HOSEA 2:13 - BIBEL JAMITA NA DENGGAN

¹³ UhumanKu ma ia hara ni angka ari-ari na nipakenia manutung dupa tu Baal, jana mangias, mamake barang parhiasannia jana mangkojar angka haholongannia. Dihalupahon ia situtu do Au anggo di angka ari i. Au do Tuhan na mandok songon i.

HOSEA 2:13 ပူးပေါင်းရင်းမြစ်များ

2 RAJA-RAJA 1:2

Sanoli madabu ma si Ahasia raja ni Israel i sian jandela di tirket parginjang na di bagas godangnia i di Samaria, jabat do posi. Jadi disuru ia ma halak manyapai tu si Baal-Zebub debata ni halak Ekron di Pilistin, sanga na malum dope hilalaonnia sanga nada.

2 RAJA-RAJA 10:28

Songon i ma dibaen si Jehu laho mangagohon pamelean tu Baal di Israel.

2 RAJA-RAJA 21:3

Angka inganan pamelean ni gana-ganaan na dung disegohon ni amangnia si Hiskia, dipajongjong ia mangulahi. Dipajongjong ia angka langgatan anso marsomba tu Baal, jana dipambaeni ia angka patung ni Dewi Asera, songon na nibaen ni si Ahab raja ni Israel i. Laing disomba si Manase muse do angka bintang.

JOB 8:13

Songon i ma da halak na so marTuhan. Lupa ia tu Debata, gabe mago ma pangaropan.

MASMUR 106:13

Hape tibu do ale Tuhan, dihalupahon halahi pambaenanMu; nada mangido sipaingot halahi, di angka tindakanna.

MASMUR 106:21

Dihalupahon halahi do Debata na paluahon halahi, na dung patupahon angka pangalaho na godang di Mesir,

MASMUR 78:11

Dihalupahon halahi do angka pambaenanNia, angka pangalaho na so haastuan roha na nipatangkasNia tu halahi.

HARURUAR 32:34

Tapi anggo ho kehe ma saonnari manogu-nogu bangso i tu inganan na dung Hupaboa tu ho; mardalan do surusuruanKu di jolomu; tapi di ari pamalosonKi baloskononKu ma tu bangso i dosa ni halahi i.”

JESAYA 17:10

O Israel, madung dihalupahon ho Debata na paluahon dohot na manjagohon ho songon dolok batu na tohong. Balik do, madung disuani ho angka kobun laho marsomba angka debata.

JESAYA 65:7

hara ni angka dosa ni halahi dohot dosa ni ompu ni halahi. Ninna Tuhan, “Dipabile halahi do Au marhite na manutung hamonyan di inganan parsombaan tu angka debata di dolok, jana dilayasi Au. UhumanKu do halahi marguru tu pangalaho ni halahi na salpu i.”

JEREMIA 11:13

Sun do bahatna debata ni halak Juda, sarupa dohot bahat ni kota ni halahi. Madung dipajongjong halak Jerusalem angka langgatan sabahat ni angka dalan di kota Jerusalem, i ma parhaulan ni haul tu Debata Baal sihagigian i.

JEREMIA 18:15

Hape madung dihalupahon bangso i anggo Au, jana manutung dupa halahi tu gana-ganaan. Tartuktuk halahi di dalan narobi na angkon siboluson ni halahi, gabe manyimbil tu dalan na so dipahornop.

JEREMIA 2:32

Adong ma he bujing-bujing na manghalupahon barang parhiasanna? Sanga boru na manghalupahon bayo na mambuatsa? Hape anggo Au madung dihalupahon hamu mamungka sian hatiha na so taretong be honokna.

JEREMIA 23:2

Songon on do pandok ni Tuhan, Debata ni Israel taringot tu angka pamimpin na paula-ula manjagohon bangsoNa, “Nada tutu dijagohon hamu bangsongKu, madung dipasarsar hamu halahi jana diayak-ayak hamu do halahini. UhumonKu ma hamunu saonnari hara ni pambaenanmunu na jahat i.

JEREMIA 7:34

Gabe padang na harsang ma tano i. AntahonKu ma sora na marmoga-moga dohot sora ni pesta haroan boru di angka kota ni Juda dohot di angka dalan ni Jerusalem.

JEREMIA 7:9

Manangko do hamu, mambunu, marmainan, manyaksihon gabus, manghaulkon haul tu Baal, dohot marsomba angka debata na so nitandamunu.

ANDUNG 1:4

Muda hatiha ari pesta nada adong be na ro tu Bagas Ni Debata. Marhancit disi angka nauli bulung parende, dohot malim pe humolos be. Nada adong halak di angka pintu ni horbangan. Kota Sion sude digohi hamarsahan.

ANDUNG 5:14

Nada be marlagut angka na tobang-tobang di horbangan ni kota, musik pe nada tarbege be di tonga-tonga ni na poso.

JEHESKIEL 16:12

Hulehen tu ho tintin ni igung, antinganting dohot jarunjung na jeges.

