HOSEA 5:6 - BIBEL JAMITA NA DENGGAN

⁶ Haulkonon ni halahi ma biri-biri dohot lombu ni halahi baen haul di Tuhan, tapi nada marguna sudena i. Angke madung ditadingkon Tuhan halahi, jana nada tarbaen halahi be padumpang dohot ia.

HOSEA 5:6 ပူးပေါင်းရင်းမြစ်များ

HARURUAR 10:9

Dialusi si Musa, “Sude do hami giot kehe, dakdanak dohot halak na matobang. Obanonnami do sude dakdanaknami, sude biri-biri dohot hambeng bope lombunami, angke na giot baenonnami ma pesta laho pasangap Tuhan.”

PODA 1:28

Anggo di hatiha i, pio-pio ma hamu tu au tapi nada alusanku hamu. Jalahanmunu ma au sun tu dia, tapi nada dapot hamu be au.

PODA 15:8

Sonang do roha ni Tuhan muda denggan halak martangiang, tapi anggo haul ni halak na jahat ditulak Ia.

PODA 21:27

Nada jop roha ni Tuhan tu haul ni jolma na so hasaya, lumobi muda na dihaulkon mardongan maksud na targora.

ENDE NA GODANG 5:6

Hubuka ma pintu di haholonganku, hape ma kehe ia salpu. Lungun sajo rohangku umbege sorana, sai hujalahi, hape parcuma. Hupiohon goarna i jana hudokkoni, hape nada mangalusi.

JESAYA 66:3

Hape anggo bangso i, roha-rohana do dipambaeni. Anggo di halahi, manghaulkon lombu sarupa do dohot na manghaulkon jolma. Manghaulkon anak ni biri-biri dos dohot na manipulkon rungkung ni anjing. Manghaulkon haul gandum sarupa do i dohot na manghaulkon mudar ni babi. Manutung hamonyan dos do i dohot na marsomba patung. Hara ni i: Sarupo songon halahi na mandalankon dalanna sandiri, jana rohana pe manghagioti gana-ganaan.

JEREMIA 11:11

Patunda ni i, Au Tuhan, madung Hupaingot bahaso na giot paroonKu hamamago tu halahi, jana nada tarbaen halahi pasidingkonsa. Muda pio-pio halahi mangido tolong tu Au, nada ra Au manangihonsa.

JEREMIA 11:14

Jadi hara ni i ale Jeremia, ulang tangiangkon halahi sanga mangido tolong tu Au salaho tu halahi! Muda susa halahi jana mangido tolong tu Au, nada tangihononKu be halahi.”

JEREMIA 14:12

Haru pe puaso halahi, nangkon na ra Au manerge pio-pio ni halahi mangido tolong; jana haru pe dihaulkon halahi tu Au haul situtungon dohot haul gandum, nangkon na sonang rohangKu mida halahi. Tapi marhite porang, haleon dohot hamamasa ni nyae giot pangabisonKu halahi.”

JEREMIA 7:4

Ulang haporsayai hamu hata gabus na mandok, ‘On ma Bagas Ni Tuhan, Bagas Ni Tuhan, Bagas Ni Tuhan.’

ANDUNG 3:44

Songon ombun na hapal do murukMu gabe nada tartombus angka tangiangnami i.

JEHESKIEL 8:18

Rasoan ni halahi ma jorbut ni hamumurukKu! Nada halupahononku sanga ampunanKu halahi. Haru pe mangangguhi halahi martangiang tu Au sagogo-gogona, nada ra Au manangihon!”

JEHESKIEL 8:6

Didok Debata ma tu au, “Ale jolma parsantongkinan, aha do diida ho na tarjadi? Parrohahon ma angka parbuatan sihagigian na nibaen ni halak Israel, na mur padaohon Au sian BagasKu! Beta, anso Hupatuduhon tu ho angka pangalaho na jumorbut dope.”

HOSEA 8:13

Dihaulkon halahi do haul tu Au, jana dipangan halahi haul i, hape Au Tuhan nada manghajopkon angka haul i. Saonnari ingotonKu ma dosa ni halahi i jana uhumanKu noma halahi hara ni angka dosa i; tongosonKu ma halahi mangulahi tu Mesir!

AMOS 8:12

Mado-ado ma halak sian Utara tu Selatan dohot sian Habincaran tu Hasundutan anso dapotsa nian tonangKu tapi nada dapot halahi be i.

MIKA 3:4

Dapot do i hatihana marsurak hamu mangido tolong tu Tuhan, tapi nada ra Ia mangalusi. Nada ra be Ia mangalusi angka tangiangmunu, hara ni na dung dibaen hamu pangalaho na jahat.

MALEAKI 1:10

Didok Tuhan Na Markuaso i ma, “Sugari adong ma nian sian tonga-tongamunu, na giot manutup pintu, anso unang dipagara hamu api di langgatanKu di bagasan na so marguna. Nada jop rohangKu tu hamu, ninna Tuhan Na Markuaso jana nada jagitonKu haul sian tanganmu.

LUKAS 5:16

Dung i kehe ma Jesus tu inganan na buni giot martangiang.

JOHANNES 7:34

Jalahanmunu ma Au tapi nada dapot hamu be: Harana nada tarbaen hamu ro tu ingananKi.”