HOSEA 12:8 - BIBEL JAMITA NA DENGGAN

⁸ Didok Tuhan ma tu bangso Israel, “Geduk do hamu songon halak Kanaan; mangicu do angka parboniaga sian hamu tu langgananna marhite timbangan na so tutu.

HOSEA 12:8 ပူးပေါင်းရင်းမြစ်များ

MASMUR 49:6

angka halak na jahat na mangasahon hakayoanna, jana na manghaginjangkon sinadonganna.

MASMUR 52:7

“Indi ma da halakna na so marpangondian tu Debata, tapi na sai mangasahon sinadonganna dohot hajahatanna.”

MASMUR 62:10

Ulang arop rohamu di angka barang na nirampas, jana ulang marpangunsandean tu angka na nirampas. Muda pe martamba hakayoanmu, ulang lohot tusi rohamu.

PODA 11:1

Goyak do roha ni Tuhan di halak na mamake timbangan na geduk; tapi di timbangan na jujur do rohaNia sonang.

PODA 30:12

Adong do halak na mangetong ias dirina hape nian na santak do hodarna.

PODA 30:20

On do siasat ni sada dadaboru na so setia tu halaklahi; dung marmainan, mangan ma ia lalu diceka ia pamangannia, dung i didok ia ma, “Nada hubaen da sanga na aha!”

JEREMIA 2:23

Pulukna i antong mandok na so jungada dipahodar ho dirimu, jana paboa na so unjung Baal diihutkon ho! Ligi ma sandok dosamu di rura; ingoti hajahatanmu jana akui ma! Sai songon unto boru-boru na gintal do ho, marlojong panyihal-nyihalon umpe tarpaso,

JEREMIA 2:35

laing didok hamu do na so marsala hamu, na so muruk be Au tu hamu. Tapi Au Tuhan, uhumanKu do hamu hara ni na so ra hamu mangakui na marsala hamu.

JEREMIA 5:27

Songon parburu unggas na pamasuk unggas tu karanjangna, songon i muse ma halahi mangisi bagas ni halahi dohot angka barang-barang na ditipu. Songon i ma dalanna gabe markuaso jana mamora halahi;

JEHESKIEL 28:5

Tutu ma da malo ho marboniaga jana saonnari lobi hamoraonmu, jana sinadonganmi ma mambaen gakgak ho!’ ”

HOSEA 13:6

Hape dung lalu hamu di tano na denggan jana butongan hamu lopus sombu, gabe ginjang ma rohamunu jana lupa ma hamu tu Au.

HOSEA 14:1

Angkon uhumon do Samaria hara ni na mangalo tu Au. Marmatean ma rayatna i di bagasan parporangan; hona giling angka dakdanakna na baru sorang, jana angka dadaboru na denggan pamatangna hona bola butuhana i.”

HOSEA 4:8

Gabe mamora do hamu hara ni dosa ni bangsongKi, i ma dalanna dihagioti hamu anso torus halahi mardosa.

AMOS 8:5

Didok hamu tu dirimunu sandiri, “Na lolot ma so sidung ari pesta. Sai giot gadisonta tibu angka gandumta, hape laing so marnasidung do pesta i. Andigan dope sidung Ari Sabat, anso tarbaen mangulahi marjagal? Ma por rohanta mangakal-akali, mangicu dohot parsuhatan, jana mambuat dohot timbangan.

HABAKUK 1:16

Dung i disomba halahi ma jala i jana dihaulkon halahi haul tu hadang-hadanganna, angke hara ni jala i madung mardohar halahi marlobi-lobian.

ZAKARIA 11:5

Dimatehon angka nampunasa ma angka biri-biri i marroha-roha, jana nada hona uhum halahi. Digadisi halahi ma juhut ni biri-birina i jana didok halahi ma, ‘Nipuji ma da Tuhan! Saonnari madung mamora hita!’ Salangkan angka parmahan i sandiri nada maribo ni roha mida angka biri-biri na niparmahanna i.

MALEAKI 2:17

Susa do Tuhan dibaen angka hata-hatamunu. Tapi didok hamunu do, “Bia ma he hami baen pasusahon Ia?” I ma na niambangmunu: “Ganop halak na mambaen hajahatan denggan do i di mata ni Tuhan; tu halak si songon i ma jop ni rohaNia sanga muda nada, di dia ma he Debata na manguhumi i?”

MALEAKI 3:13

Sai dipahata-hata hamu do Au ninna Tuhan. Tapi didok hamu do, “Aha ma he na hami hata-hatahon taringot tu Ho?”

LUKAS 10:29

Tapi na giot patigor diri do Siboto Surat i. Marsapa ma ia, “Ise do satutuna na tardok, dongan jolma?”

LUKAS 12:19

Dung sidung i hudok ma tu rohangku sandiri: Na maruntung ma da ho! Madung bahat angka na denggan disimpan ho; madung tuk i martaon-taon. Nada pola bahat be sipikiranmu! Aha dope, mangan minum ma ho marsonang-sonang!’

LUKAS 16:13

“Umpe adong sada halak naposo, na bisa gabe naposo ni dua tuan rap sanoli mangoloi; angke goyak do rohania tu tuannia na sada jana dihaholongi ia na sada nari, sanga pe dipasangap ia na sada hape na sada nari diapasi ia. Nada tarbaen jolma gabe pangoloi tu Debata dohot muse pangoloi tu mammon.”

LUKAS 16:15

Tapi didok Jesus ma tu halahi, “Hamu ma angka na mandok di jolo ni halak, sai na tigor hamu. Tapi diboto Debata do isi ni rohamunu. Angke sanga aha na nietong ni roha ni jolma na gincat, i ma na toruk di panatapan ni Debata.

PANGARATAION 8:17

Jadi, ulang diambang hamu hara ni pambaenan dohot gogomunu sandiri hamu gabe mamora.

1 TIMOTEUS 6:17

Tu angka halak na kayo di tano on, paingot ma halahi anso ulang manyombong jana anso ulang mararop ni roha halahi tu angka barang-barang na ra salpu – songon sinadongan rupani. Angkon mararop ni roha tu Debata do halahi, i ma Debata na mangalehen sasudena tu hita marlobi-lobi anso sonang hita.

1 TIMOTEUS 6:5

dohot parsalisian na so marujung. Na dung puntol do pikiran ni halak na songon i jana sala. Diambang halahi tarbaen ma dapotan untung sian ugamo.

HALUMBAAN 3:17

Didok hamu, ‘Madung mamora hami jana tuk sude; sada pe nada adong be na hurangnami.’ Hape umpe diboto hamu sanga songon dia dangolmunu dohot parkancitanmunu! Na pogos do hamu, marsaemara jana na mapitung.