboa hian i tu hamu, angke rap dope Au dohot hamu.