HOSEA 11:4 - BIBEL JAMITA NA DENGGAN

⁴ Mardongan ihot-ihot holong ni roha, Hutarik halahi tu Au. Songon na mangangkat auga do Au di halahi. Hupaunduk do tu halahi laho marmamasa.

HOSEA 11:4 ပူးပေါင်းရင်းမြစ်များ

2 SAMUEL 7:14

Gabe Amangnia ma Au, jana gabe anakKu ma ia. Muda marsala ia, uhumonKu ma ia songon sada ama na manguhum anakna.

MASMUR 105:40

Mangido halahi gabe disuru Ia angka unggas marroan, dipangan halahi sipanganon banua ginjang lopus butongan.

HARURUAR 16:32

Ninna si Musa ma, “Diparentahon Tuhan do anso tapaasing saotik manna i simpanonta di pomparanta, anso dohot halahi marnida panganon na nilehen ni Tuhan tu hita di parhorsihan hatiha dioban Ia hita haruar sian tano Mesir.”

ENDE NA GODANG 1:4

Oban ma au, marlojong ma hita; piohon ma au tu bilik ni raja. Marjob ni roha ma hami hara ni ho, jana na mamuji holongmu lumobi sian anggur. Patut do muda sude dadaboru por rohana mida ho!

JESAYA 63:9

sian sude hasusaan ni halahi. Nada tongoson ni Tuhan suruan sanga duta, Ia sandiri do paluahon halahi. Sian narobi do dipature-ture Ia halahi hara ni holong dohot ibo ni rohaNia.

HOSEA 2:8

Nada jungada dioku inangmi paboa Au do na mangalehen gandum, anggur, miak zetun dohot sere dohot perak bage na nipakenia i laho marsomba Baal i.

HAMALIMON 26:13

Au do Tuhan Debatamu na maroban hamu ruar sian tano Mesir anso ulang diparhatoban hamu. Madung Huponggolkon kuaso na mandondoni hamu, jana Hubaen hamu gabe halak na dung malua.”

JOHANNES 12:32

Anggo Au muda dung dipatuginjang di ginjang ni tano, tarihonKu ma halak sudena tu Au.”

2 KORINTUS 5:14

Holong ni roha ni Kristus do na mangarajai hami. Jana hami boto do: Muda mate sada halak humopkop halak sudena, paboa na dung mate do sudena halahi.

PANGARATAION 32:12

Tuhan i sandiri do mamimpin bangsoNa, so pola diurupi angka debata.

PANGARATAION 32:14

Dumenggan pahan-pahananna boti bahat susuna; gandum dohot aek ni anggur, i noma na dumengganna.