HOSEA 13:11 - BIBEL JAMITA NA DENGGAN

¹¹ Hara ni muruk, Hulehen raja di hamu, jana mardongan rimas Hutarik mangulahi.”

HOSEA 13:11 ပူးပေါင်းရင်းမြစ်များ

PODA 28:2

Marpupu margonti do raja ni bangso pardosa; sai hot do marbungaran anggo bangso na marraja na marroha.

HOSEA 10:3

Nada sadia honok nari dokkonon ni halahi ma, “Nada adong be rajanta harana nada mabiar hita mida Tuhan. Aha muse be guna ni raja di hita?”

HOSEA 10:7

Obanon ma rajana i songon santuho hayu na niayup ni aek.

HOSEA 3:4

Songon i muse ma pangalaho ni bangso Israel; lolot halahi mangolu tapi nada adong rajana, nada marpamimpin nada adong haul, nada adong gana-ganaan, jana nada adong efod dohot terafim.

HOSEA 8:4

Dipili bangsongKu do raja so jolo marsapa tu Au. Diangkat halahi pamimpin so dohot parbinotoanKu. Dibuat halahi do sere dohot perak ni halahi lalu dibaen patung ni gana-ganaan na mangalapi hamamago ni halahi sandiri.

1 SAMUEL 10:17

Jadi dipiohon si Samuel ma rayat ni Israel anso marlagut tu adopan ni Tuhan di Mispa,

1 SAMUEL 10:19

Madung Hupalua hamu sian ragam ni parkancitan dohot pardangolan, hape saonnari madung ditulak hamu Au Debatamunu, harana dipangido hamu do anso Hutodo sada raja di hamu. Antong anggo songon i, marlagut ma hamu di jolongKu, Tuhanmu, mangihutkon horong dohot margamunu.’ ”

1 SAMUEL 12:1

Dung i mandok hata ma si Samuel tu sude bangso Israel, “Madung huoloi sude pangidoanmunu jana madung huangkat sada raja di hamu.

1 SAMUEL 12:13

“Saonnari ligi hamu ma, on ma ibana raja na nipilimunu i. Na nipangidomunu do i, jana madung dilehen Tuhan di hamu.

1 SAMUEL 15:26

Tapi dialusi si Samuel ma, “Nada ra au rap mulak dohot ho be. Na dung manggagai do raja i tu parenta ni Tuhan, jana Ia pe na dung ditulakNia do raja i songon raja ni Israel.”

1 SAMUEL 16:1

Dung adong sadia honok mangkuling ma Tuhan tu si Samuel, “Sadia honok nari ho marsak patunda ni si Saul i? Nada he na dung Hutulak do i gabe raja ni Israel? Saonnari buat ma miak zetun jana kehe ma ho tu Betlehem, mandapotkon sada halak na margoar si Isai, dibaen madung Hutodo sada halak sian angka anaknia i na gabe raja.”