HOSEA 4:15 - BIBEL JAMITA NA DENGGAN

¹⁵ Ale hamu halak Israel, haru pe nada unduk hamu tu Au, sai ulang ma nian dohot Juda mambaen hasalaan na nibaenmunu i! Ulang maribadat di Gilgal sanga di Bet-Awen. Ulang baen hamu janji disi mangasahon goar ni Tuhan na mangolu i.

HOSEA 4:15 ပူးပေါင်းရင်းမြစ်များ

2 JUJUR TAON 17:4

tapi maribadat tu Debata do ia. Burju do ia mangoloi angka parenta ni Debata, jana ngolunia pe nada songon angka raja ni Israel.

2 JUJUR TAON 21:11

Mur dipajongjong ia muse dope tehe angka inganan parsombaan ni gana-ganaan na di luat partoran Juda, jana hara ni ia gabe mardosa ma rayat ni Juda dohot Jerusalem tu Tuhan.

JESAYA 48:1

Tangihon ma hata on, ale pomparan ni si Jakob, na mandok dirina marhite goar ni Israel, jana na nidok pomparan ni Juda; na marsumpa mangasahon goar ni Tuhan jana na mangokui Debata ni Israel, tapi nada sasintongna jana nada sian ias ni rohana.

JEREMIA 44:26

Tapi saonnari tangihon hamu ma sanga aha na Hudok tu hamu, ale halak Israel na di Mesir: Au Tuhan, Husumpahon mangasahon goarKu na godang i bahaso na so loasonKu hamu be mamake goarKu laho mambaen janji bagi aha. Nada tola dokkononmunu, ‘Marsumpa Au mangasahon Debata na mangolu i!’

JEREMIA 5:2

Haru pe didok halahi, “Marhite Tuhan na mangolu,” tapi marsumpa pargabus do halahi.

JEHESKIEL 20:39

Didok Tuhan Debata i ma, “Ale hamu halak Israel, saonnari saguru di hamu ma. Toruskon hamu ma mambaen dosa, marhite na marsomba gana-ganaanmunu i! Tapi ingot hamu ma, anggo dung salpu i angkon oloanmunu do Au jana ulang be pajat hamu goarKu na badia i marhite na maroban pelean tu angka gana-ganaanmunu i.

HOSEA 10:5

Mabiar ma halak Samaria; marsak jana tangis ma halahi dohot angka malim na mangkobasi lombu sere na di Bet-Awen i hara ni parmago ni hajagaron ni gana-ganaan ni halahi.

HOSEA 10:8

Angka bagas pamelean na di angka tor Awen inganan pamelean ni halak Israel, roncohonon noma i. Martubuan ma duhut dohot duri di langgatan ni halahi i. Dung i marsurak ma halahi pio-pio tu angka dolok, “Ondingi ma hami!” dohot tu angka tor, “Dondoni ma hami!”

HOSEA 12:1

Didok Tuhan ma, “Dihuliangi Efraim do Au marhite gabus dohot sipaoto-oto; bangso Juda laing tongtong mangalo tu Au, Debata Na Badia jana na tigor.

HOSEA 12:11

Madung manghobari Au tu angka panurirang, jana Hulehen bahat parnidaan tu halahi. Marhite sian halahi Hulehen do sipaingot tu hamu, bangsongKu

HOSEA 12:12

hape haru songon i pe laing adong do na marsomba gana-ganaan di Gilead dohot na mamelehon lombu di ginjang ni langgatan na di Gilgal. Tapi muli mate do halahi na marsomba gana-ganaan i, jana angka langgatan na di Gilgal i pe gabe batu na nipagukguk di ladang do.”

HOSEA 4:12

Marsapa do bangsongKu tu bona ni hayu! Dipaboa sada tungkot do tu hamu sanga aha na giot sibotoonmunu! Ditadingkon hamu do Au. Songon sada anakboru na gabe panggampang, songon i ma dibaen hamu pasahat dirimunu tu angka debata.

HOSEA 5:8

Palu ma sarune di Gibea! Baen ma tanda ni pio-pio marporang di Rama! Surakkon ma surak-surak parporangan di Betel! Maju ma marporang, hamu halak Benyamin!

HOSEA 9:15

Didok Tuhan ma, “Di Gilgal do mamungka sude hajahatan ni halahi i. Disi ma mamungka goyak rohangKu mida halahi. Hara ni jahat ni pambaenan ni halahi, paorotonKu noma halahi sian tanongKon. Nada holong be rohangKu tu halahi; madung sude pamimpin ni halahi mangalo tu Au.

AMOS 4:4

“Ro ma tu Betel jana karejohon ma angka na jat, tu Gilgal jana mur pahebat ma karejo na jat i! Pupu hamu ma manghaulkon haul i ganop ari, jana oban ma haul parsampuluanmu ganop di ari patoluhon!

AMOS 5:5

Ulang hamu kehe tu Berseba laho marsomba. Ulang jalahi hamu Au di Betel, angke na laho mago do Betel. Ulang kehe muse hamu tu Gilgal, angke na giot obanon do halak kota i tu habuangan.”

AMOS 6:10

Muda adong sian na sabagas mangurus kuburan ni na matean, ro ma ia jana ia ma maroban bangke ni sisolkotna i tu balian. Pio-pio ma ia tu jolma na di pudi ni bagasna i, “Adong dope he na mangolu disi rap dohot ho?” Jadi tarbege ma alus mandok, “Nada be!” Dokkonon ni na markarejo mangubur bangke ia ma, “Ulang be mangkatai ho! Nada tola dokkononta goar ni Tuhan.”

AMOS 8:14

Angka jolma na marsumpa mangasahon gana-ganaan ni Samaria na mandok, ‘Mangasahon goar ni debata ni bangso Dan’, sanga, ‘Mangasahon debata ni Berseba’ – tinggang noma i jana nada tarsunggul-tarsunggul be.”

EPESUS 5:11

Ulang dohoti hamu angka jolma na mambaen parange na golap angka na so marguna. Gumonanan do gorahon hamu angka na songon i. (

JOSUA 5:9

Didok Tuhan ma tu si Josua, “Sadari on Huagohon ma sude habileanmunu na gabe hatoban di Mesir.” I ma dalanna umbaen margoar inganan i Gilgal lalu tu sadari on.

JOSUA 7:2

Na disuru si Josua do di hatiha i piga-piga halak sian Jeriko tu Ai, i ma sada kota di Habincaran ni Betel, na di lambung ni Bet-Awen. Na disuru do halahi kehe laho manangkasi luat i. Dung sidung dipadalan halahi karejo i,