HOSEA 4:17 - BIBEL JAMITA NA DENGGAN

¹⁷ Mardomu do Efraim dohot angka gana-ganaan, padiar ma ia!

HOSEA 4:17 ပူးပေါင်းရင်းမြစ်များ

MASMUR 81:12

Gabe Hupadiar noma halahi papir rohana, jana marsibaen roha-rohana.

HOSEA 11:2

Tapi mur Hupioi anakKi mur mandao do ia sian Au. Dioban ia haul jana ditutung ia dupa di Baal dohot di angka debata na asing.

HOSEA 11:6

Mangararati ma parporangan lopus tu angka kota ni halahi, bungkaron ma angka pintu horbangan jana abiskononna ma bangsongKi. Patunda ni na paihut-ihut giotna sandiri ma umbaen na tarjadi sudena i;

HOSEA 12:1

Didok Tuhan ma, “Dihuliangi Efraim do Au marhite gabus dohot sipaoto-oto; bangso Juda laing tongtong mangalo tu Au, Debata Na Badia jana na tigor.

HOSEA 13:2

Lopus saonnari laing torus dope mardosa angka halak Efraim i; dipambaeni halahi do angka patung sian perak na nirangrangan ni akal ni jolma jana na nigana ni tangan ni jolma lalu disomba ma i. Didok halahi, “Pelehon ma haul tu angka patung on!” Padiar ma diummai jolma i angka anak ni lombu i!

HOSEA 4:4

Didok Tuhan ma, “Ale angka malim, ulang adong sian hamu na pasalahon sanga mamuruhi bangsongKi, angke hamu do na Hupasala!

MATEUS 15:14

Padiar hamu ma halahi. Angke panogu na mapitung do halahi, na manogu na mapitung. Muda di togu na mapitung halak na mapitung, madabu do halahi na dua tu lubang i.”

HALUMBAAN 22:11

Barang ise na mambaen hageduhan, dipupu ia ma mambaen hageduhan i, jana barang ise na hodar dipahodar ia ma dirina; dung i barang ise na tigor roha, dipupu ia ma mambaen hatigoran, jana barang ise na badia, diparbadiai ia ma dirina.”