HOSEA 11:11 - BIBEL JAMITA NA DENGGAN

¹¹ Songon hipas ni unggas ro halahi sian Mesir, jana sian Asur songon hulanan ni darapati. Jadi obanonKu ma halahi mulak tu bagas ni halahi. Au, Tuhan do na mandok i.”

HOSEA 11:11 ပူးပေါင်းရင်းမြစ်များ

JESAYA 11:11

Di ari i, sanoli nari giot pakeon ni Tuhan ma kuasoNia jana obanonma bangsoNia na teba i di Asur dohot Mesir, di angka luat ni Patros, Sudan dohot Elam, di Babel, Hamat dohot di angka pulo na di laut.

JESAYA 60:8

Ise dehe i na ro habang songon ombun songon darapati na mulak habang?

JEREMIA 31:12

Marroan ma halahi tu Dolok Sion jana marende disi marjop ni roha, hara ni sude na Hulehen tu halahi: gandum, miak, anggur dohot biri-biri. Tudos ma halahi tu kobun na tuk aekna, jana na so hurangan di bagi aha.

JEHESKIEL 34:27

Marbatui ma angka suan-suanan, marsuha ma angka ladang, jana sonang be ma ganop halak mangingani tanona sandiri. Muda dung Hugotap rante na manambat bangsongKi jana Hupalua halahi sian angka jolma na marhatobankon halahi, botoon ni halahi ma Au do Tuhan.

JEHESKIEL 34:28

Nada samunon ni angka bangso na so mananda Au be halahi, sanga dijomak angka binatang panyoro. Di bagasan sonang noma halahi mangolu, jana sada halak pe nada adong be na mambaen mabiar halahi.

JEHESKIEL 37:21

Lalu dokkon ma tu halahi na giot alaponKu, Au Tuhan Debata giot mangalap bangsongKu sudena sian angka luat hakehean ni halahi. PalagutonKu ma halahi jana obanonKu mangulahi tu luat ni halahi sandiri.

JEHESKIEL 37:25

Maringanan ma halahi di tano na dung Hulehen tu naposongKu si Jakob jana na niinganan ni ompu ni halahi, olo, halahi; angka anak ni halahi bope pahompu ni halahi angkon tinggal disi salolot ni lolotna jana naposongKu si Daud ma raja ni halahi salolot ni lolotna.

HOSEA 3:5

Tapi ro do i hatihana mulak bangso Israel tu Tuhan Debata ni halahi dohot tu raja ni halahi na sian pomparan ni si Daud. Jadi gabe mabiar ma halahi jana marhabiaran tu Tuhan boti jagiton ni halahi ma angka pasupasuNa.

HOSEA 7:11

Moncong-oncong Israel songon unggas darapati na oto; mula-mulana kehe angka halak ni halahi mangido bantuan tu Mesir, dung i marlojong muse ma halahi tu Asur!

OBAJA 1:17

“Hape anggo di Dolok Sion, laing adong do na malua, jana gabe inganan hapunjunganKu ma dolok i. Jadi mulak ma pomparan ni si Jakob gabe tano pusako ni halahi ma i.

ZAKARIA 10:10

Sian Mesir dohot Asur marmulahan noma halahi. BaenonKu halahi maringanan di tanona sandiri. ObanonKu halahi tu Gilead dohot sian Libanon bage, lopus gohan ni halahi luat i sude.

ZAKARIA 8:7

Songon on do hata ni Tuhan Na Markuaso, “Ligi ma, paluaonKu ma bangsongKi sian tano Habincaran dohot sian tano Hasundutan ni mata di ari,

ZAKARIA 8:8

jana Au mangoban halahi mulak, anso maringanan halahi di Jerusalem hara ni i gabe bangsongKu ma halahi jana Au Debata ni halahi di bagasan hatigoran dohot hasintongan.”