HOSEA 12:6 - BIBEL JAMITA NA DENGGAN

⁶ Debata i ma Tuhan, Debata Na Markuaso i. Tuhan do goarNa. Marhite goar i ma dihagioti rohaNia maribadat halak tuSia.

HOSEA 12:6 ပူးပေါင်းရင်းမြစ်များ

PAMUNGKAAN 49:18

O Tuhan, hum haluaan na sian Ho do na hupainte-inte.

MASMUR 123:2

Songon sada naposo na marguru di roha ni tuanna jana songon sada naposo dadaboru tu morana. Songon i ma hami marsigantung tu Ho, ale Tuhan Debatanami, lopus ibo rohaMu mida hami.

MASMUR 27:14

Mararop roha tu Tuhan ma da, haporsayai ma, ulang padele roha. Tu Tuhan ma mararop roha.

MASMUR 37:7

Pasonang ma rohamu paintehon Tuhan, sobar ma ho paima-imahon lopus dibaen Ia tindakan. Ulang mangiburu mida halak na mardohar, na mandapot hara ni na paoto-otohon.

HARURUAR 3:15

Baritahon ma tu bangso Israel, paboa Au do Tuhan Debata ni ompu ni halahi, Debata ni si Abraham, si Ishak dohot si Jakob na marsuru ho manopot halahi. I do goarKu ro di salolot ni lolotna. On ma panggoaringKu di sude bangso marsundut-sundut.

PODA 1:23

Patinggil ma pinggolmu muda hupaingot ho. Lehenonku ma sipaingot na denggan jana ajarkononku parbinotoan tu ho.

PODA 21:3

Sumonang do roha ni Tuhan mida hatigoran dohot hatutuan ni pambaenanmu, ulang pado sasude na nihaulkonmu.

JESAYA 1:16

Basu hamu ma jolo dirimunu lopus ias. Antak hamu ma sude hajahatan na nibaenmunu i. Olo, ulang be didatdati hamu mambaen na jat,

JESAYA 30:18

Haru pe songon i, laing dipainte Tuhan dope hatihana laho patuduhon tu hamu ibo ni rohaNia. Rade do Ia laho maribo ni roha tu hamu, angke Tuhan i do Debata na tigor. Martua do na marpos ni roha tuSia.

JESAYA 31:6

“Hamu bangso Israel! Madung mardosa hamu jana mangalo hamu tuSia. Tapi saonnari, mulak ma hamu!

JESAYA 40:31

Hape anggo di na mangido pangurupion sian Tuhan, dipasuang do hagogoan. Lopus tu ginjang manaek do halahi, songon na marhabongkon habong ni rajawali. Marlojongi do halahi so marnaloja, jana mardalan halahi nada ra gale.

JESAYA 58:6

Songon on do puaso na Huhagioti: Harkari hamu ma rante ni hajahatan dohot tali ni angka auga, jana palua hamu angka halak na niparkancitan ponggolkon hamu ma sude auga.

JESAYA 8:17

Madung ditabunihon Tuhan diriNa maradopkon bangsoNia, tapi anggo au porsaya jana mararop roha do tuSia.

JEREMIA 22:15

Muda dipajongjong ho bagas godang mamake hayu sampinur Libanon na jumegesna, i ma he tandana paboa ho ma raja na dumenggan sian angka raja na asing? Ingot ma jolo tu amangmu. Didai ia do ngolu na sonang jana mardohar do ia di sude karejonia, angke tigor jana lidang do ia tongtong jana tigor do dibaen ia parkaro ni halak na pogos.

JEHESKIEL 18:30

Didok Tuhan Debata, “Ale hamu halak Israel, uhumanKu do ganop halak hombar tu pambaenanna be. Pauba hamu ma rohamunu sian angka dosamunu. Ulang padiar disegohon dosami dirimu.

HOSEA 10:12

Hudok ma, ‘Ale Israel! Buka ma ladang na imbaru di ho, sabur ma tusi same hatigoran, jana buat ma suha ni situtu ni rohamu mangkaholongi Au. Dibaen madung dapot hatihana mulak jana jalahanmu Au, Tuhanmu. Anso ro noma Au jana duruskononKu songon udan tu ho angka pasupasungKu.’

HOSEA 14:1

Angkon uhumon do Samaria hara ni na mangalo tu Au. Marmatean ma rayatna i di bagasan parporangan; hona giling angka dakdanakna na baru sorang, jana angka dadaboru na denggan pamatangna hona bola butuhana i.”

