HOSEA 2:6 - BIBEL JAMITA NA DENGGAN

⁶ Harani i, giot tutuponKu ma dalanna dohot angka suga, jana pajongjongon tembok giot mangurung ia, jadi nada diboto ia be dalanna.

HOSEA 2:6 ပူးပေါင်းရင်းမြစ်များ

JOB 19:8

Ditutup Debata dalan di au, nada tarbolus au, golap do dibaen Ia dalanku.

JOB 3:23

Digupgupi Debata do ari pangapudian ni halahi, dihobuk Ia do halahi sian sude suhi.

JESAYA 57:3

Tapi hamu, padonok hamu ma tuson, ale angka anak ni dadaboru tukang sihir, ale pomparan ni na markarosuan dohot siboru jalang!

JEREMIA 18:15

Hape madung dihalupahon bangso i anggo Au, jana manutung dupa halahi tu gana-ganaan. Tartuktuk halahi di dalan narobi na angkon siboluson ni halahi, gabe manyimbil tu dalan na so dipahornop.

HOSEA 10:8

Angka bagas pamelean na di angka tor Awen inganan pamelean ni halak Israel, roncohonon noma i. Martubuan ma duhut dohot duri di langgatan ni halahi i. Dung i marsurak ma halahi pio-pio tu angka dolok, “Ondingi ma hami!” dohot tu angka tor, “Dondoni ma hami!”

HOSEA 9:6

Madung donok hamamago jana masarsar ma hamu. Jadi palagut-laguton ni halak Mesir ma hamu anso dikubur di Memphis! Tubu ma duhut dohot duri, jana tutupanna ma parbagasonmunu humani dohot angka barang perakmunu sigodang arga i.

LUKAS 19:43

Saulahon ro do hatihana, baenon ni angka musumu ma rungga humaliang ho, hobuhon ni halahi ma ho jana sosahanna ma ho humaliang.

2 KORINTUS 12:7

Tapi ulang maginjangtu rohangku hara ni angka parnidaan na luar biasa i, gabe dilehen do saragam nyae di pamatangku na gabe songon parkokas ni Sibolis. Gabe manyonggot rohangku do nyae i, anso ulang ginjang do rohangku umbaen na dilehen i.