HOSEA 2:7 - BIBEL JAMITA NA DENGGAN

⁷ Kojaronnia ma angka haholongan ni rohania i, tapi nada dapot ia halahi. Jalak-jalahannia ma halahi, tapi nada dumpang ia halahi. Dung i dokkononnia ma, “Mulak noma au tu halaklahingKu na parjolo i; dumenggan do au na salpu i ulang pado saonnari.”

HOSEA 2:7 ပူးပေါင်းရင်းမြစ်များ

2 JUJUR TAON 28:23

Mangalapi hamagoanna dope ia tu dirina dohot tu rayatnia hara ni na mamelehon haul ia tu angka debata ni halak Siria i na manaluhon ia. Dipikir ia, “Madung diurupi angka debata ni Siria i antong angka raja-raja ni Siria, jadi muda hupelehon haul tu halahi, betak na tolongannia muse do iba.”

MASMUR 116:7

Sonang ma ho, ale rohangku, angke burju do Tuhan tu au.

JESAYA 30:16

Hape so ra hamu! Mur mambaen tahi do hamu laho maporus sian musumunu manengget kudo na hipas, marlojong do hamu tutu jana mago. Didok hamu muse do, “Giot tenggetonnami do kuda na gogo,” hape gumogo dope angka na mangkojar hamu.

JEREMIA 14:22

Adong ma he lakna na bisa parohon udan sian tonga-tonga ni debata gana-ganaan ni angka bangso i? Sanga tarbaen langit i ma lakna paporkon udan? Hum Ho do ale Tuhan, Debata na hami haporsayai, na bisa mambaen sasudena i!

JEREMIA 2:2

Kehe ma ho paboahon barita on tu sude halak na adong di Jerusalem, “O ale Israel, Huingot do holongmu, taran di haposoonmu; godang ni holong ni rohamu di na dompak boru ho. Diihutkon ho do Au tu halongonan mangolu sian luat na so marsuan-suanan.

JEREMIA 2:28

Di dia ma he angka debatamunu na nipaturemunu i? Muda masa hasusaan suruhon ma halahi paluahon hamu, anggo tarbaensa do! O ale Juda, bahat ni angka debatamu sabahat ni angka kotamu!

JEREMIA 2:36

Nayang na i didok rohamu laho paubahon parangemu! Jana angkon maila ma ho hara ni halak Mesir, songon na dung dipaila ni Asur i ho.

JEREMIA 3:1

Didok Tuhan, “Muda disirangkon halaklahina sada dadaboru, lalu marbagas anak boru i tu bayo na asing, nada tola be halaklahina i humani mambuat dadaboru i mangulahi gabe ripena, angke pasego-segohon do pangalaho na songon i di luat on. Antong ho ale Israel, madung bahat sajo haholongan ni rohamu, biasi dope puluk ho mulak tu Au?

JEREMIA 31:18

Hubege do halak Israel mangkuling di bagasan arsak godang, ‘Ale Tuhan, tudos do hami tu lombu riar na so dipajinak hape diajar Ho do hami anso patu, saonnari madung rade hami mulak tu adopanMu. Antong, oban ma hami mangulahi, ale Tuhan, Debatanami.

JEREMIA 31:32

Tapi nada sarupa parjanjian i dohot parjanjian na Hubaen tu ompu ni halahi di na Hutogu halahi haruar sian Mesir. Haru pe Au songon halaklahi ni halahi, tapi digagai halahi do parjanjianKu dohot halahi.

JEREMIA 44:17

Sude na dung hami janjihon laing patulusonnami do i. Laing hot do hami manghaulkon haul tu Namora di Langit, dohot manduruskon anggur baen pelean disia songon na dung somal masa di angka kota ni Juda dohot di angka dalan na di Jerusalem, dipadalan angka ompunami, angka raja-raja dohot angka pamimpinnami maradu hami sandiri. Anggo di hatiha i tuk do panganonnami, sonang do hami jana nada adong na maol sanga na aha.

JEHESKIEL 16:18

Dipapakehon ho tu angka patung i pakean na marsulam na Hulehen i di ho. Dipelehon ho tu halahi miak zetun dohot dupangKu na Hulehen i tu ho.

JEHESKIEL 16:8

Dung i mamolus ma Au sian i jana Huida ma ho, tutu, madung hatihana ho marhaposoon. Hupahembang ma abitKu tu ho laho mangulosi ho. Hubaen ma parjanjian dohot ho, songon i ma pandok ni Tuhan Debata, jana marhite na songon i Au ma nampuna ho.

