HOSEA 4:10 - BIBEL JAMITA NA DENGGAN

¹⁰ Panganonmunu do nian sian angka haul na nihaulkon i, hape tongtong malean. Sombaonmunu ma angka debata hagabean, tapi laing nada maruntungan hamu, angke madung ditadingkon hamu Au laho marsomba hamu tu angka debata.”

HOSEA 4:10 ပူးပေါင်းရင်းမြစ်များ

2 JUJUR TAON 24:17

Jadi dung jumolo si Joyada, dijajang angka pamimpin ni Juda ma si Joas, gabe nada dirohahon ia be pangajaran ni si Joyada.

MASMUR 125:5

Tapi muda diuhum Ho halak na jahat, uhumi muse ma sanga ise na manyimbil sian dalanMu. Sai horas torkis ma bangsoMi!

MASMUR 36:3

Gok sipaoto-oto, jahat angka hatana, anggo na denggan dohot habisuhon nada dibaensa.

PODA 13:25

Sai na tuk do baenon ni halak na burju roha, hape anggo halak na jahat sai marhahurangan.

JEREMIA 34:15

Piga-piga ari na dung salpu dipauba hamu do pangalahomunu jana dibaen hamu jop ni rohangKu. Satuju do hamu sude laho paluahon angka hatoban sian donganmunu sabangso jana dibaen hamu do parjanjian i rap dohot Au di bagasan BagasKu.

JEREMIA 9:12

Husapai ma, “O Tuhan, biasi dipadiar luat on harsang jana marogang songon padang halongonan gabe so adong halak na mamolussa? Adong dope he na tuk mangastui sasudena on? Tu ise dehe Hulehen hatorangan anso tarpalalusa i tu halak na asing?”

JEHESKIEL 18:24

Tapi muda adong sada halak na burju na so mambaen na denggan be, jana na mambaen hajahatan dohot sude pangalaho si hagigian na dihasomalkon ni halak na jahat, torus ma he ia mangolu? Nada! Sada pe sian angka pambaenannia na denggan i, nada adong be siingoton. Mate noma ia patunda ni na mambaen dosa dohot hara ni na so burju tu Au.

JEHESKIEL 22:9

Sian tonga-tonga ni halak na mangingani ho adong do deba pajajang-jajang na sai manilakoi halak na asing anso mate hona uhum. Adong muse do na giot mangankon juhut na dung dipelehon tu gana-ganaan. Adong muse dope na sai ra marhamainan.

HOSEA 4:14

Tapi nada uhumonKu halahi hara ni i, angke hamu sandiri pe kehe do tu angka panggampang na markarejo di angka bagas parsombaan, jana dihaulkon hamu do haul tu debata rap dohot halahi. Tutu situtu ma da na nidok ni pandohan on, ‘Jana bangso na so marpangastuion angkon maronco.’

HOSEA 7:4

Sude do halahi angka parkarosuan, songon dapur na torus marapi, hatiha tukang roti maradian pagarahon apina, dompak mambaen adonan dope ia.

HAMALIMON 26:26

Gabe sude ma balanjomunu, jabat sampulu dadaboru mangalompa di sada tataring pamasakkon roti na adong di halahi. Dibagi dos panganon i, dung i dilehen di hamu, hape sai tongtong male hamu.

MIKA 6:14

Mangan ma hamu, tapi nada marnabutong – mur tongtong noma malean. Angkatonmunu ma angka barang-barang, tapi nada tarjagohon hamu; sanga aha na nijagohonmunu roncohononKu ma i di bagasan parporangan.

ZEPANYA 1:6

AbiskononKu ma halahi na so ro tu Au sanga na so mangido panogu-noguon tu Au dohot na dung marbalik manadingkon Au jana na so ra be mangihutkon Au.”

HAGAI 1:6

Madung disabur hamu bahat same, hape saotik do suhana. Adong do nian panganon di hamu, tapi nada tuk pabutongkon siubeonmunu. Minum do hamu nian, tapi nada sombu nguasmunu. Adong do pakeanmunu, tapi nada tuk mambaen las pamatangmunu. Jana upa na nijagit ni pangomo nada tuk laho paudutkon ngolu ni halahi.