HOSEA 2:15 - BIBEL JAMITA NA DENGGAN

¹⁵ PaulahonKu ma tusia angka kobun anggurna, jana Rura Akhor baenonKu ma gabe pintu ni arop ni roha. Sambutonnia ma Au disi songon di haposoonna, tingki baru haruar ia sian Mesir.

HOSEA 2:15 ပူးပေါင်းရင်းမြစ်များ

1 RAJA-RAJA 16:31

Nada tuk dope disia ngolu pardosaon songon Raja Jerobeam i, dibuat ia dope si Isebel boru ni Raja Etbaal na sian Sidon, gabe marsomba tu Baal ia.

MASMUR 106:12

Gabe porsaya ma bangsoMu di janjiMi, jana marende di Ho mamuji.

MASMUR 129:1

Pajojor ma ale Israel, hancit ni na nitaonmu, na dibaen ni musu mamungka sian haposoonmu.

JESAYA 65:10

jana marsomba tu Au. Biri-biri dohot lombu ni halahi manjampali ma di Napa Saron dohot di Rura Akhor.

JESAYA 65:21

Pajongjong bagas ma halahi jana manginganisa; suanon ni halahi ma angka kobun anggur jana panganon ni halahi ma parbatuna.

JEREMIA 2:1

Songon on do ninna Tuhan tu au:

JEREMIA 2:2

Kehe ma ho paboahon barita on tu sude halak na adong di Jerusalem, “O ale Israel, Huingot do holongmu, taran di haposoonmu; godang ni holong ni rohamu di na dompak boru ho. Diihutkon ho do Au tu halongonan mangolu sian luat na so marsuan-suanan.

JEREMIA 29:11

Nada he Au sandiri mamboto angka sangkapKu taringot tu hamu? Nada na giot mangago hamu angka sangkap i; tapi na giot tu hasonanganmunu do i dohot mangalehen tu hamu arop ni roha na denggan di hatiha na ro.

JEREMIA 3:4

Saonnari didok ho tu Au, Amangmu Au, na holong do rohangKu di ho mamungka sian hamenehanmu.

JEREMIA 32:15

Didok Tuhan Na Markuaso i, Debata ni Israel, masa do muse di luat on na manggadis dohot manobusi bagas, tano dohot kobun anggur.”

ANDUNG 3:21

Tapi haru songon i pe mulak gurgur do arop ni rohangki, di na huingot pangalaho on mangulahi.

JEHESKIEL 16:22

Di sude parkarejoanmu si hagigian i, songon anak boru na so hasaya, saotik pe nada di ingot ho be hatiha hamenehanmu, taran mansaemara ho jana marngeati di tonga-tonga ni mudarmu sandiri.”

JEHESKIEL 16:60

Tapi ingotonKu do parjanjian na dung Hubaen dohot ho taran di haposoonmu dohot na mambaen parjanjian na hot dohot ho salolot-lolotna.

JEHESKIEL 16:8

Dung i mamolus ma Au sian i jana Huida ma ho, tutu, madung hatihana ho marhaposoon. Hupahembang ma abitKu tu ho laho mangulosi ho. Hubaen ma parjanjian dohot ho, songon i ma pandok ni Tuhan Debata, jana marhite na songon i Au ma nampuna ho.

JEHESKIEL 28:25

Didok Tuhan Debata i ma, “Giot palagutonKu ma angka halak Israel sian angka luat na dao inganan na Hubaen parserahan ni halahi, jana botoon ni sude bangso ma bahaso Na Badia do Au. Maringanan di tanona sandiri noma bangso Israel, i ma tano na dung Hulehen tu naposongKu si Jakob.

JEHESKIEL 28:26

Sonang do disi halahi mangolu jana pajongjongonna ma angka bagas jana baenon ni halahi ma angka kobun anggur. UhumanKu ma sude hombar balok ni halahi na dung jungada palayaskon halahi, lopus marsonang-sonang Israel. Jadi gabe botoon ni halahi ma bahaso Au do Tuhan Debata ni halahi.”

HOSEA 11:1

Didok Tuhan ma, “Huhaholongi do Israel mamungka sian hamenehannia, Hupio anakKi ruar sian Mesir.

HOSEA 12:13

Gilo do ompunta si Jakob tu Aram jana marinduk somang ma ia tu halak na disi jana marmahan angka biri-biri ni jolma i laho mambuat boru disia.

HOSEA 12:9

‘Saonnari mamora hita,’ ninna halahi, ‘Maruntung hita! Sahalak pe nada adong tarbaen manudu hita dapotan hamoraon i sian dalan na geduk.’

HOSEA 13:4

Didok Tuhan ma, “Au do Tuhan Debatamu, mamungka sian tano Mesir. Nada adong Tuhan Debatamunu asing sian Au. Jana nada adong sipalua asing sian Au.

HOSEA 2:12

MatehononKu ma angka bona ni anggurna dohot bona ni arana, taringot tusi didokkon: Silehen-lehen do sudena on di au, na dilehen ni angka haholongan ni rohangku tu au! BaenonKu ma i gabe harangan, jana panganon ni angka binatang na di padang ma i lopus abis.

AMOS 9:14

ObanonKu ma mangulahi bangsongKi tu tano ni halahi. Bangunon ni halahi mangulahi angka kota ni halahi na marsegoan lalu buang disi. Suanan ni halahi ma anggur baen inumon ni halahi dohot angka suan-suanan baen panganon ni halahi.

ZAKARIA 9:12

Mulak ma hamu ale angka halak buangan, saonnari madung adong di hamu harapan. Mulak ma hamu tu inganan parondinganmunu. Di ari sadari on Au mandok: Silompit dua do paulahonKu pasupasungKu tu ho.

BILANGAN 21:17

Di hatiha i ma diendehon halak Israel, ende on, “Ale sumur-sumur, marbuldak ma baen aekmu, sambutonnami ma i mardongan logu.

JOHANNES 10:9

Au do pintu i. Sanga ise na masuk sian Au, dapotan haluaan; dapotan jampalan ma i muda masuk sanga karuar.’

BAENON NI ANGKA RASUL 14:27

Dung lalu halahi di Antiokia, dipalagut halahi ma angka dongan na di parlagutan i. Dibaritahon halahi ma sude na dung dibaen Debata markite-hite halahi. Laing dipaboa halahi ma sanga na bia dibaen Debata laho mangungkap dalan anso laing dohot halak na asing na so Jahudi mangkaporsayai Jesus.

JOSUA 7:26

Dung salpu i, ditimbun halahi ma inganan i dohot batu bahat sajo. Laing disi dope angka batu i lalu tu saonnari. I ma dalanna umbaen laing digoari inganan i Rura Akor. Jadi gabe mombun ma muruk ni Tuhan.

HAKIM-HAKIM 8:34

Nada be maribadat halahi tu Debata, Tuhan ni halahi, na dung paluahon halahi sian kuaso ni sude musu na humaliang halahi.