HOSEA 13:8 - BIBEL JAMITA NA DENGGAN

⁸ ParsurageonKu ma hamu songon gompul na agoan anak. Sibak-sibahonKu ma hamu. Songon singa, giot polgakonKu hamu di ingananmunu, jana songon binatang panyoro parsurageonKu ma hamu.”

HOSEA 13:8 ပူးပေါင်းရင်းမြစ်များ

2 SAMUEL 17:8

Torang do diboto raja i, anggo si Daud dohot parangannia i angka parporang na barani do. Na songon gompul boru-boru na agoan anak do jingar ni halahi. Boti muse, si Daud sandiri pe parajurit na marpangalaman do i na so jungada modom rap dohot parangannia.

MASMUR 50:22

Parate-atehon jana ingot hamu ma, hamu angka na dung lupa tu Debata, jago ma hamu anso ulang jabat hona pusa, jana nada adong be na mambaen malua.

MASMUR 80:13

Diugei ma i lopus marsegoan, dohot binatang na di padang-padang pe manjampalisa.

PODA 17:12

Gumonan do marsuo dohot induk ni gompul na magoan anak, ulang pado marsuo dohot halak na bodo na topet padalan haotoanna.

JESAYA 5:29

Angka parajuritna i songon singa na baru manangkup soroanna parngaurna, jana muda dilojongkonsa nada adong na bisa paluahonsa sian halahi.

JESAYA 56:9

Ale angka binatang na di padang, ale angka binatang na di harangan, ro ma hamu mangan,

JEREMIA 12:9

Songon unggas na nisoro ni halihi na rongom do halahi. Piohon ma sude binatang harangan anso mardohotan pangabiskon halahi.

JEREMIA 25:38

Madung ditadingkon Tuhan bangsoNia songon panadingkon ni singa di asarna. Madung muba luat on gabe halongonan dibaen hakejamon ni porang dohot hamuruhan ni Tuhan.

HOSEA 2:12

MatehononKu ma angka bona ni anggurna dohot bona ni arana, taringot tusi didokkon: Silehen-lehen do sudena on di au, na dilehen ni angka haholongan ni rohangku tu au! BaenonKu ma i gabe harangan, jana panganon ni angka binatang na di padang ma i lopus abis.

HOSEA 5:14

Songon singa na manyoro, songon i ma baenonKu marsurage Israel dohot Juda. Au sandiri do na giot manyibak-nyibak halahi lalu Hutadingkon. Muda Husarat halahi kehe, sada pe nada adong tarbaen palua halahi.