HOSEA 13:14 - BIBEL JAMITA NA DENGGAN

¹⁴ Giot paluaonKu dehe bangso on sian kuaso ni inganan ni jolma na mate? Jo hamatean, sarsarkon ma balamu! Padalan ma karejomu na manyegohon i! Nada be ibo rohangKu mida bangso on.

HOSEA 13:14 ပူးပေါင်းရင်းမြစ်များ

JOB 33:24

Dokkonon ni surusuruan i ma sian ibo ni rohana, ‘Palua ma da ia, nada tola ia manuat dope tu tanoman. On ma hepeng panobusna, anso tola ia maruli haluaan.’

JOB 41:22

Tangkuhukna, i noma gogona, gabe sude mabiar di jolonia.

MASMUR 16:10

angke nada dipadiar Ho au mate, halak na nihaholonganMu nada dilehen Ho tu hamatean.

MASMUR 30:3

Disalpuhon Ho do tanoman sian au, jana dipasuang Ho ngolungku.

MASMUR 49:15

Tapi anggo au paluaon ni Debata noma, paluaonNia do au sian hamatean.

MASMUR 49:16

Ulang habiari muda gabe maradong sada-sada halak, jana mur martamba sinadonganna.

MASMUR 71:20

Madung dipadondonkon Ho tu au bahat sitaonon na dokdok, hape dipasuang Ho do gogongku, jana disungguli Ho au sian tanoman.

MASMUR 86:13

Hara ni godangna holong ni rohaMu na manongtong i di au, madung dipalua Ho au sian liang ni kuburan.

JESAYA 25:8

AbiskononNia ma hamatean ro di salolot-lolotna! Apusan ni Tuhan Debata ma ilu-ilu sian ganop mata, jana padaoonNa habilean na nitanggung ni halakNia di sude portibi on. Madung didok Tuhan i songon i, angkon tulus do i tarjadi.

JESAYA 26:19

Ale Tuhan bangsoMu na mate i mangolu ma mangulahi, angka bangke ni halahi ngot sanoli nari. Halak na dung ditanom di bagasan tano, ngot ma i jana marolop-olop. PangoluonMu ma bangsoMu na dung mate honok, songon ombun na pajagarkon tano.”

JEREMIA 15:6

Madung ditulak jana ditadingkon hamu Au, hara ni i Huondamkon botohonKu laho mangabisi hamu. Ma pola loja Au mangorom muruk ni rohangKu.

JEREMIA 20:16

Padiar ma sioban barita i tudos tu angka kota na nironcohon ni Tuhan so maribo ni roha. Padiar ma dibege ia angguk ni na hancitan manyogot ni ari, dohot panggora ni parporangan di tonga ari.

JEREMIA 31:35

Dipasingkop Tuhan do mataniari laho manorangi arian; bulan dohot angka bintang laho manorangi borngin. Digaor Ia laut i anso marombak galumbangna, Tuhan Na Markuaso i, i ma da goarNa.

JEHESKIEL 37:9

Didok Debata ma tu au, “Ale anak ni jolma, mangkuling ma ho tu alogo i. Dokkon ma na Huparentahon, Au Tuhan Debata mamarentahon tu alogo i anso marroan sian sude panjuru, laho mangombuskon hosa tu bagasan ni angka pamatang na mate i anso mulak mangolu halahi.”

HOSEA 6:2

Di bagasan dua tolu ari on sunggulanNia ma hita jana mangolu di bagasan pangondianNa.

HOSEA 7:10

Tarida ma tangkas haginjangon ni roha ni Israel, jana gabe bukti ni hasalaan ni halahi ma i. Haru pe madung tarjadi sudena i, laing na so ra muse do halahi mulak tu Au, Tuhan Debata ni halahi.

MALEAKI 3:6

“Au do Tuhan, jana nada muba-uba Au. Jana hamu ale pinompar ni si Jakob, nada pusa hamu.

BILANGAN 23:19

Nada dos Debata dohot jolma na ringgas margabus, na momo muba pikiranna. Muda dung Dijanjihon Debata, sudena pasti Dipatulussa! Muda Ia mangkuling, sude angkon tarjadi!

SURAT NI SI PAULUS TU PARLAGUTAN ROM 11:15

Dibaen muda panulakon ni halahi gabe pardengganan tu portibi on, nada he gabe songon hangoluan sian na mate ma i, muda dung tulus halahi dijagit?

SURAT NI SI PAULUS TU PARLAGUTAN ROM 11:29

Dibaen nada disolsoli Debata rohaNia, taringot tu na nilehen dohot na nipiohonNia.

2 KORINTUS 5:4

Salolot di bandar on hita maringanan, sai holsoan do hita hara ni dokdok ni pananggunganta. Nada hara ni na por rohanta malua sian pamatangta na sian tano on, tapi hara ni na lungun do rohanta laho manyolukkon pamatang na sian banua ginjang i tu na parjolo i anso dibondut hangoluan i pamatangta na ra mate on.

PILIPPI 3:21

Anggo pamatangta na gale boti na ra madangke on, paubaon ni Kristus do i gabe marsangap songon pamatangNia sandiri. Tarbaen do songon i angke adong do kuasoNia laho manaluhon sasudena.

1 TESSALONIKA 4:14

Tahaporsayai do, anggo Jesus madung mate jana mulak mangolu. Hara ni i ma umbaen na gabe tahaporsayai, obanon ni Debata muse do sude angka na monding i na porsaya tu Jesus anso rap dohot Ia.

JAKOBUS 1:17

Ganop silehen-lehen na denggan jana na sanggam sian banua ginjang i do ro; na nipaijur ni Debata na manompa sasudena na torang di langit i do sudena i. Ia do Debata na so muba-uba, jana nada mandao muse Ia sian hita, gabe adong do tading halinuNa humaliang hita.

HALUMBAAN 20:13

Dung i dilehen laut i ma angka halak na mate na adong di bagasanna, bope hamatean i, bope harajaan banua toru mangalehen angka halak na mate na adong di bagasanna, jana diuhumi ma halahi hombar tu pambaenanna be.

HALUMBAAN 21:4

ApusanNia ma sasude ilu sian mata ni halahi. Nada adong be anggo hamatean; hamarsahan, partangisan sanga parkancitan pe nada adong be. Madung salpu angka pangalaho na honok i.”

HALUMBAAN 6:8

Hupamanat ma, gabe haidaan ma sada kudo na langan tompana, Hamatean do goar ni na manengget i. Dipaihut-ihut Harajaan Hamatean ma ia donok sian pudi. Dipasahat ma saparopat ni tano on tu kuaso ni halahi, anso tarbaen halahi mamunu markite-hite porang, hamamasa ni haleon, markite-hite nyae dohot markite-hite angka binatang panyoro na di tano on.

1 SAMUEL 15:29

Nada margabus bope nada muba muse roha ni Na Marmulia Debata ni Israel, angke nada jolma Ia.”