HOSEA 5:8 - BIBEL JAMITA NA DENGGAN

⁸ Palu ma sarune di Gibea! Baen ma tanda ni pio-pio marporang di Rama! Surakkon ma surak-surak parporangan di Betel! Maju ma marporang, hamu halak Benyamin!

HOSEA 5:8 ပူးပေါင်းရင်းမြစ်များ

2 SAMUEL 21:6

Antong pasahat ma tu hami pitu halaklahi sian pomparannia anso hami gantung di adopan ni Tuhan di Gibea, kota ni Raja Saul i sandiri.” “Antong denggan,” ning raja i, “hupasahat pe halahi.”

1 RAJA-RAJA 12:29

Jadi dibaen si Jerobeam ma sada sian lombu sere na dua i di Betel jana na sada nari di Dan.

JESAYA 10:29

Madung disalpui halahi panariparan jana marborngin halahi di Geba! Humitir ma halak Rama jana halak Gibea kota ni Raja Saul madung markehean marsipalua dirina.

JEREMIA 4:5

Palu hamu ma sarune di sude luat on! Tangkas ma marsurak jana marsora na gogo. Suru hamu ma halak Juda dohot Jerusalem marlojong tu angka kota na marbenteng.

JEREMIA 6:1

Kehe ma hamu mangungsi, hamu halak Benyamin! Tadingkon hamu ma Jerusalem! Palu hamu ma sarune di Tekoa, jana pagara hamu ma api mangalehen tanda di Bet-Kerem! Ro ma parmaraan dohot hamamago sian Utara.

HOSEA 10:5

Mabiar ma halak Samaria; marsak jana tangis ma halahi dohot angka malim na mangkobasi lombu sere na di Bet-Awen i hara ni parmago ni hajagaron ni gana-ganaan ni halahi.

HOSEA 4:15

Ale hamu halak Israel, haru pe nada unduk hamu tu Au, sai ulang ma nian dohot Juda mambaen hasalaan na nibaenmunu i! Ulang maribadat di Gilgal sanga di Bet-Awen. Ulang baen hamu janji disi mangasahon goar ni Tuhan na mangolu i.

HOSEA 8:1

Didok Tuhan ma, “Palu ma sarune, paboa na ro parmaraan! Tudos tu halihi na manangkup soroanna do musu ro mamorangi tanongKi! Dilaosi bangsongKi do parjanjianKu dohot halahi jana dialo angka pangajaranKu.

HOSEA 9:9

Na lobi do jahatmunu songon na dung unjung dibaen halak Gibea. Ingoton ni Debata do hasalaanmunu jana uhumanNa hamu hara ni dosamunu i.

JOEL 2:1

Palu ma sarune di Sion jana marsurak ma di dolok ni Debata na badia i. Humitir ma sude pangisi ni luat angke dapot ne ma ari ni Tuhan, angke madung donok ari i.

JOEL 2:15

Ombus ma sarune di Sion, di dolok ni Debata, parentahon rayatmi anso marpuaso; patupa muse sada ari na godang parpunguanna.

AMOS 3:6

Nada he humitir halak muda tarbege sora ni sarune tanda ni gore ni porang? Hona parmaraan dehe sada kota, anggo so Tuhan manongoskonsa?

JOSUA 7:2

Na disuru si Josua do di hatiha i piga-piga halak sian Jeriko tu Ai, i ma sada kota di Habincaran ni Betel, na di lambung ni Bet-Awen. Na disuru do halahi kehe laho manangkasi luat i. Dung sidung dipadalan halahi karejo i,

HAKIM-HAKIM 5:14

Sian Efraim torus manuat halahi mardalan tu rura, mangihutkon parangan ni Benyamin na marbaris di jolona. Marroan sian Mahir angka panglima, dohot sian Zebulon marjongjongan ma angka perwira.

1 SAMUEL 15:34

Dung salpu i kehe ma si Samuel tu Rama, jana si Saul pe mulak noma tu bagasna di Gibea.

1 SAMUEL 7:17

Jana sai mulak do ia mangulahi tu Rama. Na gabe hakim ni halak Israel do ia disi jana dipajongjong ia muse sada langgatan di Tuhan.

1 SAMUEL 8:4

Jadi gabe marlagut ma sude pamimpin ni Israel, lalu kehe mandapotkon si Samuel di Rama,