HOSEA 2:1 - BIBEL JAMITA NA DENGGAN

¹ Dokkon ma tu donganmu halaklahi, “Ami!” jana tu donganmu dadaboru, “Ruhama!”

HOSEA 2:1 ပူးပေါင်းရင်းမြစ်များ

PAMUNGKAAN 22:17

Marjanji ma Au, paboa baenonKu ma pomparanmu sabahat ni bintang na di langit sanga sabahat ni horsik na di topi ni laut. Taluhonon ni angka pomparannia ma angka musu ni halahi.

JEREMIA 31:33

On ma parjanjian na imbaru na giot baenonKu dohot halahi: BaenonKu ma angka aturanKu tu bagasan roha ni halahi, jana suratkononKu di ate-ate ni halahi. Au ma gabe Debata ni halahi, jana halahi gabe bangsongKu.

JEREMIA 32:38

Gabe bangsongKu ma halahi, jana Au gabe Debata ni halahi.

JEREMIA 51:5

Au Debata, Tuhan Na Markuaso, Debata Na Badia ni Israel, nada tadingkononKu Israel dohot Juda haru pe na dung mardosa halahi tu Au.

JEHESKIEL 11:20

Jadi oloan ni halahi ma angka aturanKu jana haburjuhononna mangihutkon sandok parentangKu. Gabe bangsongKu ma halahi jana Au gabe Debata ni halahi.

JEHESKIEL 36:11

TambaanKu ma halak dohot pahan-pahananmu, lopus bahat sajo, umbahat sian di mulana i, jana marpinompari halahi bahat-bahat. Dos ma halahi mangolu songon di mulana i jana sonang baenonKu songon na so unjung dihilala hamu. Jadi gabe botoon ni halahi ma Au do Tuhan.

JEHESKIEL 36:28

Jadi maringanan ma hamu di tano na dung Hulehen di ompungmunu. Gabe bangsongKu ma hamu jana gabe Debatamunu ma Au.

JEHESKIEL 37:27

Rap ma Au dohot halahi, Au noma gabe Debata ni halahi jana halahi gabe bangsongKu.

HOSEA 2:2

Didok Tuhan ma, “Paboa ma tu inangmu, paboa ma, angke nada dadaborungKu be ia, jana nada halaklahinia be Au; padiar ma dipadao parhamainanna sian bohina, dohot parkarosuan sian adopna.

HOSEA 2:23

BaenonKu ma bangsongKu mangolu marsonang-sonang jana hot maringanan di tanona. Tu halahi na margoar ‘Na So Dihaholongi’ patuduhononKu ma bahaso na Huhaholongi do halahi, jana tu halahi na nigoaran ‘Nada BangsongKu’, dokkononKu ma ‘BangsongKu Do Hamu’. Songon on ma alusan ni halahi ‘Ho do tutu Debatanami!’ ”

ZAKARIA 13:9

Hum sapartolu noma na mangolu sian i. Jana paiasonKu ma halahi songon perak na dipapita ni api. UjionKu ma halahi songon panguji ni halak di sere. Jadi martangiang ma halahi tu Au, jana alusanKu ma halahi. DokkononKu ma tu halahi, paboa na bangsongKu do halahi, jana okuon ni halahi muse ma, Au do Tuhan Debata ni halahi.”

2 KORINTUS 4:1

Na niurupan ni Debata do hami mangkarejohon karejo on. Na nilehenNia do karejo on di hami. Hara ni i ma umbaen na so mandele hami.

1 TIMOTEUS 1:13

Najolo, madung hupalayas Ia, huparkanciti jana hupabile. Tapi haru songon i pe asi do roha ni Debata mida au, angke nada porsaya dope au hatiha i, gabe nada huboto sanga aha na hubaen i.

1 PETRUS 2:10

Na jolo, nada bangso ni Debata hamu, hape anggo saonnari bangso ni Debata do hamu. Najolo, nada dihaholongi Debata hamu, hape anggo saonnari didai hamu do asi ni rohaNia.