HOSEA 11:8 - BIBEL JAMITA NA DENGGAN

⁸ Didok Tuhan ma, “Ale Israel nada padiaronKu ho sanga tadingkononKu. Tarbaen Au ma he tu ho songon parabis ni Adma? Sanga Hubaen ho songon Zeboim? Nada torus rohangKu mambaen songon i, hara ni godang ni holong ni rohangKu tu ho!

HOSEA 11:8 ပူးပေါင်းရင်းမြစ်များ

PAMUNGKAAN 14:8

Dung i angka raja na sian Sodom pe dohot Gomora, Adma, Zeboim dohot Bela diatur halahi ma soridadu ni halahi di Rura Sidim lalu marporang mangalo

2 SAMUEL 24:16

Ma lalu surusuruan na pasarsar hamatean i di lambung ni pardegean ni gandum nampuna ni si Arauna halak Jebus i. Jadi dung diida Tuhan na dung hobas surusuruan i laho mangabisi Jerusalem, dipauba Tuhan ma haputusannia i laho manguhum bangso i. Didok Tuhan ma tu surusuruan i, “Tuk ma i! Antak ma!”

1 RAJA-RAJA 3:26

Umbege parenta i, anggo dadaboru na satutuna inang ni dakdanak i, ning ia ma, “Ulang, raja na huparsangapi, ulang bunu dakdanak i. Lehen ma songon i disia.” Didokkon ia pe songon i hara ni holong ni rohania do di dakdanak i. Tapi na sada nari mandokkon, “Padiar ma dibunu, anso ulang di au sanga di ho.”

2 RAJA-RAJA 13:23

Tapi nada unjung dihalupahon Tuhan bangsoNia i. Ibo jana denggan do rohaNia tu halahi. Nada dipadiar Ia halahi dipasude tapi ditolong Ia do halahi, hara ni parjanjianNia dohot si Abraham, si Ishak dohot si Jakob.

2 JUJUR TAON 36:15

Marpupu do nian disuru Tuhan, Debata ni ompu ni halahi angka utusanNa laho paingotkon bangsoNa i, dibaen holong do rohaNia mida halahi dohot BagasNia i.

MASMUR 106:45

Hara ni halahi diingot Ho parjanjianMu, jana diuba Ho haputusanMu, hara ni godang ni holong ni rohaMu.

JESAYA 16:11

Hara ni arsakku hutangisi do Moab, jana huarsakkon do Kir-Heres.

JESAYA 63:15

Ale Tuhan, tatap ma hami sian banua ginjang, sian ingananMu na badia jana marmulia. Di dia do pangiburuMu dohot hagogoonMu? Di dia do holong dohot ibo ni rohaMu? Di dia do diparrohahon Ho hami? Ulang ma nian manghohom Ho tu hami.

JEREMIA 18:8

hape muba roha ni bangso i sian dosana, jadi gabe Husundati do nietKi.

JEREMIA 3:12

Disuru Tuhan ma au kehe tu Israel lalu mandok songon on, “O ale Israel na so setia, mulak ma ho tu Au! Gok ibo ni roha do Au jana nada sapanjangna Au muruk tu ho.

JEREMIA 31:20

O Israel, ho do anak hasianKu, anak haholongan, tampuk ni pusu-pusungKu. Ganop Huondam ho sai lungun do rohangKu marningot ho. Gok ibo ni roha do giot baenonKu tu ho.

JEREMIA 42:10

‘Muda giot hot do hamu maringanan di luat on, angkatonKu ma hamu jana nada dabuhononKu; pajongjongonKu ma hamu, jana nada runcurhononKu. Marsak sajo do Au hara ni na dung Hupamasa hamamago tu hamu.

JEREMIA 9:7

Jadi patunda ni i didok Tuhan Na Markuaso i ma, “UjionKu ma bangsongKi anso gabe pita halahi. Angke aha dope na bolas baenonKu maradopkon bangsongKu?

ANDUNG 1:20

O ale Tuhan! Parrohahon ma au, sak do rohangku jana mabiar; magopu hara ni dosangku. Di angka dalan masa mamunu jolma di bagasan bagas, jolma marmatean muse ma.

ANDUNG 3:32

Haru pe dibaen Ia hita susa, tapi nauli basa do anggo Tuhan, hot do holong ni rohaNia marlobi-lobian.

ANDUNG 3:33

Nada sian pangonjar ni rohaNa dipadiar Ia hita mardangol jana mararsak roha.

JEHESKIEL 33:11

Dokkon ma tu halahi, mangasahon Au na mangolu, Tuhan Debata nada jop rohangKu muda mate halak parjahat i; tapi sugari mulak ma nian ia manadingkon angka dosana anso tongtong ia mangolu. Ale bangso Israel, antak hamu ma mambaen na jahat! Biasi angkon sai mate hamu?”

