HOSEA 11:6 - BIBEL JAMITA NA DENGGAN

⁶ Mangararati ma parporangan lopus tu angka kota ni halahi, bungkaron ma angka pintu horbangan jana abiskononna ma bangsongKi. Patunda ni na paihut-ihut giotna sandiri ma umbaen na tarjadi sudena i;

HOSEA 11:6 ပူးပေါင်းရင်းမြစ်များ

MASMUR 106:39

Pangalaho i ma mambaen hodar halahi; nada setia tu Debata halahi.

MASMUR 106:43

Marpupu dipalua Ho halahi, tapi jumop do roha ni halahi manggagai gabe madabu ma halahi mur bonom tu bagasan dosa.

JESAYA 18:5

Dompak so musimna mamutik angka batu ni hayu, dung marurusi angka bungana jana dompak so mamutik batu ni anggur di bonana, roncohonon ni musu ma Sudan, songon pangkorot ni piso di angka ranting sian bona ni anggur.

JESAYA 27:10

Madung marumpak jana gabe buang kota na marbenteng i songon halongonan na mamolngit. Manjampal lalu maradian disi noma angka hulanan ni pahan-pahanan manjampali bulung-bulung sian dangka ni hayu na adong disi.

JESAYA 30:1

Didok Tuhan, “Marjaya ma angka pamimpin ni Juda, patunda ni na mangalo halahi tu Au. Diihutkon halahi angka sangkap na so sian Au. Pardonganon na so nisuru ni tondingKu.

JESAYA 9:14

Hara ni i, di bagasan sadari sajo, hona uhum ni Tuhan ma angka pamimpin ni Israel dohot rayatNa i. Ponggolan jana ambungkononNia ma uluna dohot ihurna.

JEREMIA 5:17

Pangabison ni halahi ma suha ni tano dohot panganonmunu jana bunuonna ma angka dakdanakmunu. Sambolon ni halahi ma angka lombu dohot pahan-pahananmunu, jana segohonon ni halahi ma angka kobun anggur dohot bona ni hayu aramunu. Roncohonon ni halahi ma angka kota na marbenteng na sai dipangasahon hamu.

JEREMIA 50:35

Didok Tuhan ma, “Angkon dipatimpas Babel rap dohot rayat dohot parkuaso maradu barisan na malo marroha.

ANDUNG 2:9

Ditutup tano angka horbanganna, marponggolan dohot angka goruk-gorukna; di habuangan noma raja dohot na umboto mamarenta. Uhum Ni Tuhan nada be diajarkon; panurirang pe nada be manjagit boa-boa sian Tuhan.

JEHESKIEL 20:47

Suru ma ditangihon harangan i sanga aha na Hudok, Au Tuhan Debata mandok tusia, ‘Tangihon! PagaraonKu ma api manyurbu sude hayu na adong di ho, na mahiang dohot na rata. Nada tarintopi api na gara-gara. Mangararati ma i sian Selatan tu Utara, jana hilalaon ni sude jolma do milasna.

HOSEA 10:14

gabe lingkupon ni porang ma rayatmi, jana sarsarkononna sude bentengmi. Tudos ma i songon na masa di ari parabis ni kota Bet-Arbel di parporangan na nibaen ni Raja Salman jana hona giling angka ina-ina rap dohot dakdanakna.

HOSEA 10:6

Obanon ma gana-ganaan i tu Asur anso dilehen gabe silua di raja godang i. Maila ma Israel jana marlayas hara ni na dohot mangihutkon gana-ganaan i.

HOSEA 4:16

Harana tangkang do Israel songon lombu na tangkang, giot bia ma he Tuhan marmahani halahi, songon biri-biri di tano lapang?

HOSEA 4:17

Mardomu do Efraim dohot angka gana-ganaan, padiar ma ia!

HAMALIMON 26:25

ParoonKu ma parporangan laho manguhum hamu, angke madung dilaosi hamu aturanKu, dung i muda marlagut hamu di kotamunu manjalahi paronding-ondingan, paroonKu ma tu hamu nyae na so haubatan gabe tunduk hamu tu musumunu.

HAMALIMON 26:31

Angka kota Hugonti dohot banggar na mosok, inganan panyombaanmu angkon Huroncohon bope angka haulmunu nada jagitonKu.

HAMALIMON 26:33

ParoonKu ma parporangan di luatmunu jana manyarsar hamu di luat na leban. Angka ladangmu gabe tarulang jana kotamu gabe abu.

AMOS 6:8

Madung marsumpa Tuhan Debata hara ni diriNa sandiri, – songon on ma didok Tuhan, Debata Na Markuaso –, “Magigi do Au mida haginjangon ni roha ni Israel on; nada jop rohangKu mida angka bagas godang dohot angka bagas ni halahi na jeges-jeges i. PasahatonKu ma tu musu kota sabungan ni halahi rap dohot sude na adong di bagasanna.”

MIKA 5:11

Hulantuk sude angka ajimatmu jana Hubonom sude angka datumu.

MALEAKI 4:1

Didok Tuhan Na Markuaso i ma, “Dapot do i arina, sude halak siginjang roha dohot na jahat surbuon ma i songon durame. Di ari i, abis ma halahi surbuon, jana nada adong be na tinggal sian halahi.

PANGARATAION 28:52

Porangan ni halahi ma ganop kota na adong di tano na giot silehenon ni Tuhan Debatamunu i di ho; matolbak ma angka tembok ni kota na nipatogu jana na nipangasahonmunu i.

PANGARATAION 32:25

Parporangan mambaen marmatean di dalan-dalan, na di bagas pe didondoni habiaran. Naposo nauli bulung jagar-jagar ni bangso ma giot mate na baru sorang, na maradu tobang pe nada dia imbarna be.