HOSEA 12:13 - BIBEL JAMITA NA DENGGAN

¹³ Gilo do ompunta si Jakob tu Aram jana marinduk somang ma ia tu halak na disi jana marmahan angka biri-biri ni jolma i laho mambuat boru disia.

HOSEA 12:13 ပူးပေါင်းရင်းမြစ်များ

PAMUNGKAAN 28:2

Tu Mesopotamia ma ho kehe tu bagas ni ompungmu si Betuel jana boru ni tulangmu si Laban ma buat sahalak di ho.

PAMUNGKAAN 29:20

Jadi karejo ma si Jakob pitu taon honokna anso dapot ia si Rahel, jana songon na manyalpui piga-piga ari sajo do dihilala ia na pitu taon i hara ni holong ni rohania mida anak boru i.

MASMUR 77:20

Songon parmahan diiring-iring Ho bangsoMu, na nipimpin ni si Musa dohot si Harun.

HARURUAR 13:3

Didok si Musa ma tu halak Israel, “Ingot hamu ma ari on ari haruruarmunu sian Mesir inganan parhatobanonmunu. On ma arina Tuhan paluahon hamu marhite kuasoNia na godang i. Ulang pangan hamu roti na marragi.

HARURUAR 14:19

Dung i humusor ma surusuruan ni Debata, di jolo ni parangan ni Israel hian kehe tu pudi. Humusor muse ma tiang ombun na jongjong

HOSEA 11:1

Didok Tuhan ma, “Huhaholongi do Israel mamungka sian hamenehannia, Hupio anakKi ruar sian Mesir.

HOSEA 2:15

PaulahonKu ma tusia angka kobun anggurna, jana Rura Akhor baenonKu ma gabe pintu ni arop ni roha. Sambutonnia ma Au disi songon di haposoonna, tingki baru haruar ia sian Mesir.

MIKA 6:4

Madung Huoban hamu haruar sian Mesir, jana Hupalua sian parhatobanan; Husuru do si Musa, si Harun dohot si Miryam laho mamimpin hamu.”

BILANGAN 12:8

Jadi mangkatai Au dohot ia paadop-adop bohi be, tangkas nada markuling-kulingan. Salang tompangKu pe madung diida ia! Biasi puluk dope hamu mangalo ia?”

PANGARATAION 26:5

Dung i di adopan ni Tuhan angkon pajojoronmu do hata on: ‘Halak Aram na mimbarimbar do daompung, sada halak na madang-adang na so adong bagas ingananna. Dioban ia do ripenia tu Mesir anso maringanan ia disi. Di na kehe i tusi, saotik do bilangan ni halahi, hape gabe bangso na godang do halahi jana na gogo.

1 SAMUEL 12:8

Di na ro si Jakob dohot dakdanakna tu Mesir, jana dipisat halak Mesir halahi, mangido tolong do ompumunu i tu Tuhan, jadi gabe disuru Tuhan ma si Musa dohot si Harun. Sidua halak i ma na maroban ompumunu sian Mesir dohot na mangurupi halahi gabe maringanan di luat on.