HOSEA 2:16 - BIBEL JAMITA NA DENGGAN

¹⁶ Jana nada be Baalnia Au goaronnia, tapi dokkononnia ma Au halaklahinia.

HOSEA 2:16 ပူးပေါင်းရင်းမြစ်များ

PAMUNGKAAN 34:3

Tapi solom do matania mida si Dina gabe por rohania sugari disia nian si Dina jana diusahahon ia ma, anso laing por muse roha ni si Dina disia.

JESAYA 40:2

Angkon apoanmunu do roha ni halak Jerusalem, dok tu halahi, na dung tuk pardangolan ni halahi. Madung Husesa angka dosa ni halahi, madung tuk uhuman na Hulehen i.”

JESAYA 54:5

Harana na gabe halaklahimu i ma Ia Na Manompa ho, Tuhan Na Markuaso do goarNia; na gabe Sipaluamu i ma Na Sun Badia, Debata ni Israel, nigoaran do Ia, Debata ni sandok portibi.

JEREMIA 3:14

“O hamu bangso na so setia, mulak ma hamu tu Au! Au do nampuna hamu. BuatonKu noma hamu, sahalak sian ganop kota, dua halak sian ganop partubu, jana obanonKu hamu mangulahi tu Dolok Sion.

JEHESKIEL 20:35

Jadi obanonKu ma hamu tu ‘Halongonan Ni Angka Bangso.’ Disi ma hamu uhumanKu paado-adop bohi be,

HOSEA 2:7

Kojaronnia ma angka haholongan ni rohania i, tapi nada dapot ia halahi. Jalak-jalahannia ma halahi, tapi nada dumpang ia halahi. Dung i dokkononnia ma, “Mulak noma au tu halaklahingKu na parjolo i; dumenggan do au na salpu i ulang pado saonnari.”

JOHANNES 3:29

Bayo pangoli do nampuna boru na niolina. Anggo dongan ni bayo pangoli i hum jongjong sajo do ia mandongani jana manangihon pangoli i jana jop ma rohania umbege sora ni pangoli i. Songon i ma au, saonnari marjop ni roha situtu do au.

2 KORINTUS 11:2

Malungun do au di hamu, songon dihalungunkon Debata sandiri hamu. Tarsongon bujing-bujing na ias dope hamu, na hupatunangkon tu sada bayo, i ma Kristus.

HALUMBAAN 19:7

Beta ma marjop ni roha hita jana marmoga-moga; jana tapasangap ma Ia! Angke madung dapot arina marbagas Anak Ni Biri-biri i jana boru i pe madung singkop na giot marbagas i.

HAKIM-HAKIM 19:3

kehe ma halaklahinia i maroban sada hatoban dohot dua halode laho mandapoti dadaborunia i anso mulak tusia. Dung lalu disi, dioban dadaborunia i ma ia tu amangnia i. Disi diida amang ni anak boru i halaklahi ni borunia i, jop ma rohania manjagitsa,

RUT 2:13

Dialusi si Rut ma, “Na denggan ma antong pambaenanmi tu au, amang. Tarapul do rohangku, dibaen lambok ni pangkuling ni amang i tu au, haru pe tumoruk au sian sada parkarejo ni amang i.”