JEHESKIEL 16:17

Sian angka barang sere dohot perak na Hulehen i di ho, dibaen ho angka patung ni halaklahi, lalu markamainan ma ho dohot patung i.

JEHESKIEL 22:12

Adong muse do sigararon mamunu jolma, siincop mudar dohot na mamoro angka donganna sabangso. Madung dihalupahon halahi sudena Au. Au Tuhan Debata, madung mandok songon i.

JEHESKIEL 23:35

Didok Tuhan Debata i ma, “Hara ni na dihalupahonmu Au jana dihudukkon ho, manaon parkancitan noma ho patunda ni gogo ni hagiotmu dohot parhamainonmu.”

HOSEA 11:2

Tapi mur Hupioi anakKi mur mandao do ia sian Au. Dioban ia haul jana ditutung ia dupa di Baal dohot di angka debata na asing.

HOSEA 13:1

Najolo dipasangap do Marga Efraim, jadi muda jabat adong parenta sian marga i, mabiar be noma angka marga na asing na di Israel. Hape mardosa do Marga Efraim hara ni na marsomba tu Baal, i ma mambaen mate ia.

HOSEA 13:6

Hape dung lalu hamu di tano na denggan jana butongan hamu lopus sombu, gabe ginjang ma rohamunu jana lupa ma hamu tu Au.

HOSEA 2:5

Harana madung gabe parhamainan ina ni halahi; ia na marorot halahi madung marparange na so denggan. Harana didok ia do, “Giot ihutkononku do angka haholongan ni rohangku, na mangalehen roti dohot aek inumon, imbulu ni biri-biri dohot abit linen, miak dohot inumonku.”

HOSEA 2:7

Kojaronnia ma angka haholongan ni rohania i, tapi nada dapot ia halahi. Jalak-jalahannia ma halahi, tapi nada dumpang ia halahi. Dung i dokkononnia ma, “Mulak noma au tu halaklahingKu na parjolo i; dumenggan do au na salpu i ulang pado saonnari.”

HOSEA 4:13

Di angka inganan parsombaan ni gana-ganaan di puncu ni angka tor dihaulkon hamu do haul jana ditutung hamu dupa di toru ni angka hayu na godang jana na rumbun disi hara ni na laung inganan i. Tapi aha do akibatna? Gabe panggampang do angka borumunu jana parumaenmunu gabe dadaboru parhamainan!

HOSEA 4:6

Hamu angka malim nada parduli hamu di Au, gabe songon i muse ma bangsongKu nada parduli be tu Au, lopus marjaya halahi. Ditulak hamu do angka pangajaranKu. Jadi Au pe tulahonKu noma hamu, jana nada Huokui angka dakdanakmunu gabe malim di Au.

HOSEA 8:14

Dipajongjong halak Israel angka bagas godang hape lupa halahi tu Panompa ni halahi. Dibangun halak Juda angka kota na marbenteng, hape paijuronKu ma api laho manyurbu lopus abis angka bagas godang dohot angka kota ni halahi i.”

HOSEA 9:7

Madung dapot ari panguhuman, hatiha pamaloson tu sandok parbuatan. Taonon ni Israel noma i! Didok hamu, “Na oto do panurirang on. Na rintik do jolma na nirajaan ni tondi on!” Didok hamu pe songon i hara ni gigina do rohamunu tu Au jana dosamunu santak godangna.

AMOS 8:10

PaubaonKu ma angka ari pestamunu gabe siluluton, jana angka ende-endemunu gabe andung. BaenonKu ma hamu marcukur obuk dohot mamake abit goni tanda ni arsak. Gabe songon na tobang-tobang na manangisi parmate ni anakna sisada-sada ma hamu. Marujung ma ari i di bagasan arsak na lobi godang.

PANGARATAION 32:18

Ditadingkon halahi do Debata Sipalua, Tuhan silehen ngolu dihalupahon.

PANGARATAION 6:12

denggan ma jagohon hamu anso ulang jabat lupa ho tu Tuhan na dung paluahon ho sian Mesir, ingananmu diparhatoban.

HAKIM-HAKIM 10:6

Mangulahi ma muse mardosa halak Israel tu Tuhan. Nada diantureskon halahi Tuhan jana mantak halahi marsomba tu Tuhan. Marsomba halahi tu angka Debata Baal dohot Astoret dohot tu angka debata ni bangso Siria, Sidon, Moab, Amon dohot Pilistin.

HAKIM-HAKIM 3:7

Dung i mardosa ma mangulahi halak Israel tu Tuhan, Debata ni halahi. Lupa ma halahi tuSia gabe marsomba halahi tu angka gana-ganaan Baal dohot Asera.

1 SAMUEL 12:9

Hape di pudi ni ari dihalupahon halahi ma Tuhan, Debata ni halahi, jadi hara ni i gabe dipadiar Ia halahi diporangi dohot ditaluhon si Sisera, panglima ni tentara ni Hasor dohot tu halak Pilistin maradu raja ni Moab,