HOSEA 13:15 - BIBEL JAMITA NA DENGGAN

¹⁵ Haru pe sonang Israel songon duhut na napu, laing suruonKu ma alogo Habincaran na milas i sian padang parhorsihan. Mahiang ma baenon ni alogo i sude mual ni aek dohot angka sumur bage, gabe mago ma sudena na mararga.

HOSEA 13:15 ပူးပေါင်းရင်းမြစ်များ

PAMUNGKAAN 41:23

Jadi tubu muse ma pitukamburir eme na lambang boti markerut hiang dibaen haba-haba na sian parhorsihan i.

PAMUNGKAAN 41:52

Didok ia muse ma, “Dilehen Debata do angka dakdanak di au di hatiha marsak au,” jadi dibaen ia ma goar ni anaknia na paduahon i si Efraim.

PAMUNGKAAN 41:6

Dung i tubu muse ma pitukamburir eme na asing na lambang jana ma markerut, mahiang dibaen haba-haba sian parhorsihan.

PAMUNGKAAN 48:19

Dijua amangnia i do i, didok ma, “Huboto do da i amang, huboto do. Pomparan ni si Manase pe gabe bangso na godang do. Tapi laing gumodang dope kuaso ni angginia i ulang ia, jana pomparan ni angginia i gabe angka bangso na godang do.”

PAMUNGKAAN 49:22

Si Josep songon bona ni anggur na napu, di lambung mata mual ia tubu, angka rantingna manjurur manjarampak tu ginjang ni tembok.

JOB 18:16

Sai songon urat na gariang sian toru; jana markarengkut dangkana sian ginjang.

MASMUR 1:4

Tapi suhar-suhar ni i do anggo halak parjahat; songon guapak na niombuskon ni haba-haba do.

MASMUR 109:13

Sai dirampas hamatean i ma sude pomparanna, jana dihalupahon sundut na mangihut goarna.

JESAYA 14:21

Pungkaon ma na mambante! Marmatean ma angka anakmu hara ni dosa ni ompu ni ompumu. Umpe sahalak be sian halahi na giot mamarenta di tano on sanga mamungka angka kota.”

JESAYA 17:13

Ro ma halahi songon ombak na margulung-gulung. Tapi dipaingot Tuhan ma halahi, gabe sumurut ma halahi, dihais songon abuan di lereng ni tor sanga songon guapak diombus haba-haba.

JESAYA 27:8

Hona taban do uhuman ni bangsoNia. Dipaorot Ia halahi marhite halingsungsung na ro sian Habincaran.

JESAYA 41:16

Piaranmu ma halahi, lalu kehe habang diombus alogo i; baenon ni bade pe abis ma marserak halahi, hape ho sandiri marsurahi di bagasan Tuhan. Marjop ni roha ma ho, patunda ni Au Debata, di Au, Na Badia ni Israel ho marmoga-moga.

JEREMIA 20:5

PadiaronKu muse musu ni halahi i mangarampas sandok sinadongan ni kota i jana mambuat sude hartona, maradu sude angka barang pusako ni raja-raja ni Juda; dioban ma sudena i tu Babel.

JEREMIA 4:11

Di hatihana i dohonon ma tu bangso on dohot tu rayat ni Jerusalem: “Mangombus ma alogo na milas sian angka tor, na harsang di padang halongonan tu angka boru ni bangsongKu; nada na giot mamurpur sanga na paiaskon.”

JEREMIA 4:12

Tapi alogo na gogo na ro sian parentangKu do i, Au sandiri do saonnari na mandabu uhum tu halahi.

JEREMIA 51:1

Didok Tuhan, “TongosonKu ma alogo panyego-nyego na mangombus adop Babel dohot adop halak na maringanan disi.

JEREMIA 51:36

Hara ni i didokkon Tuhan ma tu halak Jerusalem, “ParjuangkononKu do parkaromu jana uhumanKu angka musumu hara ni pambaenan ni halahi tu hamu. PahiangonKu ma angka mual ni aek dohot angka batang aek ni Babel.

JEHESKIEL 17:10

Madung nian togu panyuanna, tapi tarbaen ma he torus tubu anggur i jana manjarampak? Nada he malos i muda dung mangombus alogo sian Habincaran? Nada he malos di inganan panyuananna i do anggur i?”

JEHESKIEL 19:12

Hape diumpat tangan na muruk ia lalu disampakkon tu tano noma. Mangombus ma alogo Habincaran, mambaen malos batuna taran hajegesanna. Masopak dangkana i gabe mahiang lalu nitutungan.

DANIEL 11:8

Di na laho mulak ia tu Mesir, obanonnia ma patung ni debata ni musuna i dohot barang-barang sere dohot perak na dung dihaulkon tu debatana i. Nada porangonnia be raja ni Siria piga-piga taon.

HOSEA 10:1

Tudos tu bona ni anggur na ramos marbatu do Israel. Mur martamba-tamba sinadonganna, mur bahat angka langgatan na nibaenna. Mur tamba denggan tano i, mur jeges muse dibaensa angka tugu ni gana-ganaan na nisombana i.

HOSEA 2:3

Muda sai dipupu ia do na marhalaklahi, talduskononKu ma pakeannia i anso talak-talak ia songon di ari parsorangnia. Giot baenonKu noma ia songon tano na mahiang jana na gariang; gabe mate ma ia, mate manguas.”

HOSEA 4:19

Jadi gabe mago ma halahi songon na niombus ni alogo. Maila ma halahi hara ni angka haul na nihaulkon ni halahi tu angka debata.

HOSEA 9:11

Habang noma hagodangan ni Israel mago songon unggas; nada adong be na mardenggan pamatang jana nada adong be dakdanak na sorang.

JUNUS 4:8

Dung bincar mataniari, diparo Debata ma alogo na milas na mangombus sian Habincaran. Giot tarkatos ma si Junus hara ni pandoit ni mataniari i songon dia na manutung ulunia. Gabe mandele ma ia jana por rohania sugari mate. Ning ia ma, “Gumonan noma da iba mate ulang pado mangolu!”

NAHUM 2:9

Rampasi sude sere dohot perakna! Harana nada marnaabis angka arta, marlobian do dison arta na jeges.

PANGARATAION 33:17

Gogo ni si Josep songon lombu harangan marribu pinompar ni si Manase, marpulu ribu pinompar ni si Efraim i ma tanduknia. Didogo ia angka bangso dionjar ia halahi lopus tu ujung ni tano.”