HOSEA 4:1

Adong do parkaro ni Tuhan dohot halak luat on. Tangihon ale Israel, sanga aha na nidokNia, “Nada adong na tutu, nada adong holong ni roha jana halak luat on pe nada dioKu Au Debata.

JOEL 2:12

Didok Tuhan ma, “Tapi anggo saonnari, sian sandok roha mulak ma tu Au mangulahi, lalu puaso, tangis jana marsak.

JOEL 2:13

Sibakkon ma rohamu tapi ulang dohot pakeanmu.” Mulak ma hamu tu Tuhan Debatamu mangulahi; paribo roha do Ia jana sai mangkaholongi. Parsobar do Ia jana na ingot di janji, jop rohana mangampuni jana nada ra mamparkanciti.

AMOS 4:13

Dolok dohot alogo, Tuhan do manompasa; dipabotohon Ia do sangkapNia tu jolma manusia. Diuba Ia do arian gabe borngin, jana di puncu ni angka dolok Ia mardalani. Tuhan, Debata Na Markuaso, i do goarNia.

AMOS 5:24

Dumenggan do usahohon hamu anso mardalan hatigoran songon aek, jana hajujuron songon batang aek na tongtong mardalan.

MIKA 6:8

Nada! Madung dipaboa Tuhan tu hita sanga aha na denggan. Anggo na nipangido ni rohaNia sian hita, i ma anso tigor pambaenanta, tadalankon ma holong ni roha, jana mangoku di bagasan toruk ni roha di jolo ni Debatanta.

MIKA 7:7

Tapi anggo au marpos ni roha tu Tuhan do; mardongan pos ni roha na godang hupainte Debatangku. Ditangihon Ia tangiangku jana dipalua Ia do au.

HABAKUK 2:3

Suratkon ma i, angke nada saonnari dope hatihana. Tapi manigor ro ma hatihana i, jana musti tarjadi sanga aha na Hudokkon i tu ho. Haru pe laing honok dope idaon, tapi painte sajo ma! Pasti do ro hatiha ni i jana nada dipalambat-lambat.

ZEPANYA 3:8

Hara ni i painte ma Au – ninna Tuhan – di ari harorongKu jadi saksi. Harana haputusanKu i ma papunguhon angka bangso dohot harajaan anso Huusehon rimasKu na marapi purun, harana sude tano angkon abis dibaen api ni pangiburuonKu.

ZAKARIA 1:3

Hara ni i dokkon ma tu halahi, ‘Songon on ma hata ni Tuhan Na Markuaso: Mulak ma tu Au, ninna Tuhan Na Markuaso, jana Au pe gabe mulak ma tu hamu ninna Tuhan Na Markuaso.’

ZAKARIA 7:9

“Songon on ma hata ni Tuhan Na Markuaso i, ‘Karejohon ma angka tona na tigor jana maribo ni roha dohot marroha na denggan maradopkon donganmunu jolma.

ZAKARIA 8:16

On ma angka parenta sidalankononmunu: Muda mandok hata, dok hamu ma na tutu tu donganmunu. Baen hamu ma haputusan na tigor na padumpangkon dame.

BAENON NI ANGKA RASUL 2:38

Dialusi si Petrus ma, “Pauba hamu ma rohamunu sian angka dosamunu. Jana angkon dipandidihon ma hamu ganop be di bagasan goar ni Jesus Kristus, anso nisesa sude dosamunu i. Dung i jagitonmunu ma silehen-lehen ni Debata, i ma Tondi Parbadia.

BAENON NI ANGKA RASUL 26:20

Tangkas do hupatorang sanga na tu ise pe anso marsipauba rohana be sian angka dosana jana marsipasahat dirina be ma tu Debata jana angkon tarida ma di ngolu ni halahi be paboa na dung muba rohana sian dosa ni halahi be. Di Damaskus ma parjolo hupatorang songon i, dung i baru di Jerusalem dohot di sude Luat Judea dohot di tonga-tonga ni angka bangso na asing.

JAKOBUS 1:27

Haburjuon marugamo na ias jana na so martihas diadopan ni Debata Amanta, on do: Manyarihon na so marama so marina dohot angka na mabalu na mardangol; dohot na manjagohon dirina sandiri anso ulang sego dibaen portibi on.

JAKOBUS 2:13

Angke sanga ise halak na so maribo ni roha tu halak na asing, sidabuon do uhuman tusi so pola mardongan ibo ni roha. Tapi gumogo dope ibo ni roha ulang uhuman!