HOSEA 14:3 - BIBEL JAMITA NA DENGGAN

³ Mulak ma hamu tu Tuhan jana palalu hamu ma tangiang on gabe songon haul tuSia, “Tuhan, sesa ma sude dosanami jana jagit ma tangiangnami on, gabe pujionnami ma Ho laing songon na dung hami janjihon i.

HOSEA 14:3 ပူးပေါင်းရင်းမြစ်များ

2 JUJUR TAON 16:7

Di hatiha i, ro ma Panurirang Hanani mandapotkon Raja Asa jana didok ia ma, “Dibaen na marpangunsandean tu raja ni Siria do ho, jana nada tu Tuhan Debatamu, jadi mago ma hatiha hadenggananna di ho laho manaluhon tentara ni Siria.

MASMUR 10:14

Tapi ale Debata diida Ho do parkancitannami, jana tontu do tolonganMu hami. Halak na so margogo pasahatkon tu Ho dirina sudena, Ho do na mangurupi na so marama so marina.

MASMUR 146:3

Ulang pangasahon angka pangarajai, tu jolma na so bolas mangalehen haluaan.

MASMUR 146:9

Dijagohon Ia do angka halak dagang, angka na mabalu dohot na tinggal menek diurupi Ia, tapi anggo sangkap ni halak na jahat disundati Ia.

MASMUR 33:17

Nada tarpangasahon kudo manjalahi hamonangan, nada tarbaen paluahon, halobian ni gogona.

MASMUR 68:5

Debata na maringanan di ingananNia na badia, i ma da Ama ni na so marama jana Pangondian ni angka na mabalu.

JESAYA 1:29

Manyosal noma hamu hara ni na dung jungada hamu marsomba parhayu dohot na paradehon angka kobun gabe hapunjungan ni angka debata.

JESAYA 27:9

Tapi anggo dosa ni Israel hum sada do dalanna anso tarsesa i, i ma muda digiling lamot songon soda angka langgatan parsombaan tu angka debata. Sandok panutungan ni hamonyan dohot tiang gana-ganaan Debata Asera angkon nisarsarkon muse.

JESAYA 30:16

Hape so ra hamu! Mur mambaen tahi do hamu laho maporus sian musumunu manengget kudo na hipas, marlojong do hamu tutu jana mago. Didok hamu muse do, “Giot tenggetonnami do kuda na gogo,” hape gumogo dope angka na mangkojar hamu.

JESAYA 30:2

Kehe do halahi antong tu Mesir so jolo mangido tahi tu Au. Sai giot marlindung do halahi tu Mesir jana marpos ni roha tu raja ni Mesir.

JESAYA 31:1

Marjaya ma halak na kehe tu Mesir laho mangido pangurupion. Dipangasahon halahi do hagogoan ni tentara ni Mesir, dohot parangan na manengget kudo dohot kudonia na gogo i songon i karetana na bahat i. Hape nada porsaya halahi tu Tuhan, Debata Na Badia ni Israel sanga pe mangido pangurupionNia.

JESAYA 31:3

Hum jolma na somal do halak Mesir, nada debata halahi. Kudo ni halahi pe mahluk na somal do, nada adong bako hadebataanna. Muda jabat martindak Tuhan, targompang noma bangso na gogo i, jana bangso na gale na nitungkolanna i pe madabu noma. Gabe rap marujung noma i dua-duana.

JESAYA 36:8

Saonnari mangasahon goar ni raja Asur puluk do au martaru, anggo sugari dilehen di hamu dua ribu kudo, pasti do na so adong dapot hamu halak sabahat ni i laho manenggetsa.

JEREMIA 49:11

O hamu Edom! Tadingkon hamu ma di Au angka dakdanakmunu na so marama so marina. Au ma na pature-ture halahi. Tarbaen angka na mabalumunu do marsigantung tu Au.

JEHESKIEL 36:25

Dung i pispisonKu ma hamu dohot aek na lan, anso ias hamu sian sude gana-ganaanmunu dohot sian sasude na pahodarkon hamu.

JEHESKIEL 37:23

Nada be pahodaron ni halahi dirina dohot dosa dohot na manyomba angka gana-ganaan sihagigian. PaluaonKu ma halahi sian sude hahodaron na mambaen halahi marbalik tu Au. Ias ma baenonKu halahi; gabe bangsongKu ma halahi, jana Au Debata ni halahi.

HOSEA 12:1

Didok Tuhan ma, “Dihuliangi Efraim do Au marhite gabus dohot sipaoto-oto; bangso Juda laing tongtong mangalo tu Au, Debata Na Badia jana na tigor.

HOSEA 13:2

Lopus saonnari laing torus dope mardosa angka halak Efraim i; dipambaeni halahi do angka patung sian perak na nirangrangan ni akal ni jolma jana na nigana ni tangan ni jolma lalu disomba ma i. Didok halahi, “Pelehon ma haul tu angka patung on!” Padiar ma diummai jolma i angka anak ni lombu i!

HOSEA 14:8

Sanoli nari giot mulak halahi jana ondihononKu noma halahi. Tibu do halahi maradu sonang, songon gandum di tano napu na tibu martumbur. Tudos ma halahi tu kobun anggur, songon anggur Libanon tibu goar ni halahi tarbarita.

HOSEA 2:17

Dung i padaoonKu ma goar ni angka Baal sian pamanganmu gabe nada dokkonon be goar ni halahi.

HOSEA 4:12

Marsapa do bangsongKu tu bona ni hayu! Dipaboa sada tungkot do tu hamu sanga aha na giot sibotoonmunu! Ditadingkon hamu do Au. Songon sada anakboru na gabe panggampang, songon i ma dibaen hamu pasahat dirimunu tu angka debata.

HOSEA 5:13

Torang do diboto bangso Israel dohot bangso Juda hajorbuton na masa di halahi, gabe kehe ma Israel tu Asur laho mangido bantuan sian raja bolon i. Hape nada haurupan raja i sanga tarpadenggan na masa tu halahi.

HOSEA 7:11

Moncong-oncong Israel songon unggas darapati na oto; mula-mulana kehe angka halak ni halahi mangido bantuan tu Mesir, dung i marlojong muse ma halahi tu Asur!

HOSEA 8:6

Lombu sere na di Samaria i karejo ni tangan ni angka na pande do i di Israel! Nada Debata na nisomba ni halahi i, jadi angkon taporhonon do i!

HOSEA 8:9

Songon halode riar na sai mangalo, songon i ma halak Israel na sai mangihutkon giot-giotna sandiri. Dijalahi halak Efraim do bantuan sian Asur, jana digarari halahi pardonganon sian angka bangso sileban.

JUNUS 2:10

Dung i, hara ni parenta ni Tuhan, diutahon ihan i ma si Junus tu darat.

ZAKARIA 13:2

Di ari i, sesaonKu ma angka gana-ganaan i sian tano on, lopus nada adong be umpe sahalak marningotsa. SoadahononKu ma hagiot laho marsomba gana-ganaan. Sude jolma na mangoKu dirina panurirang, paorotonKu.

JOHANNES 14:18

Nada pola padiaronKu hamu mardangol-dangol. Mulak do Au mandapotkon hamu.

PANGARATAION 17:16

Muda raja, nada tola bahat kudona baen di tentarana. Nada tola suruonnia halak tu Mesir laho manobusi kudo, dibaen madung didok Tuhan do na so tola be mulak bangsoNia i tu luat i.