HOSEA 4:9 - BIBEL JAMITA NA DENGGAN

⁹ Jadi gabe markancit noma hamu laing songon rayat i! UhumanKu ma hamu hombar tu angka pambaenanmunu.

HOSEA 4:9 ပူးပေါင်းရင်းမြစ်များ

PODA 11:31

Dapotan upa do di tano on halak partigor. Jadi, pasti dapot uhuman do na jahat dohot pardosa.

PODA 12:14

Sian hata dohot parbuatanna do halak nitanda, jagitonna do upana marguru tu pambaenanna.

PODA 5:22

Songon tirangkap do dosa ni jolma na jahat na manjorat halakna i sandiri.

JESAYA 24:2

Sarupa be do disi bagian ni jolma i sudena – angka malim dohot rayat, hatoban na nitobusan dohot tuanna, panggadis dohot panobusi, parsali dohot parsingir, na kayo dohot na pogos.

JESAYA 3:10

Dokkon ma martua halak na tigor! Harana panganan ni halahi ma suha ni parkarejoanna.

JEREMIA 5:31

Angka panurirang manghatahon gabus jana angka malim mangajarkon hagiotna sambing. Jana i do na diparhagiot ni bangsongKu. Tapi muda ro ari parpudi, aha ma sibaenonmunu?”

JEHESKIEL 44:10

Didok Tuhan ma tu au, “UhumanKu ma angka halak Levi na rap dohot angka halak Israel na asing i na manadingkon Au dohot na marsomba gana-ganaan.

JEHESKIEL 44:12

Tapi hara ni na dung dohot halahi mandalankon parsombaan ni gana-ganaan di bangso Israel jana i ma dalanna umbaen na dohot tarsarat bangso i tu dosa, jadi gabe Husumpahon ma, Au Tuhan Debata manyumpahon, angkon manaon uhuman ma halahi.

HOSEA 1:4

Dung i didok Tuhan ma tu si Hosea, “Baen ma goar ni anakmi si Jisreel, angke nada sadia honok nari be uhumanKu ma pomparan ni si Jehu hara ni mudar na diduruskon di Jisreel, jana paujungonKu ma pangarajaion ni halak Israel.

HOSEA 10:10

PoranganKu ma angka jolma na mardosa i jana uhumanKu halahi. Marsaroha ma angka bangso laho mangalo halahi, jana hona uhum ma halahi hara ni dosa ni halahi na bahat i.

HOSEA 12:2

Sanga aha na nibaen ni halak Israel sian manyogot lalu tu potang, nada adong gunana jana hum na manyegohon do i songon alogo Habincaran. Mur manjadi-jadi do hageduhan dohot hakejamon di tonga-tonga ni halahi. Dipambaeni halahi angka parjanjian dohot Asur jana marboniaga halahi dohot Mesir.”

HOSEA 12:3

Adong do parkaro ni Tuhan dohot bangso Juda; laing uhumonNia muse do dohot Jakob hara ni pangalaho ni bangso i. BaloskononNia ma parbuatan ni halahi i.

HOSEA 7:2

Na so unjung do mamolus di pikiran ni halahi, sai paingot-ingotonKu do sude hajahatan ni halahi i. Humaliang halahi do angka dosa ni halahi gabe tangkas do Huida sudena.”

HOSEA 8:13

Dihaulkon halahi do haul tu Au, jana dipangan halahi haul i, hape Au Tuhan nada manghajopkon angka haul i. Saonnari ingotonKu ma dosa ni halahi i jana uhumanKu noma halahi hara ni angka dosa i; tongosonKu ma halahi mangulahi tu Mesir!

HOSEA 9:15

Didok Tuhan ma, “Di Gilgal do mamungka sude hajahatan ni halahi i. Disi ma mamungka goyak rohangKu mida halahi. Hara ni jahat ni pambaenan ni halahi, paorotonKu noma halahi sian tanongKon. Nada holong be rohangKu tu halahi; madung sude pamimpin ni halahi mangalo tu Au.

HOSEA 9:9

Na lobi do jahatmunu songon na dung unjung dibaen halak Gibea. Ingoton ni Debata do hasalaanmunu jana uhumanNa hamu hara ni dosamunu i.

ZAKARIA 1:6

Tapi sude hata dohot angka paraturanKu na dung Huparentahon tu angka naposongKu, angka panurirang, nada he madung lalu i tu angka ompumunu?” Jadi muba ma roha ni halahi, jana ninna ma, “Songon Tuhan Na Markuaso na marsangkap mambaen pangalaho maradopkon hita, tudos tu na hita karejohon, songon i ma dibaen Ia pangalaho maradopkon hita.”

MATEUS 15:14

Padiar hamu ma halahi. Angke panogu na mapitung do halahi, na manogu na mapitung. Muda di togu na mapitung halak na mapitung, madabu do halahi na dua tu lubang i.”