HOSEA 12:3 - BIBEL JAMITA NA DENGGAN

³ Adong do parkaro ni Tuhan dohot bangso Juda; laing uhumonNia muse do dohot Jakob hara ni pangalaho ni bangso i. BaloskononNia ma parbuatan ni halahi i.

HOSEA 12:3 ပူးပေါင်းရင်းမြစ်များ

PAMUNGKAAN 25:26

Di na sorang anak paduahon i, ditiop ia do togu tambihul ni si Esau. Hara ni i ma da digoari ia si Jakob. Marumur onom pulu taon ma si Ishak di na sorang na dua i.

2 RAJA-RAJA 17:18

jana nada dipardulihon be halahi, tapi diambungkon noma halahi sian tano na nilehen ni Tuhan tu halahi. Hum harajaan Juda noma na tinggal.

2 RAJA-RAJA 17:20

Nada giot Tuhan be sude halak Israel. Diuhum Ia noma halahi jana dipasahat Ia tu angka musu ni halahi ma jungkat, jabat nada diparrohahon be halahi, tapi dibuang noma halahi sian tano na nilehenNia di halahi.

2 RAJA-RAJA 17:23

Lopus di ujungna nada diparrohahon Tuhan be halahi, tapi diambungkon noma halahi sian tano na nilehenNa di halahi. Tulus do i tarjadi laing songon na nipaingotkon ni Tuhan markite-hite angka naposoNia i, i ma angka panurirang. Songon i ma halak Israel dioban tu habuangan di Asur jana disi ma halahi tinggal lalu tu sadari on.

JEREMIA 2:9

Didok Tuhan, “Saonnari parkarohononKu ma bangsongKu mangulahi, jana pomparanna Huadili.

JEHESKIEL 7:3

“Saonnari madung dapot ajalmu, jana Au manongoskon rimasKu tu ho jana manguhum ho hombar tu jorbut ni parbuatanmu jana manginona tu ho baenonKu sude angka na ni karejohonmu.

JEHESKIEL 7:8

Nada pola sadia honok nari be, hilalaonmu ma rimasKu na jorbut i. UhumanKu hamu hombar tu parbuatanmunu. BaloskononKu tu hamu sude jorbut ni pangalahomunu i.

HOSEA 4:1

Adong do parkaro ni Tuhan dohot halak luat on. Tangihon ale Israel, sanga aha na nidokNia, “Nada adong na tutu, nada adong holong ni roha jana halak luat on pe nada dioKu Au Debata.

HOSEA 4:9

Jadi gabe markancit noma hamu laing songon rayat i! UhumanKu ma hamu hombar tu angka pambaenanmunu.

AMOS 2:4

Songon on ma didok Tuhan, “Hara ni na dung mardosa halak Juda marhite tolu hajahatan lopus tu opat hajahatan, nada tarikonKu be haputusanKi. Dilaosi halahi do angka parenta ni Tuhan, jana nada dimomosi halahi haputusanNia. Lilu do halahi dibaen angka debata na nisomba ni angka ompu ni halahi.

MIKA 6:2

Ale angka dolok, ale angka jongjongan ni tano, tangihon bo pangaduan ni Tuhan! Adong parkaroNia dohot Israel bangsoNa i jana giot tuntutonNia halahi.

SURAT NI SI PAULUS TU PARLAGUTAN ROM 9:11

Angke taran so sorang dope angka dakdanak i, jana nada podo dibaen halahi bagi aha na denggan sanga na jat, anso togu sangkap ni Debata mangihutkon pamilionNia, nada sian pambaenan tapi markite-hite pamioonNia do,