HOSEA 10:4 - BIBEL JAMITA NA DENGGAN

⁴ Margabusi ma halahi jana mambaen parjanjian na so tutu lalu mamudun parjanjian na so marguna. Dipasuhar ma uhum, gabe mur manjadi-jadi ma hageduhan songon latong na tubu di ladang na dung nipangkuran.

HOSEA 10:4 ပူးပေါင်းရင်းမြစ်များ

JESAYA 5:7

Satutuna bangso Israel do kobun anggur ni Tuhan Na Markuaso i; jana halak Juda ma bona ni anggur na nisuanNia i. Diarop Ia hasintongan, tapi na ro hum harorangan. Diarop Ia hatigoran, tapi na ro hum hajahatan.

HOSEA 4:2

Dibaen halahi janji hape nada digohi halahi; margabus, mamunu, manangko, manggampang do halahi. Martamba do hajahatan jana mardapot-dapot pamunuon.

HOSEA 6:7

Tapi songon si Adam, digagai hamu do janjimunu dohot Au.

AMOS 5:7

Marjaya ma hamu, angka na pabalik-balikkon hatigoran dohot na mamogo hak ni halak!

AMOS 6:12

Tarbaen kudo ma he marlojong di dolok batu? Unjung ma he mambajak halak di laut mamake lombu? Hape anggo hamu dipabalik-balik hamu do hatigoran lopus gabe rasun na mamatehon.

BAENON NI ANGKA RASUL 8:23

Huboto do na gok pangiburuan ate-atemu jana dirajai hajahatan.”

SURAT NI SI PAULUS TU PARLAGUTAN ROM 1:31

na so marroha, na so setia, na so maribo ni roha.

PANGARATAION 29:18

Jadi, jago ma hamu, anso ulang jabat adong sahalak pe sian tonga-tongamunu, halaklahi sanga dadaboru, marsasaripe sanga marga na jongjong dison na marbalik sian Tuhan Debatanta laho marsomba tu angka debata ni bangso na asing i. Tudos do pangalaho na songon i tu urat na tubu gabe suan-suanan na paet boti halalango.

PANGARATAION 31:16

Didok Tuhan ma tu si Musa, “Nada pola sadia lolot nari marujung ma ngolumu. Dung salpu hamamatemu, nada setia be bangso Israel tu Au jana gagaan ni halahi ma parjanjian na Hubaen i dohot halahi. Tadingkonon ni halahi ma Au laho mamele tu angka debata na asing na nisomba ni angka na maringanan di tano na so sadia lolot nari be masuhanmunu.

PANGARATAION 31:17

Muda tarjadi songon i, hona muruk ma halahi baenonKu. TadingkononKu ma halahi, tabunihononKu ma bohingKu maradopkon halahi jana pangabison halahi. Marroan ma bahat parmaraan na ampe tu halahi, jana botoon ni halahi ma umbaen na masa pe songon i tu halahi, angke Au do antong Debata ni halahi, hape nada Hudongani be halahi.

2 TIMOTEUS 3:3

Nada adong be holong marsihaholongan di halahi, nada ra marsisesaan sala, sai ra pabusuk-busukkon goar ni halak, nada bisa mangorom diri, kejam jana nada giot di na denggan.

IBRANI 12:15

Jagohon hamu ma anso ulang adong sanga ise na morot sian asi ni roha ni Debata; anso ulang adong na gabe duri dohot sihupi di tonga-tongamunu na parohon hasusaan jana na mambaen sego halak na bahat.