HOSEA 5:1 - BIBEL JAMITA NA DENGGAN

¹ Didok Tuhan ma, “Tangihon hamu ma ale angka malim! Parrohahon ma ale halak Israel! Bege ma, ale hamu angka jolma pomparan ni raja! Madung didabu uhum tu hamu. Angke, sapatutna nian angkon tigor do hamu manguhumi, hape balikna i do gabe tudos tu jorgong do hamu di Mispa, songon jorat di Dolok Tabor,

HOSEA 5:1 ပူးပေါင်းရင်းမြစ်များ

JEREMIA 11:7

Dompak na Huoban ompu ni halahi ruar sian Mesir, torang do Hupaingot tu halahi anso marpangoloion tu Au. Lopus tu sadari on laing marpupu dope Hupaingot bangsongKi salaho tu pangalaho i,

JEREMIA 13:18

Didok Tuhan tu au, “Suru ma raja i dohot namora i mijur sian habangsana i, angke madung madabu tukuna na jeges i sian ulunia.

JEREMIA 46:18

Au do Tuhan Na Mangolu, Au do raja, Tuhan Na Markuaso. Songon Dolok Tabor na gumincat sian tonga-tonga ni angka dolok dohot Dolok Karmel na marsijongjong di ginjang ni sisik ni laut, songon i ma hagogoan ni na ro i mamorangi ho.

HOSEA 10:15

Songon i ma na giot masa tu hamu, ale halak Bet-Awen, hara ni na nibaenmunu hajahatan na godang. Disi mamungka parporangan i, manigor mate ma rajamunu i.”

HOSEA 13:8

ParsurageonKu ma hamu songon gompul na agoan anak. Sibak-sibahonKu ma hamu. Songon singa, giot polgakonKu hamu di ingananmunu, jana songon binatang panyoro parsurageonKu ma hamu.”

HOSEA 4:1

Adong do parkaro ni Tuhan dohot halak luat on. Tangihon ale Israel, sanga aha na nidokNia, “Nada adong na tutu, nada adong holong ni roha jana halak luat on pe nada dioKu Au Debata.

HOSEA 6:9

Songon punguan ni panyamun na mangambat halak pamolus do angka malim na di kota i. Salang di dalan laho tu inganan na badia di Sikem pe puluk do halahi mamunu jolma! Disangajo halahi do mambaen hajahatan i sude.

HOSEA 9:8

Efraim, bangso ni Debatangku mangintip angka panurirang, mambaen jorat songon na manangkup unggas di angka dalanna. Dimusui halahi do angka panurirang i di Bagas Ni Debata.

JOEL 1:2

Hamu angka na tobang-tobang, tangihon hamu ma; parrohahon ma sude hamu pangisi ni luat on! Unjung dehe tarjadi songon on di hatihamunu sanga dompak di ngolu ni angka ompumunu?

AMOS 3:1

Tangihon hamu ma tona ni Tuhan on, ale bangso Israel na nioban ni Tuhan haruar sian Mesir. Didok Tuhan do,

AMOS 7:9

Sarsarkonon noma angka inganan na nipake ni pomparan ni si Ishak laho marsomba angka debata. Rumpakkonon ma angka inganan paribadatan ni halak Israel. AbiskononKu ma pomparan ni si Jerobeam.”

MIKA 3:1

Tangihon hamu ale angka parkuaso ni Israel! Sapatutna nian angkon porluhononmunu do hatigoran,

MIKA 3:9

Tangihon hamu ma angka hatangkon, ale hamu angka parkuaso ni Israel na magigi mida hatigoran jana na pabalik-balikkon na tutu.

MIKA 7:2

Halak na burju ma pola mago sian luat on, halak na setia tu Debata nada adong be dapot. Sude jolma painte-inte hatiha na tumbuk hadenggananna laho mamunu jolma. Marsibaen gasipna tu donganna.

MALEAKI 1:6

Didok Tuhan Na Markuaso i ma tu angka malim, “Dipasangap anak ma amana, jana dipasangap naposo ma tuanna. Amangmu do Au; biasi nada dipasangap hamu Au? Tuanmunu do Au. biasi nada mabiar hamu mida Au? Dipalayas hamu Au, hape laing puluk muse do hamu manyapai, ‘Bia ma he hami baen palayaskon Ho?’

MALEAKI 2:1

Jadi saonnari tu hamu do hahonaan ni parenta on, o hamu angka malim!

HAKIM-HAKIM 4:12

Disi dibege si Sisera na dung kehe si Barak tu Dolok Tabor,

HAKIM-HAKIM 4:6

Sanoli disuru ia ma halak mamiohon si Barak, anak ni si Abinoam na sian kota Kedes na di Luat Naftali. Dung i didok ia ma tu si Barak, “On ma parenta ni Tuhan, Debata ni Israel tu hamu: ‘Palagut ma sampulu ribu halak halaklahi sian Marga Naftali dohot Zebulon, jana oban ma halahi tu Dolok Tabor.

1 SAMUEL 7:16

ganop taon sai diliati si Samuel do tu Betel, Gilgal dohot Mispa. Jana dipasidung ia ma disi angka parkaro parsalisian.

1 SAMUEL 7:5

Dung salpu i didok si Samuel ma, “Palagut hamu ma sude bangso Israel di Mispa, anso martangiang au tu Tuhan salaho tu hamu.”

1 SAMUEL 7:6

Jadi marlagut ma halahi sude di Mispa. Ditimbai halahi ma aek jana diparduruskon halahi ma i gabe songon haul tu Tuhan, jana dipaudut halahi tu na marpuaso tangging sadari i. Didok halahi ma, “Madung mardosa hami tu Tuhan.” (Di Mispa ma dipungka si Samuel pasidungkon angka parkaro parsalisian ni halak Israel.)