JEHESKIEL 20:32

Giotmunu nian tudos ma hamu dohot angka bangso na asing i dohot tu halak na maringanan di tano sileban na manyomba hayu dohot batu. Tapi nada lalu anggo giot ni rohamunu.’ ”

JEHESKIEL 23:12

Si Oholiba pe santak do por ni rohania di angka halak Asur i, i ma angka doli-doli na tongam na sian parangan na markudo, angka namora dohot parpangkat na timbo, maradu angka tentara na marpakean saragam na rara bunga torung i.

JEHESKIEL 23:22

Didok Tuhan Debata i ma, “Ale Oholiba, madung magigi ho di angka haholongan ni rohami, tapi jajangonKu ma halahi anso muruk tu ho jana hobuhonna ho.

JEHESKIEL 23:4

Goar ni siangkaan i si Ohola; i ma gambaran ni Samaria. Goar ni anggina i si Oholiba, i ma na manggambarkon Jerusalem. Kawin ma Au dohot halahi na dua jana adong ma dakdanak sian halahi na dua.

DANIEL 4:17

I ma haputusannami angka surusuruan na hobas jana na manat-manat. On do maksudnami: Anso dioku angka jolma sanga na di dia pe, na markuaso do Na Gumincat i maradopkon harajaan ni jolma dohot mangalehen harajaan i sanga tu ise pe na nitodoNia, bope tu halahi na umbile situtu pe!’

DANIEL 4:25

Paoroton ma raja i sian tonga-tonga ni parngoluon ni jolma, jana mangolu di tonga-tonga ni angka binatang noma di padang. Pitu taon honokna sai mangan ruput raja i songon lombu jana modom di tano lapang na so martarup, gabe marombun-ombun. Dung salpu i, okuon ni raja i ma paboa na markuaso do Na Gumincat i di ginjang ni harajaan ni jolma, jana dilehen Ia harajaan i tu sanga ise sajo na nitodo ni rohaNia.

DANIEL 4:32

Paoroton ma ho sian parngoluon ni jolma, jana mangolu di padang-padang ma ho songon angka binatang. Pitu taon honokna mangan ruput noma ho songon lombu. Dung salpu i okuonmu ma na markuaso do Na Gumincat i maradopkon harajaan ni jolma jana dilehen Ia harajaan i sanga na tu ise sajo na nitodoNia.”

DANIEL 5:21

Dipaorot do ia sian parngoluon ni jolma manusia jana pikirannia pe gabe songon pikiran ni binatang. Halode harangan noma dongannia mangolu, manjampal ruput songon lombu jana modom di na tardas so marsiholip maradopkon ombun. Ujungna dioku ia ma na markuaso do hape Debata Na Gumincat i maradopkon harajaan ni jolma jana dilehen Ia harajaan i sanga na tu ise sajo na nitodoNia.

HOSEA 1:2

Hatiha mulai Tuhan manghatai marhite si Hosea, didok Ia ma tu si Hosea, “Kehe ma ho, buat ma sada halak siboru jalang baen dadaborumu, jana anakkon ma angka anak gampang, angke madung ramun kota on marhite na manundalkon Tuhan.”

HOSEA 13:6

Hape dung lalu hamu di tano na denggan jana butongan hamu lopus sombu, gabe ginjang ma rohamunu jana lupa ma hamu tu Au.

HOSEA 14:1

Angkon uhumon do Samaria hara ni na mangalo tu Au. Marmatean ma rayatna i di bagasan parporangan; hona giling angka dakdanakna na baru sorang, jana angka dadaboru na denggan pamatangna hona bola butuhana i.”

HOSEA 2:16

Jana nada be Baalnia Au goaronnia, tapi dokkononnia ma Au halaklahinia.

HOSEA 5:13

Torang do diboto bangso Israel dohot bangso Juda hajorbuton na masa di halahi, gabe kehe ma Israel tu Asur laho mangido bantuan sian raja bolon i. Hape nada haurupan raja i sanga tarpadenggan na masa tu halahi.

HOSEA 5:15

Angkon kehe do Au mulak tu ingananKu, lopus mangoku sala halahi jana manjalahi Au. Di bagasan pardangolan ni halahi gabe malungun halahi tu Au.”