HOSEA 11:7 - BIBEL JAMITA NA DENGGAN

⁷ dohot hara ni jogal ni rohana laho manadingkon Au. Jadi gabe tarpisat ma halahi, tapi nada adong na paluahon haru pe marsurak halahi mangido tolong.”

HOSEA 11:7 ပူးပေါင်းရင်းမြစ်များ

MASMUR 81:11

Hape nada ra bangsongKu manangihon hatangKu, nada ra Israel mangoloi tu Au.

PODA 14:14

Halak na jahat mamutik batu ni hajahatan, halak na denggan mamutik batu ni hadengganan.

JESAYA 26:10

Haru pe denggan Ho tu halak na jungkat, nada tarbaen halahi marsiajar na so jahat. Di negara uhum pe laing na so ture do i nada ra mangoku tu kuaso ni Tuhan i.

JEREMIA 14:7

Pio-pio tu Au bangsongKu, ‘O Tuhan, dosanami tu hami manudu urupi ma hami hombar tu baga-bagaMu. Madung hami tadingkon Ho marpupu; tutu do na dung mardosa hami tu Ho.

JEREMIA 2:19

Hajahatanmu sandiri do manguhumi dirimu; hona parkancitan ho hara ni na ditulakmu Au. Saonnari taonkon ma paetna dohot paniakna muda dihudukkon jana nada dipasangap ho Au. Au, Tuhan Debatamu madung mandok songon i; Au ma da Tuhan Debata Na Markuaso jana Na Gumogo.”

JEREMIA 3:11

Dung i muse dipaboa Tuhan ma tu au, haru pe na dung dihudukkon Israel Ia, hape dumenggan dope Israel ulang pado Juda na so setia i.

JEREMIA 7:25

Mamungka sian na haruar ompumunu sian Mesir lalu tu sadari on sai Husuru do angka naposongKu, angka panurirang tu hamu.

JEREMIA 7:26

Hape nada adong na manangihon sanga na mamparrohahon. Mur jumogal do rohamunu jana mur jumahat sian ompumunu.”

JEREMIA 8:5

Hape anggo hamu bangsongKu, biasi ditadingkon hamu Au, jana nada ra mulak tu Au? Ditulak hamu do Au jana togu hamu marsitiopan tu gana-ganaanmunu i!

HOSEA 11:2

Tapi mur Hupioi anakKi mur mandao do ia sian Au. Dioban ia haul jana ditutung ia dupa di Baal dohot di angka debata na asing.

HOSEA 14:4

Anggo Asur nada margogo i paluahon hami, jana kudo porang pe nada tarbaensa mangurupi hami. Nada ra be hami manghobari dohot angka patung na hami baen i gabe debatanami. Ale Tuhan, holong do rohaMu di angka jolma na so adong sanga ise pe sipangasahononna.”

HOSEA 4:16

Harana tangkang do Israel songon lombu na tangkang, giot bia ma he Tuhan marmahani halahi, songon biri-biri di tano lapang?

HOSEA 7:16

Laing dipupu halahi do mangihutkon angka debata na soada gogona i. Nada tarpangasahon halahi tudos tu sior na hendur. Angka pamimpin ni halahi mangkatai maradu bulbul, jadi mate hona bunu do halahi, kejam pambaenna jana partataan ni angka halak Mesir.”