HOSEA 12:9 - BIBEL JAMITA NA DENGGAN

⁹ ‘Saonnari mamora hita,’ ninna halahi, ‘Maruntung hita! Sahalak pe nada adong tarbaen manudu hita dapotan hamoraon i sian dalan na geduk.’

HOSEA 12:9 ပူးပေါင်းရင်းမြစ်များ

PAMUNGKAAN 25:27

Mur magodangi ma dakdanak na dua i. Gabe parburu na utusan ma si Esau jana sai di padang ma por ni rohania maringanan; tapi anggo si Jakob, tenang do ia jana sai di bagas ma nian giotnia.

2 SAMUEL 7:2

Jadi didok ia ma tu Panurirang Natan, “Ligi ma, anggo au maringanan di bagas godang na sian hayu sampinur Libanon do, hape Poti Parjanjian ni Debata disimpan hum di bagasan bandar sajo do!”

ESRA 3:4

Dirayahon halahi muse ma Pesta Undung-undung Bulung Rata, hombar tu paraturan; jana ganop ari dipasahat halahi ma haul na dung ditontuhon di ari i.

MASMUR 49:7

Nada adong sahalak pe na tarbaen manobus hosana, sanga manggarar partobusna tu Debata.

MASMUR 81:10

Au do da Tuhan Debatamu, na manogu hamu ruar sian Mesir. Dompak na malean hamu, Hulehen do hamu mangan.

HARURUAR 20:2

“Au do Tuhan Debatamu, na maroban ho ruar sian tano Mesir, sian tano parhatobanan i.

PODA 30:12

Adong do halak na mangetong ias dirina hape nian na santak do hodarna.

JEREMIA 35:7

Nada tola hami marsuan-suanan, mambuka kobun anggur sanga marnampunahonsa. Salolot mangolu nada tola muse hami pajongjongkon bagas, tapi angkon torus do maringan di bagasan bandar, anso tarbaen hot hami maringanan di luat on songon halak sileban.

JEREMIA 5:27

Songon parburu unggas na pamasuk unggas tu karanjangna, songon i muse ma halahi mangisi bagas ni halahi dohot angka barang-barang na ditipu. Songon i ma dalanna gabe markuaso jana mamora halahi;

HOSEA 11:1

Didok Tuhan ma, “Huhaholongi do Israel mamungka sian hamenehannia, Hupio anakKi ruar sian Mesir.

HOSEA 13:4

Didok Tuhan ma, “Au do Tuhan Debatamu, mamungka sian tano Mesir. Nada adong Tuhan Debatamunu asing sian Au. Jana nada adong sipalua asing sian Au.

HOSEA 2:15

PaulahonKu ma tusia angka kobun anggurna, jana Rura Akhor baenonKu ma gabe pintu ni arop ni roha. Sambutonnia ma Au disi songon di haposoonna, tingki baru haruar ia sian Mesir.

HAMALIMON 19:36

Meter, timbangan bope takaran na tigor do pakeonmu. Au do Tuhan Debatamu, jana madung Huoban hamu haruar sian Mesir.

HAMALIMON 26:13

Au do Tuhan Debatamu na maroban hamu ruar sian tano Mesir anso ulang diparhatoban hamu. Madung Huponggolkon kuaso na mandondoni hamu, jana Hubaen hamu gabe halak na dung malua.”

MIKA 6:4

Madung Huoban hamu haruar sian Mesir, jana Hupalua sian parhatobanan; Husuru do si Musa, si Harun dohot si Miryam laho mamimpin hamu.”

ZAKARIA 11:5

Dimatehon angka nampunasa ma angka biri-biri i marroha-roha, jana nada hona uhum halahi. Digadisi halahi ma juhut ni biri-birina i jana didok halahi ma, ‘Nipuji ma da Tuhan! Saonnari madung mamora hita!’ Salangkan angka parmahan i sandiri nada maribo ni roha mida angka biri-biri na niparmahanna i.

BILANGAN 15:41

Au do Tuhan Debatamunu; Au do maroban hamu ruar sian Mesir, anso gabe Au Debatamunu, Au do Tuhan.”

JOHANNES 7:2

Donok ma hatiha i Pesta Undung-undung Bulung Rata ni halak Jahudi.