HOSEA 5:5 - BIBEL JAMITA NA DENGGAN

⁵ Torang do tarida bulbul ni bangso Israel jana i ma tanda ni hajahatan ni halahi. Dosa ni halahi do mambaen tartuktuk lalu tinggang Efraim, jana dohot do bangso Juda tinggang rap dohot halahi.

HOSEA 5:5 ပူးပေါင်းရင်းမြစ်များ

PODA 11:21

Halak na jahat pasti dapot uhuman; halak na denggan marhaluaan.

PODA 11:5

Dalan ni halak na denggan dipahornop hajujuran, tapi halak na jahat maroban dirina tu hamagoan.

PODA 14:32

Mate do halak na jahat hara ni jahat ni parbuatanna; tapi malua do halak na burju hara ni hadenggananna.

PODA 24:16

Harana, haru pe tinggang halak na burju i marpupu, sai na mulak jongjong do i. Tapi suhar-suharna, dilantuk hamamago do halak na jahat.

PODA 30:13

Adong do halak si ginjang roha, sai gakgak ma pangaligina.

JESAYA 3:8

Satutuna, Jerusalem madung maronco, jana Juda pe madabu, harana hata dohot pambaenan ni halahi mangalo Tuhan jana mangalo hasangapan ni harajaanNa.

JESAYA 3:9

Bohi ni halahi patidahon hajahatanna, jana songon halak Sodom, patar-patar halahi paboahon angka dosana, nada ditabunihon be. Marjaya ma halahi! Angke diparo halahi do uhum tu dirina sandiri.

JESAYA 44:9

Na so labo do sude halak sibaen patung sisombaon jana angka barang na nihajopkon ni roha ni halahi i pe nada mararga. Na mapitung jana na bodo do angka na marsomba tu patung i, jadi hara ni i angkon marlayas do halahi baenon.

JESAYA 59:12

Tutu, bahat do hasalaannami maradopkon Ho; angka dosanami pasalahon hami. Satutuna sadar do hami di hajahatannami, dohot di sude dosa-dosa nami.

JEREMIA 14:7

Pio-pio tu Au bangsongKu, ‘O Tuhan, dosanami tu hami manudu urupi ma hami hombar tu baga-bagaMu. Madung hami tadingkon Ho marpupu; tutu do na dung mardosa hami tu Ho.

JEREMIA 2:19

Hajahatanmu sandiri do manguhumi dirimu; hona parkancitan ho hara ni na ditulakmu Au. Saonnari taonkon ma paetna dohot paniakna muda dihudukkon jana nada dipasangap ho Au. Au, Tuhan Debatamu madung mandok songon i; Au ma da Tuhan Debata Na Markuaso jana Na Gumogo.”

HOSEA 14:1

Angkon uhumon do Samaria hara ni na mangalo tu Au. Marmatean ma rayatna i di bagasan parporangan; hona giling angka dakdanakna na baru sorang, jana angka dadaboru na denggan pamatangna hona bola butuhana i.”

HOSEA 14:2

Mulak ma hamu tu Tuhan Debatamunu, ale bangso Israel! Dosamunu do mambaen hamu tarsilandit lalu tinggang.

HOSEA 4:5

Arian na borngin do hamu mambaen hasalaan, songon i muse angka panurirang. Hara ni i giot abisanKu ma Israel, inangmi.

HOSEA 5:14

Songon singa na manyoro, songon i ma baenonKu marsurage Israel dohot Juda. Au sandiri do na giot manyibak-nyibak halahi lalu Hutadingkon. Muda Husarat halahi kehe, sada pe nada adong tarbaen palua halahi.

HOSEA 7:10

Tarida ma tangkas haginjangon ni roha ni Israel, jana gabe bukti ni hasalaan ni halahi ma i. Haru pe madung tarjadi sudena i, laing na so ra muse do halahi mulak tu Au, Tuhan Debata ni halahi.

HOSEA 8:14

Dipajongjong halak Israel angka bagas godang hape lupa halahi tu Panompa ni halahi. Dibangun halak Juda angka kota na marbenteng, hape paijuronKu ma api laho manyurbu lopus abis angka bagas godang dohot angka kota ni halahi i.”

AMOS 5:2

Madung tinggang Israel boru na bujing i, nada lobassa jongjong be! Dipadiar ia bustang di tano, nada adong mangurupisa jongjong.

MATEUS 23:31

Jadi, dioku hamu sandiri do, pomparan ni angka sibunu panurirang hamu!

LUKAS 19:22

Didok raja i ma tusia, ‘Naposo na jahat do ho! Hombar tu hata na nipardokkonanmi, uhumanku ma ho. Diboto ho do antong parmuruk au; hubuati do angka na so au puna jana husabi angka na so jongada husuan.