JEHESKIEL 6:9

Disi, di tonga-tonga ni angka bangso, tu dia halahi na tartaban i dioban, angka halak na malua sian tonga-tongamunu angkon mangingot Au. PaulakonKu do muse roha ni halahi na markarosuan i, na dung mandao sian Au jana manundali halahi, na tongtong markarosuan mangihutkon gana-ganaan ni halahi, dung i gabe goyak ma roha ni halahi mida dirina sandiri hara ni sude hajahatan dohot hajorbutan ni halahi.

HOSEA 6:4

Tapi didok Tuhan ma, “Ale Israel dohot Juda! Angkon bia noma hamu baenonKu? Tibu do mago holong ni rohamu tu Au songon nambur sanga ombun manyogot.

HOSEA 7:1

“Muda Hupamalum Israel, gabe tarida ma hasalaan ni Efraim dohot angka hajahatan ni Samaria; angke dikarejohon halahi do margabus, manombom panangko laho masuk jana panyamun mangarampas di luar.

AMOS 4:11

“Madung Husegoi angka hutamunu, songon Sodom dohot Gomora na disegoi ni Debata. Na tinggal mangolu sian hamu i ma na tudos tu surpu na niela sian api. Haru songon i pe, laing nada mulak hamu tu Au.

AMOS 7:3

Gabe manolsoli ma Tuhan hara ni i. “Nada tulus tarjadi na niidami.”

AMOS 7:6

Gabe manolsoli ma Tuhan hara ni i. “On pe nada tulus tarjadi,” ninna Tuhan Debata.

MIKA 5:3

Markarejo ma ia jana marmahani halahi markite-hite hagogoon ni Tuhan i dohot markite-hite hamuliaan ni goar ni Tuhan Debatania sandiri. Mangolu di bagasan sonang ma bangsona i, dibaen okuon ni jolma na satano on do hagodangannia,

ZEPANYA 2:9

Songon sintongna mangolu Au ninna Tuhan Na Markuaso, Debata ni Israel: Angkon songon Sodom do Moab sogot, jana songon Gomora angka anak ni Amon, gabe hatubuan ni latong, jana panombangan ni sira, jana mamolngit salolot ni lolotna. Na tading sian bangsongKi mangarampasi halahi sogot, jana mambuat tano ni halahi.”

MATEUS 23:37

“Jerusalem, Jerusalem! Dibunu ho do angka panurirang, didangguri ho do dohot batu angka na nisuru ni Debata tu ho! Ma pola piga noli dihalungunkon rohangKu laho manghaol sude halak na mangingani ho songon pambaen ni inang ni manuk manggobak angka anakna di toru ni habongna, hape nada ra hamu!

PANGARATAION 29:22

Di hatiha na giot ro, idaon ni pomparanmunu ma dohot angka bangso na asing na sian luat sihadaoan angka parmaraan dohot parkancitan na niparo ni Tuhan tu tanomunu on.

PANGARATAION 29:23

Gabe padang na gariang ma angka ladangmunu ditutupi barerang dohot sira. Nada tarsuani be tanona i, jana duhut pe nada ra be tubu disi. Tudos noma tanomunu i tu kota Sodom dohot Gomora, Adma dohot Zeboim na nironcohon ni Tuhan di na gurgur rimasNia.

PANGARATAION 32:36

Paluaon ni Tuhan ma bangsoNa, jana haholonganNia angka naposoNa, muda diida Ia halahi gale-gale, jana abis gogona sude.

2 PETRUS 2:6

Laing songon i muse do pangalaho ni Luat Sodom dohot Gomora. Hona uhum do luat i dibaen Debata jana ditutung dohot api anso gabe tiruan tu angka na giot masa maradopkon angka jolma na so ra mangkaporsayai Debata.

JUDAS 1:7

Laing ingot hamu ma kota Sodom dohot Gomora dohot angka kota na humaliang i, na niinganan ni halak angka na mambaen pangalaho songon na nibaen ni angka surusuruan i. Angka pangalaho na rorang dohot na mangoloi hagiot ni sibukna do dipambaeni halahi, gabe hona uhum ma halahi dohot api na so ra mintop, baen sipaingot tu halak sudena.

HALUMBAAN 11:8

Jana payak ma bangke ni halahi di dalan godang na di kota na godang i, mangihutkon partondion digoar do i kota Sodom dohot Mesir, jana disi do Tuhan diparsilangkon halahi.

HALUMBAAN 18:18

jana marsurak dung diida halahi timus na marbual-bual sian api na manyurbu kota i. Didok halahi, “Nada adong jungada kota na asing songon kota na godang on!”

HAKIM-HAKIM 10:16

Dung i diparambungkoni halahi ma sude patung sombaon, lalu marsomba halahi tu Debata. Jadi gabe ibo ma roha ni Debata paida-ida halahi na di hasompitan i.