HOSEA 10:14 - BIBEL JAMITA NA DENGGAN

¹⁴ gabe lingkupon ni porang ma rayatmi, jana sarsarkononna sude bentengmi. Tudos ma i songon na masa di ari parabis ni kota Bet-Arbel di parporangan na nibaen ni Raja Salman jana hona giling angka ina-ina rap dohot dakdanakna.

HOSEA 10:14 ပူးပေါင်းရင်းမြစ်များ

PAMUNGKAAN 32:11

Na mangido ma au sian situtu ni rohangku, palua ma au sian tangan ni angkangku si Esau. Mabiar do au – mabiar betak sai ro ia manyerang lalu mangabiskon hami sude, bope dadaboru dohot dakdanak.

2 RAJA-RAJA 17:16

Dilaosi halahi do sude Tona Ni Tuhan, Debata ni halahi jana dibaen halahi do dua lombu logam sisombaon ni halahi. Dibaen halahi ma gana-ganaan ni Debata Asera, disomba halahi angka binatang jana marsomba halahi tu Debata Baal.

2 RAJA-RAJA 17:3

Diporangi jana dipapatu si Salmaneser raja ni Asur ma ia, lopus angkon manggarari pajak ia ganop taon tu Asur.

2 RAJA-RAJA 18:33

Unjung ma he adong debata ni bangso na asing paluahon luatna sandiri sian kuasongku?

JESAYA 17:3

Nada margogo Israel jana mago ma habebason ni Damaskus. Mangolu di bagasan habilean ma halak Siria na tinggal i, songon halak Israel. Au, Tuhan Na Markuaso, madung mandokkon i.”

JESAYA 33:14

Humitir hara ni biarna angka halak pardosa na di Sion. Didok halahi, “Adong dope he sian hita na tahan di bagasan api na mangabiskon on? Adong dope he na tarbaen manahan di api na manongtong i?”

JEREMIA 13:14

Jana marsitomboman halahi baenonKu. Songon i ma baenonKu na matobang dohot na poso nada adong ampunanna. AbisanKu ma halahi nada mamake ibo ni roha dohot pangusayang. Au Tuhan, madung mandok songon i.”

JEREMIA 48:41

Rampasonna ma angka kota dohot angka bentengna, jana mabiar ma tentarana i songon ina na giot di api.

HOSEA 10:15

Songon i ma na giot masa tu hamu, ale halak Bet-Awen, hara ni na nibaenmunu hajahatan na godang. Disi mamungka parporangan i, manigor mate ma rajamunu i.”

AMOS 3:14

Di ari i di na manguhum Au tu halak Israel hara ni dosana, sarsarkononKu ma angka langgatan na adong di Betel. Ponggolkonon ma sude ujung ni angka langgatan i, anso dabu sude tu tano.

AMOS 3:8

Muda marngaur singa, ise ma he mabiar? Muda mandok hata Tuhan Debata, ise ma he tarbaen so jana nada paboahon tonaNia?

AMOS 9:5

Humutur tano jana marsak ma halak pangisina, hara ni na nigoit ni Tuhan, Debata Na Markuaso. Songon Batang aek Nil na manaek ma halahi, jana surut songon Batang aek Mesir; songon i ma halahi manaek lalu madabu.

MIKA 5:11

Hulantuk sude angka ajimatmu jana Hubonom sude angka datumu.

NAHUM 3:10

Haru songon i pe, laing dioban do Tebe tu habuangan. Di sude sirpang ni dalan dibalbali do angka anakna lopus marmatean. Angka halak na godang na disi, ditambat dohot rante jana dibagi-bagi angka na manangkup i.

NAHUM 3:12

Sandok bentengmi, gabe songon bona ni hayu ara na ramos marbatu jana malamun. Muda dihutur bonana i, marurus ma batuna i tu pamangan ni jolma na manghutur i.

HABAKUK 1:10

Dipacia-cia halahi do angka raja jana dipartatai halahi do angka pagawe tinggi. Layas do diida halahi angka benteng. Dipambaeni halahi do angka benteng panghobuhan lalu mangarampassa.