HOSEA 10:13 - BIBEL JAMITA NA DENGGAN

¹³ Hape suhar-suhar ni i do dipambaeni ho; same hajahatan do disabur ho, jana sabionmu ma hageduhan. Madung dipapangani ho angka parbatu ni gabusmu.” Didok Tuhan muse dope, “Ale bangso Israel, dibaen dipangasahon ho do angka kareta porangmi dohot bahat ni angka tentarami,

HOSEA 10:13 ပူးပေါင်းရင်းမြစ်များ

JOB 4:8

Huboto sian alatan na mamangkur ladang hajahatan, jana na manyabur hamagoan songon same ni suan-suanan, laing na manyabi do di parmaraan dohot di hasusaan!

MASMUR 33:16

Nada monang raja hara ni godang ni kuasona, nada malua ulubalang hara ni godang hagogoon.

MASMUR 52:7

“Indi ma da halakna na so marpangondian tu Debata, tapi na sai mangasahon sinadonganna dohot hajahatanna.”

MASMUR 62:10

Ulang arop rohamu di angka barang na nirampas, jana ulang marpangunsandean tu angka na nirampas. Muda pe martamba hakayoanmu, ulang lohot tusi rohamu.

PODA 1:31

Jadi, patunda ni angka parbuatanmunu i rasoanmunu ma i lopus gabe mardangol hamu.

PODA 12:19

Umur ni gabus nada ginjang; hata na tutu, martahan sapanjang.

PODA 13:2

Hata ni halak na denggan parohon hauntungan; halak na geduk giotna mangasa hagogoan.

PODA 19:5

Halak na margabus di pangadilan, nada malua sian uhuman.

PODA 22:8

Halak na manyuan na so tigor, sabionna ma hamagoan, ujungna mago muse ma kuasona.

PARJAMITA 9:11

Adong dope na huida di tano on: Nada sai tongtong parlojong na hipas manghamonangkon parsiaduan, nada sai tongtong halak na gogo manghamonangkon paraloan. Nada sai tongtong halak na marroha dapotan pangomoan. Jana halak na pistar nada sai tongtong dapotan sinadongan. Songon i angka na malo nada sai tongtong tarbonggal. Angke sanga na ise pe bolas jadi do hona bagian sial.

JESAYA 17:11

Tapi haru pe manigor martunas suan-suanan i jana marbunga di ari i di na manyuan i ho, hapengani anggo suhana indangkan na adong buaton. Hum hasusaan do taononmu dohot hahanciton na so ra mago.

HOSEA 4:2

Dibaen halahi janji hape nada digohi halahi; margabus, mamunu, manangko, manggampang do halahi. Martamba do hajahatan jana mardapot-dapot pamunuon.

HOSEA 4:8

Gabe mamora do hamu hara ni dosa ni bangsongKi, i ma dalanna dihagioti hamu anso torus halahi mardosa.

HOSEA 7:3

Didok Tuhan ma, “Martahi ma angka jolma laho pasonangkon raja i dohot angka pagawena anso i dalanna paoto-otohon halahi.

HOSEA 8:7

Alogo do disabur bangsongKi, jadi manyabi halingsungsung ma halahi! Nada manggorsing ladang ni gandum ni halahi, gabe nada adong be topung suhana baen sipanganon. Tapi muda laing manggorsing ladang i, gabe abiskonon ni angka bangso-bangso na asing do gandumna i.

1 SAMUEL 24:14

Diboto raja i do pandohan ni umpama narobi songon on, ