HOSEA 4:16 - BIBEL JAMITA NA DENGGAN

¹⁶ Harana tangkang do Israel songon lombu na tangkang, giot bia ma he Tuhan marmahani halahi, songon biri-biri di tano lapang?

HOSEA 4:16 ပူးပေါင်းရင်းမြစ်များ

MASMUR 78:8

Anso ulang halahi songon ompuna, na sai mangalo jana manggaga. Sai na ganggu do haporsayaan ni sundut ni halahi nada setia tu Debata halahi.

JESAYA 30:23

Muda manyabur same hamu, tongoson ni Tuhan ma udan anso tubu same i jana mangalehen suha marlompit ganda. Di pahan-pahananmunu pe rade ma bahat jampalanna.

JESAYA 5:17

Dung i angka biri-biri angkon manjampali di si songon di padangna sandiri jana angka hambeng manjalahi sipanganonna di bagasan ronco-ronco ni tembok ni halak na kayo.

JEREMIA 14:7

Pio-pio tu Au bangsongKu, ‘O Tuhan, dosanami tu hami manudu urupi ma hami hombar tu baga-bagaMu. Madung hami tadingkon Ho marpupu; tutu do na dung mardosa hami tu Ho.

JEREMIA 3:11

Dung i muse dipaboa Tuhan ma tu au, haru pe na dung dihudukkon Israel Ia, hape dumenggan dope Israel ulang pado Juda na so setia i.

JEREMIA 3:6

Di na gabe raja si Josia, didok Tuhan ma songon on, “Madung he diida ho na nibaen ni Israel dadaboru na so setia i? Di sandok dolok na gincat dohot di toru ni sude hayu na rumbun, marmainan ia.

JEREMIA 3:8

Diligi ia, hara ni na manggampang ia madung Husirangkon Israel, dadaboru na murtad i, jana mangalehen tusia surat sirang: Tapi Juda, ibotonia dadaboru na so setia i nada mabiar, jana ia sandiri pe kehe do manggampang.

JEREMIA 31:18

Hubege do halak Israel mangkuling di bagasan arsak godang, ‘Ale Tuhan, tudos do hami tu lombu riar na so dipajinak hape diajar Ho do hami anso patu, saonnari madung rade hami mulak tu adopanMu. Antong, oban ma hami mangulahi, ale Tuhan, Debatanami.

JEREMIA 5:6

I ma dalanna gabe soroon ni singa na sian harangan halahi, jana diparsuragehon ni sorigala na sian padang halongonan. Humadeap ma angka angguliman manjalahi soroanna di bagasan angka kota ni halahi, jana sanga ise na ruar sian bagasna soroanna noma i. Patunda ni na dung bahat do halahi mardosa umbaen na tarjadi sudena i, jana marpupu halahi manghudukkon Debata.

JEREMIA 7:24

Hape nada ra halahi manangihon dohot mamparrohahonsa. Tubu-tubu ni roha ni halahi na pir boti na jat i sandiri do dipaihut-ihut halahi. Indada mur dumenggan halahi tapi mur tu jahatna noma.

JEREMIA 8:5

Hape anggo hamu bangsongKu, biasi ditadingkon hamu Au, jana nada ra mulak tu Au? Ditulak hamu do Au jana togu hamu marsitiopan tu gana-ganaanmunu i!

HOSEA 10:11

Najolo songon lombu jara-jara na niajar do Efraim jana na ringgas mardege gandum. Nada pola porlu baenonKu auga tu tangkuhukna na jeges i. Tapi anggo saonnari tarpaksa noma baenonKu halahi markarejo na borat. Husuru Juda mamangkur, jana Israel Husuru manyisir.

HOSEA 11:6

Mangararati ma parporangan lopus tu angka kota ni halahi, bungkaron ma angka pintu horbangan jana abiskononna ma bangsongKi. Patunda ni na paihut-ihut giotna sandiri ma umbaen na tarjadi sudena i;

HOSEA 11:7

dohot hara ni jogal ni rohana laho manadingkon Au. Jadi gabe tarpisat ma halahi, tapi nada adong na paluahon haru pe marsurak halahi mangido tolong.”

HAMALIMON 26:33

ParoonKu ma parporangan di luatmunu jana manyarsar hamu di luat na leban. Angka ladangmu gabe tarulang jana kotamu gabe abu.

ZAKARIA 7:11

Tapi nada diantureskon halahi jana mangalo, jana dipaingol do pinggolna anso ulang marbinege.

1 SAMUEL 15:11

“Manyosal do Au dung Hubaen si Saul gabe raja, angke marbalik do ia sian Au, jana nada dipatulus ia na Huparentahon.” Muruk ma si Samuel jana saborngin i sai humolos ma ia tu Tuhan.