HOSEA 14:9 - BIBEL JAMITA NA DENGGAN

⁹ Efraim, aha dope he lakna hubunganKu dohot angka gana-ganaan? Au do na mangalusi dohot na mamparate-atehon ho! Songon hayu sanobar na rata do Au, sian Au ma ho mandapot parbatuna.”

HOSEA 14:9 ပူးပေါင်းရင်းမြစ်များ

PAMUNGKAAN 18:25

Pasti do na so ra Ho mamunu angka halak na so marsala i rap dohot na marsala. Inda masuk di akal! Inda mungkin ra Ho mambaen songon i. Sugari sura dibaen Ho songon i, gabe sarupama angka halak na so marsala dohot na marsala. Hape nian matua na tigor do anggo Panguhum ni sandok na adong.”

JOB 17:9

Angka halak na denggan dohot na so marsala, mur marpos ni roha di pardangolan ni ngoluna na tumbuk tu Debata.

MASMUR 107:43

Dipikiri halak na marroha ma sudena i jana dihaporsayai halahi ma holong ni roha na manongtong sian Tuhan i.

MASMUR 119:128

Hara ni i ma umbaen na huihutkon sude sipaingotMu, jana huhagigihon dalan na sala.

MASMUR 119:75

Huboto do ale Tuhan, tigor do haputusanMu, hara ni habonaranMu, diuhum Ho au.

MASMUR 84:5

Martua ma halak na dapotan gogo sian Ho, jana na dihalungunkon rohana jiara tu Dolok Sion.

MASMUR 84:7

Gogo ni halahi mur martamba, dompak na mardalan tu Sion laho mangadop tu Debata.

PODA 10:29

Halak na jujur dilinggomi Tuhan; halak na mambaen jahat diabiskon.

PODA 16:21

Nitanda do halak na marroha sian parbinotoanna. Hatana mur manarik, boti muse paposkon roha.

PODA 4:18

Songon parbincar ni mataniari do anggo dalan na nibolus ni halak na denggan; mur lolot mur torang, jana ujungna ari pe gabe torang sajo.

JESAYA 1:28

Tapi sandok na mardosa dohot na mangalo maradopkon Ia, pasidungonNa do i, jana sandok na manadingkon Ia, bunuonNia do i.

JESAYA 17:8

Indada be mararop ni roha halahi tu suha ni parkarejoan ni halahi sandiri, i ma angka langgatan inganan panutungan ni dupa, dohot angka patung ni debata boru-boru Asera.

JESAYA 26:7

Lidang do dalan ni halak partigor, angke Ho do na mangarintis dalan disia.

JEREMIA 29:12

Jadi mangido tolong ma hamu tu Au, jana alusanKu ma tangiangmunu.

JEREMIA 9:12

Husapai ma, “O Tuhan, biasi dipadiar luat on harsang jana marogang songon padang halongonan gabe so adong halak na mamolussa? Adong dope he na tuk mangastui sasudena on? Tu ise dehe Hulehen hatorangan anso tarpalalusa i tu halak na asing?”

JEHESKIEL 11:18

Muda mulak halahi, ambungkonon ni halahi noma sude gana-ganaan sihagigian dohot na jorbut i na nidapot ni halahi.

JEHESKIEL 18:25

Betak adong muse na mandok di bagasan rohana songon on, ‘Sala do na nibaen ni Tuhan i.’ Tangihon hamu ma ale halak Israel! Na sala dehe na Hubaen i? Hamu do na sala.

JEHESKIEL 36:25

Dung i pispisonKu ma hamu dohot aek na lan, anso ias hamu sian sude gana-ganaanmunu dohot sian sasude na pahodarkon hamu.

DANIEL 12:10

Bahat do halak na giot papolinon. Nada mangarti anggo halak na jahat, jana torus do halahi mambaen jahat; hum halak na marbisuk do na mangastuisa.

ZEPANYA 3:5

Tapi na tigor do anggo Tuhan di tonga-tonga ni halahi, nada unjung dibaen Ia hakejamon, na so unjung dihalupahon di hatiha manyogot. Tapi halak na kejam nada mamboto hahaila.

ZAKARIA 10:6

“PargogoanKu halak Juda, halak Israel Hupalua. ObanonKu halahi mulak tu tano ni halahi, angke holong do rohangKu mida halahi. BaenonKu ma halahi, songon bangso na so unjung Hugagai. Au ma da Tuhan Debata ni halahi, sandok tangiang ni halahi Huparrohahon mangulahi.

MATEUS 11:19

Madung ro Anak Ni Jolma i – na mangan dohot na minum, jadi didok halahi, ‘Ligi ma jolo Bayo i! Na songkalan, hum na minum, didongan-dongani Ia angka sijagit pajak dohot angka pardosa.’ Tapi haru pe songon i, na bisuk do Debata. Tarida do habisuhonNia i sian angka pambaenanNia.”

LUKAS 2:34

Dipasupasu si Simeon ma halahi jana didok ia tu si Maria inang ni Dakdanak i, “Na dung ditodo Debata do Dakdanak on laho mangarorak dohot pajongjongkon bahat halak Israel. Baen sada tanda na parohon partangkangan,

LUKAS 7:23

Jana martua ma halak na so marganggu ni roha marnida Au!”

JOHANNES 15:24

Madung Hubaen di tonga-tonga ni halahi angka pangalaho na so jungada dibaen halak na asing sanga ise pe. Sugari na so Hubaen angka na songon i di tonga-tonga ni halahi, ias do halahi sian hasalaan. Saonnari haru pe madung diida halahi angka pangalaho i, hape laing hosom dope roha ni halahi tu Au dohot tu Damang.

JOHANNES 18:37

Dung i marsapa ma si Latus tuSia, “Antong anggo songon i, tutu do Ho raja?” Dialusi Jesus ma, “Tutu do Au raja, songon na nidokmi. Sorang pe Au jana ro tu portibi on hum na sada on sajo do maksudna, i ma laho manyaksihon hasintongan. Jana sanga ise na marasal sian hasintongan i dijagit ia do Au.”

JOHANNES 8:47

Sanga ise na ro sian Debata ditangihon Ia do na nidok ni Debata. Tapi anggo hamu nada sian Debata hamu, hara ni i ma umbaen na so ra hamu manangihon i.”

JOHANNES 9:39

Didok Jesus ma, “Laho mandalankon uhum do umbaen na ro Au tu portibi on; anso marnida angka na mapitung jana halak na marnida gabe mapitung.”

BAENON NI ANGKA RASUL 13:10

didok ia ma, “O anak ni Sibolis! Ho ma musu ni sude na denggan. Biasi dope laing so ra mantak ho manyego-nyego Dalan Ni Tuhan na tigor i?

SURAT NI SI PAULUS TU PARLAGUTAN ROM 7:12

Jadi badia do Tona i, parenta i pe badia do, tigor jana denggan.

PANGARATAION 32:4

Tuhan ma da na mangondihon ho gumogo, sude dalanNa tigor jana sanggam do. Setia do Debatamu jana ias rohaNa, na denggan dohot na patut do dibaen Ia.

HALUMBAAN 15:3

Jana diendehon halahi ma ende ni si Musa, naposo ni Debata i dohot ende ni Anak Ni Biri-biri i. Songon on ma ende ni halahi i, “Na godang jana hahomangan do angka pambaenanMu ale Tuhan, Debata Parkuaso Na Sumurung. Na tigor jana na sintong do sude dalanMu, ale Raja ni sude bangso.