HOSEA 12:12 - BIBEL JAMITA NA DENGGAN

¹² hape haru songon i pe laing adong do na marsomba gana-ganaan di Gilead dohot na mamelehon lombu di ginjang ni langgatan na di Gilgal. Tapi muli mate do halahi na marsomba gana-ganaan i, jana angka langgatan na di Gilgal i pe gabe batu na nipagukguk di ladang do.”

HOSEA 12:12 ပူးပေါင်းရင်းမြစ်များ

PAMUNGKAAN 27:43

Jadi, oloi ma na hudok on amang. Kehe ma ho manigor tu ibotongku si Laban, di Haran.

PAMUNGKAAN 30:26

Lehen ma di au ripengki na dua i songon i angka dakdanakku, jana padiar ma au kehe. Na karejo do au tu ho umbaen na dapot au halahi. Tangkas do diboto ho lojangku na karejo i.”

PAMUNGKAAN 31:41

Songon i ma na hutaon i salolot na dua pulu taon i au karejo di ho. Opat bolas taon da karejo au anso dapot au borumunu na dua i – jana onom taon nari anso dapot au angka pahan-pahanan i. Jana dipauba-uba ho ma upangku disi pola sampulu noli muba.

HOSEA 4:15

Ale hamu halak Israel, haru pe nada unduk hamu tu Au, sai ulang ma nian dohot Juda mambaen hasalaan na nibaenmunu i! Ulang maribadat di Gilgal sanga di Bet-Awen. Ulang baen hamu janji disi mangasahon goar ni Tuhan na mangolu i.

HOSEA 6:8

Gilead, i ma sada kota na gok parjahat dohot sibunu jolma.

PANGARATAION 26:5

Dung i di adopan ni Tuhan angkon pajojoronmu do hata on: ‘Halak Aram na mimbarimbar do daompung, sada halak na madang-adang na so adong bagas ingananna. Dioban ia do ripenia tu Mesir anso maringanan ia disi. Di na kehe i tusi, saotik do bilangan ni halahi, hape gabe bangso na godang do halahi jana na gogo.