HOSEA 2:14 - BIBEL JAMITA NA DENGGAN

¹⁴ Didok Tuhan ma, “Hara ni i obanonKu ma ia tu halongonan; elek-elehonKu ma ia disi marhite angka holong ni roha.

HOSEA 2:14 ပူးပေါင်းရင်းမြစ်များ

PAMUNGKAAN 34:3

Tapi solom do matania mida si Dina gabe por rohania sugari disia nian si Dina jana diusahahon ia ma, anso laing por muse roha ni si Dina disia.

JOB 36:16

Madung dipalua Debata ho sian hamaolon, gabe tarbaen ho mandai hadameon, bubung mejamu dohot sipanganon.

ENDE NA GODANG 1:4

Oban ma au, marlojong ma hita; piohon ma au tu bilik ni raja. Marjob ni roha ma hami hara ni ho, jana na mamuji holongmu lumobi sian anggur. Patut do muda sude dadaboru por rohana mida ho!

JESAYA 30:18

Haru pe songon i, laing dipainte Tuhan dope hatihana laho patuduhon tu hamu ibo ni rohaNia. Rade do Ia laho maribo ni roha tu hamu, angke Tuhan i do Debata na tigor. Martua do na marpos ni roha tuSia.

JESAYA 5:5

Antong, songon on noma baenonKu kobun anggurKi: AngkatonKu noma handang na humaliang kobun i, tembok na manjagohon kobun i pe rumpakkononKu noma i, padiaronKu ma angka binatang riar manjampali i lalu mandege-degesa.

JEREMIA 16:14

Didok Tuhan, “Ro do hatihana, nada marsumpa be jolma mangasahon Au Debata na mangolu, na maroban halak Israel ruar sian Mesir,

JEREMIA 2:2

Kehe ma ho paboahon barita on tu sude halak na adong di Jerusalem, “O ale Israel, Huingot do holongmu, taran di haposoonmu; godang ni holong ni rohamu di na dompak boru ho. Diihutkon ho do Au tu halongonan mangolu sian luat na so marsuan-suanan.

JEREMIA 45:4

Ale Barukh! Au Tuhan na topet do Au mangarumpakkon na Hubangun i jana Huumpat na dung Husuan i. Tu sude portibi on do Hubaen songon i.

JEHESKIEL 20:10

Jadi Huoban ma halahi ruar sian Mesir tu parhorsihan.

JEHESKIEL 20:33

“Mangasahon Au na mangolu, ninna Tuhan Debata, Hupaingot hamu, hara ni murukKu koras jana tegas noma baenonKu mamarenta hamu lopus dihilala hamu kuasongKu. PalagutonKu ma hamu jana obanonKu sian sude luat inganan parserahanmunu.

HOSEA 2:3

Muda sai dipupu ia do na marhalaklahi, talduskononKu ma pakeannia i anso talak-talak ia songon di ari parsorangnia. Giot baenonKu noma ia songon tano na mahiang jana na gariang; gabe mate ma ia, mate manguas.”

MIKA 1:7

Angka patungna sigodang arga i diropuk, sude na dilehen tu angka dadaboru na markarejo di bagas pamelean i hona tutung, jana sude gana-ganaanna i disegohon. Dijagit Samaria do sudena i gabe sipakeonna di bagasan ibadatna tu debata hagabean. Saonnari obanon ni angka musuna noma sudena i gabe ibadat di inganan na asing.”

MIKA 4:10

Ale halak Jerusalem, marngeat jana mangangguhi ma hamu songon ina na tubu-tubuan! Harana, angkon tadingkononmunu noma kota saonnari jana maringanan di padang-padang noma hamu. Angkon kehe ma hamu tu Babel, tapi paluaon ni Tuhan do hamu disi sian angka musumunu.

JOHANNES 12:32

Anggo Au muda dung dipatuginjang di ginjang ni tano, tarihonKu ma halak sudena tu Au.”

JOHANNES 6:44

Nada tarbaen sanga ise pe ro tu Au, anggo so disosoi Damang na marsuru Au halakna i tu Au; jana pangoluonKu ma halahi di Ari Parpudi.

HALUMBAAN 12:14

Hape madung dilehen di dadaboru i dua habong ni rajawali na godang situtu anso tarbaen ia habang tu inganannia di parhorsihan jana anso malua ia sian serangan ni naga i. Di parhorsihan i ma ia dipauli-uli sada hatiha, dua hatiha, dohot satonga hatiha.

HALUMBAAN 12:6

Gabe marlojong ma dadaboru i tu parhorsihan, i ma inganan na nipasingkop ni Debata disia. Di inganan i noma ia dipauli 1260 ari honokna.

HAKIM-HAKIM 19:3

kehe ma halaklahinia i maroban sada hatoban dohot dua halode laho mandapoti dadaborunia i anso mulak tusia. Dung lalu disi, dioban dadaborunia i ma ia tu amangnia i. Disi diida amang ni anak boru i halaklahi ni borunia i, jop ma rohania manjagitsa,