HOSEA 2:4 - BIBEL JAMITA NA DENGGAN

⁴ Taringot tu angka anakna, nada haholonganKu be halahi, angke anak gampang do halahi.

HOSEA 2:4 ပူးပေါင်းရင်းမြစ်များ

2 RAJA-RAJA 9:22

“Barita na denggan do luai ale,” ning si Joram manyapai si Jehu. “Bia ma pambaenna adong hadameon, anggo laing adong dope angka datu dohot panyombaan tu gana-ganaan na nipungka ni si Isebel inangmi didalankon dison,” ning si Jehu mangalusi.

JESAYA 27:11

Muda adong angka rantingna i na mahiang jana masopak, ro ma angka dadaboru mambuatisa baen soban. Nada diastui bangso i sanga na aha, jadi gabe nada haholongan ni Panompa i be halahi sanga asianNa.

JESAYA 50:1

Songon on do hata ni Tuhan: “Di dia ulaning surat sirang ni inangmu tanda na Huusir ia? Sanga tu ise dehe sian parsingiranKu, jungada Hugadis ho? Satutuna, hara ni hasalaanmu sandiri do umbaen na targadis ho, jana hara ni pangalaosimu sandiri do umbaen na diusir inangmu.

JESAYA 57:3

Tapi hamu, padonok hamu ma tuson, ale angka anak ni dadaboru tukang sihir, ale pomparan ni na markarosuan dohot siboru jalang!

JEREMIA 13:14

Jana marsitomboman halahi baenonKu. Songon i ma baenonKu na matobang dohot na poso nada adong ampunanna. AbisanKu ma halahi nada mamake ibo ni roha dohot pangusayang. Au Tuhan, madung mandok songon i.”

JEREMIA 16:5

Ulang ho kehe tu bagas ni halak na hatiha marsak, ale Jeremia. Ulang ho dohot marsak hara ni sanga ise pe. Nada pasupasuonKu be bangsongKu dohot hadamean jana indangkon na ra be Au patuduhon holong ni roha sanga ibo ni rohangKu tu halahi.

JEHESKIEL 23:25

Hara ni na muruk Au tu ho, Hupadiar halahi jingar tu ho. Rampingkonon ni halahi igungmu dohot pinggolmu jana buaton ni halahi angka dakdanakmu jana tutungonna mangolu-olu.

JEHESKIEL 8:18

Rasoan ni halahi ma jorbut ni hamumurukKu! Nada halupahononku sanga ampunanKu halahi. Haru pe mangangguhi halahi martangiang tu Au sagogo-gogona, nada ra Au manangihon!”

JEHESKIEL 9:10

Nada be ibo rohangKu mida halahi. Angkon baenonKu tu halahi sanga aha na nibaen ni halahi tu halak na asing.”

HOSEA 1:2

Hatiha mulai Tuhan manghatai marhite si Hosea, didok Ia ma tu si Hosea, “Kehe ma ho, buat ma sada halak siboru jalang baen dadaborumu, jana anakkon ma angka anak gampang, angke madung ramun kota on marhite na manundalkon Tuhan.”

HOSEA 1:6

Dung i denggan ma muse pamatang ni dadaboru i jana manubuhon sada dakdanak dadaboru. Didok Tuhan ma tu si Hosea, “Baen ma goar ni borumi si Lo-Ruhama, angke nada holong be rohangKu mida bangso Israel, jana nada ampunanKu be halahi.

HOSEA 5:7

Nada unduk halahi tu Tuhan, angke madung disorangkon halahi angka dakdanak gampang. Hara ni i, nada sadia honok nari abiskonon noma halahi dohot angka ladang ni halahi.

ZAKARIA 1:12

Dung i didok Surusuruan i ma, “O Tuhan Na Markuaso, pitu pulu taon honokna muruk Ho tu Jerusalem dohot tu angka kota na adong di Juda. Sadia honok nari sai tongtong Ho muruk jana nada ampunanMu halahi?”

JOHANNES 8:41

Na nibaen ni amangmunu; i do na nibaenmunu.” Dialusi halak Jahudi i ma, “Nada anak gampang hami. Hum sada do Amangnami, i ma Debata sandiri.”

SURAT NI SI PAULUS TU PARLAGUTAN ROM 11:22

Jadi sian i tarida hita ma sanga na bia denggan ni roha ni Debata dohot pir ni rohaNia. Pir do tindakanNia anggo tu halak pardosa, tapi anggo tu ho denggan do rohaNia – asal ma laing sian hadengganan ni rohaNia ho mangolu. Anggo inda songon i, ho pe ambungkononNa do muse.

SURAT NI SI PAULUS TU PARLAGUTAN ROM 9:18

Jadi, maribo ni roha do Ia tu sada-sada halak, muda por rohaNia mambaen songon i. Jana dipapir Ia do roha ni sada-sada halak, muda giot baenonNia songon i.

JAKOBUS 2:13

Angke sanga ise halak na so maribo ni roha tu halak na asing, sidabuon do uhuman tusi so pola mardongan ibo ni roha. Tapi gumogo dope ibo ni roha ulang uhuman!