HOSEA 4:18 - BIBEL JAMITA NA DENGGAN

¹⁸ Dung mabuk halahi hara ni na mabahattu minum anggur, sonang ma roha ni halahi manggampang. Jumop noma roha ni halahi marlayas ulang dipasangap.

HOSEA 4:18 ပူးပေါင်းရင်းမြစ်များ

PAMUNGKAAN 38:24

Dung adong hira-hira tolu bulan, dipaboa halak ma barita on tu si Juda, “Ma gabe boru jalang parumaenmu, jana ma denggan pamatangna.” Jadi diparentahon si Juda ma, “Oban ma ibana tuson jana tutung lopus mate!”

MASMUR 47:9

Marlagut ma pamimpin ni angka bangso, songon bangso ni Debata na nisomba ni si Abraham. Angke raja na godang do Debata, gumincat do kuasoNia sian sude parangan.

HARURUAR 23:8

Ulang jagit hamu hepeng sisip, angke gabe mapitung do halak tu na tigor baenon ni hepeng sisip jana mangarugihon do i diparkaro ni angka halak na so marsala.

JEREMIA 2:21

Husuan ho songon bona ni anggur na Hutodo sian tampang na sumurung. Hape saonnari ho gabe muba, songon hayu na muab busuk, hayu anggur na riar.

JEHESKIEL 16:15

Hape diparsayang ho hajogian ni rupami dohot hahuskuson ni goarmi. Modom do ho dohot halaklahi pamolus sanga na bia pe i.

HOSEA 4:10

Panganonmunu do nian sian angka haul na nihaulkon i, hape tongtong malean. Sombaonmunu ma angka debata hagabean, tapi laing nada maruntungan hamu, angke madung ditadingkon hamu Au laho marsomba hamu tu angka debata.”

HOSEA 4:2

Dibaen halahi janji hape nada digohi halahi; margabus, mamunu, manangko, manggampang do halahi. Martamba do hajahatan jana mardapot-dapot pamunuon.

HOSEA 9:10

Didok Tuhan ma, “Di mulana marsuo Au dohot Israel marjop ni roha do Au songon dia bayo na dapotan batu ni anggur di padang halongonan. Di na parjolo situtu Huida angka ompumunu, sonang noma rohangKu songon halak na marnida patumonaan ni batu ni ara. Tapi di na kehe halahi tu Dolok Peor, mamungka ma halahi marsomba Baal, jadi gabe hodar ma halahi songon debata na nihaholongan ni halahi i.

AMOS 5:12

Huboto do sanga songon dia godang ni hajahatanmunu dohot bahat ni dosamunu. Disosak hamu do halak na burju; dijagit hamu do sogok jana dipadiar hamu do dibaen na so tigor tu halak na pogos di paruhuman.

MIKA 3:11

Anso dapotan hepeng sogok do umbaen na mamarenta angka parkuaso ni kota, angka malim mangajarkon Uhum Ni Tuhan anso dapotan gaji, marjamita angka panurirang anso dapotan hepeng – dung i diambang halahi ma di pihak ni halahi Tuhan i. Didok halahi ma, “Di tonga-tonganta do Tuhan; nada pola ro parmaraan tu hita.”

MIKA 7:3

Sude do malo mambaen jahat. Parkuaso dohot panguhum mangido hepeng sogok, jana hatobangon ni kota mamaksahon hagiotna, songon i ma halahi rap martahi na jahat.

PANGARATAION 16:19

Di na mambuat haputusan, nada tola halahi mambaen roha-rohana sanga na teleng sabola. Nada tola muse halahi manjagit sisip angke mambaen mapitung do angka silua, bope di halak na bisuk dohot na tigor, lopus gabe dibaen halahi haputusan na sala.

1 SAMUEL 8:3

Tapi nada diihutkon halahi pangalaho ni amang ni halahi, hum hauntungan tu dirina sajo do na dipikirkon ni halahi. Manjagit hepeng sogok do halahi jana nada tigor dibaen halahi mamutuskon angka parkaro.