HOSEA 2:18 - BIBEL JAMITA NA DENGGAN

¹⁸ BaenonKu noma di hatiha i parjanjian dohot ho, dohot sude angka binatang di padang, dohot angka unggas di awang-awang dohot angka binatang na adong di tano on.

HOSEA 2:18 ပူးပေါင်းရင်းမြစ်များ

JOB 5:22

Di na mangararati pe hajahatan dohot haleon, sabam rohamu jana laing masa partataan. Nada mabiar rohamu jana sak, mangadopi binatang panyoro jana na manggasak.

JOB 5:23

Nada marbatu ladang na ni pangkurmu, binatang riar pe nada manjombai dirimu.

MASMUR 148:10

ale angka binatang na jinak dohot na riar, binatang na manjirir dohot angka unggas!

MASMUR 23:2

Dipapayak Ia do au di padang jampalan na lomak. Ditogu Ia do au, tu aek na lan.

MASMUR 46:9

Diantak Ia do parporangan di tano on sudena, diropuk Ia angka parkokas ni porang jana ditutungi Ia.

JESAYA 2:11

Dapot ma hatihana parenjepon halak na gakgak, halak siginjang roha patunduhon, jana Tuhan i sandiri noma sipasangapon. Anggo di ari i patutoruon ni Tuhan noma sude sanga ise na markuaso, na ginjang roha dohot halak na gakgak.

JESAYA 2:17

Patutoruon ma halak na gakgak, jana papatuon ma halak na ginjang roha. Mago noma angka gana-ganaan sian sisik ni tano on. Anggo di ari i hum sasada Tuhan noma sipasangapon.

JESAYA 2:4

Angkon gabe panguhum do Ia ditonga-tonga ni angka bangso jana gabe juri tu marga ni bahat bangso; anso ditopa halahi ma angka podangna gabe mata ni bajak jana angka tombakna manjadi piso cukur; nasa bangso nada be mangangkat podang maralohon bangso, jana nada be marsiajar marporang halahi.

JESAYA 26:1

Di hatiha i, endehonon ni halak ma ende on di tano Juda: “Na tohong ma da kotanta on; madung dipajongjong Tuhan, tembok dohot benteng.

JESAYA 32:18

Marmoga-moga ma bangsongku. Moga ma halahi di bagas ni halahini be, nada adong be hasusaan.

JESAYA 54:5

Harana na gabe halaklahimu i ma Ia Na Manompa ho, Tuhan Na Markuaso do goarNia; na gabe Sipaluamu i ma Na Sun Badia, Debata ni Israel, nigoaran do Ia, Debata ni sandok portibi.

JESAYA 65:25

Rap manjampal ma sorigala dohot anak ni biri-biri, singa pe mangan durame songon lombu, jana ulok pe mangolu sian abu. Di sude dolokKu Na Badia i nada adong be na mangarugi i, sanga mambaen na jahat,” ninna Tuhan.

JEREMIA 23:6

Muda dung mamarenta ia, malua ma halak Juda jana Israel mangolu ma di bagasan sonang. Goaron ma raja i ‘Tuhan do hasintonganta.’

JEREMIA 30:10

O hamu bangsongKu, ulang be mabiar hamu! halak Israel, ulang humitir hamu! PaluaonKu ma hamu sian tano na dao, inganan pambuanganmunu. Mulak noma hamu jana di bagasan dame mangolu. Aman noma ngolumunu nada adong be sihabiaranmunu.

JEREMIA 33:16

Paluaonna ma halak Juda dohot halak Jerusalem jana sonang baenon ngolu ni halahi. Goaron ma kota Jerusalem, ‘Tuhan do hatigoranta.’

JEHESKIEL 34:25

BaenonKu ma parjanjian dohot halahi na manjamin aman halahi. PaorotonKu ma sude binatang panyoro sian luat i sude, lopus aman angka biri-biringKi tinggal di padang-padang i dohot modom di harangan-harangan i.

JEHESKIEL 39:1

Didok Tuhan Debata i ma, “Ale jolma parsantongkinan, gorahon ma si Gog, raja godang na sian Luat Mesekh dohot Tubal, jana paboa ma tusia, musunia do Au.

ZAKARIA 14:4

Jongjong ma Ia di ari i di Dolok Zetun, sabola Habincaran ni Jerusalem. Jadi gabe mabola ma Dolok Zetun i mamungka sian Habincaran lalu tu Hasundutan baenon ni holbung na bidang. Manggulot sabola Utara ma satonga sian dolok i, jana satonga nari tu Selatan.

ZAKARIA 14:9

Jadi mamarenta ma Tuhan gabe raja di sandok portibi on; sombaon ni ganop jolma ma Ia songon Debatana jana tandaon ni halahi ma Ia di bagasan goar na sarupa.

ZAKARIA 2:11

Marroan ma di hatiha i bahat angka bangso tu Tuhan anso gabe bangsoNia. Maringanan ma Ia di tonga-tongamunu, jana gabe botoonmunu ma na dung disuru Tuhan au tu hamu.

ZAKARIA 3:10

Jadi muda dung dapot ari i, marsipio hombar bagasna be ma halak anso ro mangarasoi dame dohot hasonangan di tonga-tonga ni angka kobun anggur dohot angka bona ni aramu.”

ZAKARIA 9:10

Didok Tuhan ma, “Angka kareta na sian Efraim, ambungkononKu noma i, sandok kudo na di Jerusalem, abiskononKu noma i jana sude sior ponggolanKu noma i. Baenon ni rajami ma pardamean ni angka bangso. Sian laut na sada tu laut na asing ia noma markuaso. Sian Batang aek Efrat lopus tu ujung ni tano.”