HOSEA 2:2 - BIBEL JAMITA NA DENGGAN

² Didok Tuhan ma, “Paboa ma tu inangmu, paboa ma, angke nada dadaborungKu be ia, jana nada halaklahinia be Au; padiar ma dipadao parhamainanna sian bohina, dohot parkarosuan sian adopna.

HOSEA 2:2 ပူးပေါင်းရင်းမြစ်များ

JESAYA 11:12

PajongjongonNia ma sada mandera laho patandahon tu angka bangso bahaso na nipalagutNia mangulahi bangso Israel dohot Juda na marserak i di na opat mata angin jana maroban halahi mulak.

JESAYA 50:1

Songon on do hata ni Tuhan: “Di dia ulaning surat sirang ni inangmu tanda na Huusir ia? Sanga tu ise dehe sian parsingiranKu, jungada Hugadis ho? Satutuna, hara ni hasalaanmu sandiri do umbaen na targadis ho, jana hara ni pangalaosimu sandiri do umbaen na diusir inangmu.

JESAYA 58:1

Marsurak ma sagogomu, ulang ma tahan-tahan. Marsurak ma sagogomu songon sarune. Paboa ma tu bangsongKu taringot tu hasalaan ni halahi dohot tu pomparan ni si Jakob taringot tu dosa ni halahi!

JEREMIA 19:3

Dongkon ma, “Tangihon ma hata ni Tuhan, ale raja-raja ni Juda dohot rayat Jerusalem! Songon on ma hata ni Tuhan Na Markuaso, Debata ni Israel: Satutuna paroonKu ma parmaraan tu inganan on, gabe marnginging ma pinggol ni halak na umbegesa.

JEREMIA 2:2

Kehe ma ho paboahon barita on tu sude halak na adong di Jerusalem, “O ale Israel, Huingot do holongmu, taran di haposoonmu; godang ni holong ni rohamu di na dompak boru ho. Diihutkon ho do Au tu halongonan mangolu sian luat na so marsuan-suanan.

JEREMIA 3:1

Didok Tuhan, “Muda disirangkon halaklahina sada dadaboru, lalu marbagas anak boru i tu bayo na asing, nada tola be halaklahina i humani mambuat dadaboru i mangulahi gabe ripena, angke pasego-segohon do pangalaho na songon i di luat on. Antong ho ale Israel, madung bahat sajo haholongan ni rohamu, biasi dope puluk ho mulak tu Au?

JEREMIA 3:13

Sandok okui sajo ma paboa na marsala dohot na dung mangalo ho tu Tuhan, Debatamu. Okui ma na dung dipataridahon ho holong ni rohamu maradopkon debata ni angka bangso na asing di toru ni ganop hayu na rumbun, dohot na so dioloi ho angka na Huparentahon. Au, Tuhan, madung mandok songon i.”

JEREMIA 3:18

Mardomu ma Israel dohot Juda, jana rap ro ma halahi sian tano habuangan na di Utara. Mulak ma halahi tu luat na dung Hupasahat tu ompu ni halahi gabe tano pusako.”

JEHESKIEL 16:20

Dung salpu i dipelehon ho muse ma angka dakdanakmu, halaklahi dohot dadaboru na ditubuhonmu di Au gabe haul tu angka gana-ganaan. Na diambang ho do parkaro na menek dope parkarosuanmon?

JEHESKIEL 16:25

Dipahodar ho do hajegesonmu. Ditare-tarehon ho do pamatangmu tu sude halaklahi na mamolus jana nada marnamantak ho marhamainan.

JEHESKIEL 20:4

Ale jolma parsantongkinan, madung he hobas ho laho manguhumi halahi? Aha dope, dalankon ma! Sungguli ma tu parningotan ni halahi sandok hagigian na nipambaenan ni ompu ni halahi.

JEHESKIEL 23:43

Dung i ning rohangKu ma, ‘Ra dope ulaning angka jolma i mardongan-dongan dohot angka siboru panggampang na busuk i hara ni parhamainonna i?’

JEHESKIEL 23:45

Tapi, angka halak na tutu alim angkon manguhumi halahi songon halak na manguhumi angka dadaboru na markarosuan, jana na mamunu, angke angka dadaboru na markarosuan do halahi jana tangan ni halahi pe sap mudar.”

HOSEA 1:2

Hatiha mulai Tuhan manghatai marhite si Hosea, didok Ia ma tu si Hosea, “Kehe ma ho, buat ma sada halak siboru jalang baen dadaborumu, jana anakkon ma angka anak gampang, angke madung ramun kota on marhite na manundalkon Tuhan.”

HOSEA 2:1

Dokkon ma tu donganmu halaklahi, “Ami!” jana tu donganmu dadaboru, “Ruhama!”

HOSEA 2:5

Harana madung gabe parhamainan ina ni halahi; ia na marorot halahi madung marparange na so denggan. Harana didok ia do, “Giot ihutkononku do angka haholongan ni rohangku, na mangalehen roti dohot aek inumon, imbulu ni biri-biri dohot abit linen, miak dohot inumonku.”

HOSEA 4:5

Arian na borngin do hamu mambaen hasalaan, songon i muse angka panurirang. Hara ni i giot abisanKu ma Israel, inangmi.

MIKA 2:13

BukaonKu ma dalan jana obanonKu hamu haruar sian habuangan. Onjarkononmunu ma angka pintu ni horbangan jana kehe ma hamu so adong mangambat. Au Tuhan, Au sandiri Rajamunu, jana Au manguluhon hamu haruar.”

2 KORINTUS 5:16

Jadi hara ni i, nada marguru tu parsuhatan ni jolma be hami manimbang halak. Najolo jungada do hami parsuhatkon parsuhatan ni jolma tu Kristus, tapi anggo saonnari nada be.