HOSEA 2:3 - BIBEL JAMITA NA DENGGAN

³ Muda sai dipupu ia do na marhalaklahi, talduskononKu ma pakeannia i anso talak-talak ia songon di ari parsorangnia. Giot baenonKu noma ia songon tano na mahiang jana na gariang; gabe mate ma ia, mate manguas.”

HOSEA 2:3 ပူးပေါင်းရင်းမြစ်များ

HARURUAR 17:3

Tapi sun do nguas ni angka jolma i jana sai torus do halahi marungut-ungut tu si Musa. Ninna halahi ma, “Biasi dioban ho hami haruar sian Mesir? Giot padiaronmu ma hami, dohot angka dakdanaknami maradu pahan-pahanannami mate manguas?”

JESAYA 33:9

Ditadingkon ma luat gabe mamolngit. Malos ma angka tombak Libanon, Rura Saron na napu i gabe songon padang halongonan. Mardabuan angka bulung-bulung ni hayu na di Basan dohot Dolok Karmel.

JESAYA 47:3

Idaon ni halak ma ho na so marpakean, dilayasi jana dipaila-ila. Palalu hosom ma Au tu ho, jana nada haantahan sanga ise Au,”

JESAYA 64:10

Madung gabe songon halongonan, angka kotaMu na badia i, Sion madung gabe halongonan, Jerusalem madung mamolngit.

JEREMIA 12:10

Bahat do parkuaso na leban na dung mangagohon kobun anggurKu dohot na mandegei angka padangKu. Madung diuba halahi luatKu na jeges i gabe padang halongonan na lungun.

JEREMIA 13:22

Betak sapa-sapa hamu biasi ro i tu hamu, biasi disibakkon pakeanmunu jana dibaen tu hamu roha-rohana. Patut angkon botoonmunu, patunda ni na magodangtu do dosamunu umbaen na tarjadi sudena i.

JEREMIA 13:26

Au sandiri manyibakkon pakean sian pamatangmu anso marsaemara ho jana maila.

JEREMIA 14:3

Angka pangoloi ni halak na mora disuru manjalahi aek sun tu dia; kehe halahi tu angka sumur hape aek madung abis sudena. Rumar ma parmuhatan na nioban ni halahi muli. Mardongan ganggu dohot dele ni roha ditutupi halahi bohina tanda ni arsakna.

JEREMIA 17:6

Songon suan-suanan do i na tubu di padang-padang i di tano na gariang jana marsira na so jungada do i na denggan didaisa.

JEREMIA 2:31

O hamu Israel, tangihon ma angka hatangKon. Unjung ma he Au songon padang halongonan maradopkon hamu, sanga songon tano na golap bulita jana na gok parmaraan? Hape biasi didok hamu sai na giot bebas hamu, jana nada ra be mulak mangulahi tu Au?

JEREMIA 2:6

Nada diantoi halahi Au; Au do nian na dung manogu halahi di dalan, jana na maroban halahi ruar sian Mesir, manyalpui parhorsihan; tano gariang na margaba-gobi, boti na harsang gok parmaraan padang na so diingani jana nada adong mamolus sian i!

JEREMIA 22:6

Anggo di Au santak do jeges ni bagas godang ni raja Juda on, songon jeges ni tano Gilead dohot angka Dolok Libanon, tapi baenonKu ma inganan i gabe songon padang halongonan na so niinganan ni halak.

JEREMIA 4:26

Huligi ma, tano na napu hian madung jadi padang halongonan, jana angka kotana madung maronco di jolo ni Tuhan di jolo ni rimasNa na marjilam-jilam. (

JEREMIA 51:43

Gabe inganan na jorbut noma angka kotana, tudos tu padang halongonan na harsang. Nada adong halak na ra maringanan sanga mamolus disi.

JEREMIA 51:5

Au Debata, Tuhan Na Markuaso, Debata Na Badia ni Israel, nada tadingkononKu Israel dohot Juda haru pe na dung mardosa halahi tu Au.

JEHESKIEL 16:22

Di sude parkarejoanmu si hagigian i, songon anak boru na so hasaya, saotik pe nada di ingot ho be hatiha hamenehanmu, taran mansaemara ho jana marngeati di tonga-tonga ni mudarmu sandiri.”

JEHESKIEL 19:13

Saonnari disuan ma ia di parhorsihan di tano na so maraek jana na gariang.

HOSEA 13:15

Haru pe sonang Israel songon duhut na napu, laing suruonKu ma alogo Habincaran na milas i sian padang parhorsihan. Mahiang ma baenon ni alogo i sude mual ni aek dohot angka sumur bage, gabe mago ma sudena na mararga.

HOSEA 2:10

PatalahonKu ia di jolo ni sude haholongan ni rohana. Sahalak pe nada adong na margogo paluahon ia sian kuasongKu.

HALUMBAAN 17:16

Tanduk na sampulu na niidami dohot binatang i, margoyak ni roha ma mida panggampang i. Baenon ni halahi ma ia lungun-lungunan jana salang-salang. Panganon ni halahi ma sibukna jana pangabison ni halahi ma ia dohot api.

HAKIM-HAKIM 15:18

Dung i manguas situtu ma dihilala si Simson gabe pio-pio ma ia tu Tuhan. Didok ia ma, “Tuhan, on dope dilehen Ho hamonangan godang on tu au. Saonnari angkon mate manguas noma au lakna, gabe tangkupon ni angka halak Pilistin na so marsunat on ma au?”