HOSEA 14:5 - BIBEL JAMITA NA DENGGAN

⁵ “Na manyimbil sian bangsongKu, Hubuat mangulahi, jana sian sandok rohangKu Huhaholongi; jana nada muruhanKu be halahi.

HOSEA 14:5 ပူးပေါင်းရင်းမြစ်များ

2 SAMUEL 23:4

Songon mataniari bincar ia di andostorang di na mamungka langit marrara. Songon sondang ni mataniari do ia dung abis udan, mambaen duhut na mangarata marsilo-siloan.”

2 RAJA-RAJA 19:30

Sonang noma halak Juda na laing mangolu songon suan-suanan na marurat bagas jana na mangalehen suhana.

JOB 29:19

Songon suan-suanan na mangaloyok do anggo au, na nitombur ni aek boti dangkana dibornohi ombun.

MASMUR 133:3

Sanga songon ombun di Dolok Hermon, na mijur tu angka Dolok Sion. Disi ma janjihonon ni Tuhan pasupasuNa, i ma hangoluan na salolot-lolotna.

MASMUR 72:16

Sai lobian gandum ma nian sude luat on, jana angka dolokna i gok marisi suha ni tano. Sai napu ma nian tanona i songon Dolok Libanon, jana na mangingani kotana songon bahat ni ruput di padang.

MASMUR 72:6

Sai songon udan na mijur di padang ma ia, songon udan potir na mambornoki tano.

MASMUR 80:9

Dipasingkop Ho do tano, inganan hatubuan ni bonana i. Gabe bagas ma ia marurat jana manjarampak tu sude luat.

MASMUR 92:12

Martunas do partigor i songon bona ni kurma, tubu simbur songon bona ni sampinur di Libanon.

MASMUR 92:13

Tudos do halahi tu hayu na disuan di Bagas Ni Tuhan, jana manyarmak di Bagas Ni Debatanta;

PODA 19:12

Songon parngaur ni singa do parmuruk ni raja; tapi songon nambur tu suan-suanan do haburjuonna.

ENDE NA GODANG 2:16

Au do nampuna haholonganki, jana ia do nampuna au; di holang-kolang ni bunga bakung ia marmahan biri-biri

ENDE NA GODANG 4:5

Adop ni andoramu songon ursa sidua-dua, hije linduat na manjampal di tonga-tonga ni bunga.

JESAYA 12:1

Dapot do hatihana marende angka jolma: “O Tuhan, mandok tarimakasi do au tu adopanMu, hara ni na niadopanMu au. Najolo muruk do Ho tu au, hape saonnari madung mombun rohaMu.

JESAYA 18:4

“Pohom do Au mangaligi sian ingananKu, nada marsora songon nambur di hatiha logo ni ari di sabion, songon pangkohom ni mataniari di arian.

JESAYA 26:19

Ale Tuhan bangsoMu na mate i mangolu ma mangulahi, angka bangke ni halahi ngot sanoli nari. Halak na dung ditanom di bagasan tano, ngot ma i jana marolop-olop. PangoluonMu ma bangsoMu na dung mate honok, songon ombun na pajagarkon tano.”

JESAYA 27:6

Tu hatiha na giot ro, marurat ma pinompar ni si Jakob.

JESAYA 35:2

Parhorsihan martumburi maradu manyarmak, marhujingjang marlogu na riang-riang. Songon Dolok Libanon jegesna, tudos tu Rura Karmel dohot Saron parnapuna. Gabe tatapon ni halak ma sudena kuaso ni Tuhan dohot hagodangan ni Debatanta.

JESAYA 44:3

Tano na manguas Hupabutong dohot aek, di tano na harsang, mardalan ma batang aek. DuruskononKu ma kuasongKu tu angka dakdanakmu, jana Hupasupasu pomparanmu.

JESAYA 45:8

Hupaijur hamonangan songon udan, marbuka tano on laho manjagit haluaan. Maringanan ma haluaan dohot hatigoran, Au Tuhan, Au do mambaen on mardalan.”

JESAYA 57:18

Madung Huida pangalaho ni halahi, tapi laing pamalumonKu jana toguonKu do ia jana paulahonKu markite pangapoion; dohot bibir ni halak na marsak roha.

JESAYA 57:19

BaenonKu ma puji-pujian. Dame, hadameon ma di halak na dao dohot na donok. Didok Tuhan pamalumonKu do ia!

JEREMIA 3:22

O hamu sude na manadingkon Tuhan, mulak ma hamu! PamalumonNia ma hamu, jana baenonNia ma hamu setia. Didok hamu, “Olo da, saonnari ma hami ro tu Tuhan, angke Ia do antong Debatanami.

JEREMIA 32:41

Sonang ma rohangKu mambaen na denggan tu halahi jana baenonKu halahi hot di luat on sapanjangna.

HOSEA 6:3

Hara ni i, tahaburjuhon ma laho mananda Tuhan. Pasti do ro Ia tu hita songon parbincar ni mataniari jana songon udan na mangaehi tano di ujung ni ari nonat.”

MIKA 5:7

Angka halak Israel na tading dope di tonga-tonga ni angka bangso, tudos tu singa ma i na manjalahi panganonna di harangan sanga di padang-padang. Manyaroso ma singa i tu tonga-tonga ni punguan ni biri-biri, soroanna ma biri-biri i jana parsibakkononna; nada adong na ro mangurupi biri-biri i.

MIKA 7:18

Nada adong Debata na songon Ho, ale Tuhan, na mangampuni dosa ni bangsoMu na teba i. Nada sapanjangna Ho muruk; balik tehe, sonang do rohaMu patuduhon holong ni rohaMu na so marparsuhatan i.

MATEUS 6:28

Biasi pola angkon sai lomos rohamunu taringot tu pakean? Pamanat hamu ma jolo bunga-bunga na di padang-padang i. Nada markarejo halahi, nada martonun.

LUKAS 12:27

Parrohahon hamu ma sanga na bia angka bunga singkut ari na tubu di padang-padang i, inda markarejo angka bunga-bunga i, nada martonun muse. Tapi Hudok ma di hamu, salang si Salomo di bagasan sude hasangapanna nada marabit ia songon jeges ni sada sian angka bunga i.

EPESUS 3:17

Hara ni na porsaya i hamu tu Kristus, sai maringanan ma nian Kristus di bagasan rohamunu, jana mur togu ma ngolumunu hara ni holong ni roha na dung marurat di bagasan hamu.

PANGARATAION 32:2

Sai songon parmijur ni udan ma pangajaranku manetehi ma i songon ombun. Jana songon udan ma na hudokkon i tungkis tu suan-suanan na martumbik, songon panetek-netek ni udan di ginjang ni duhut na martubuan.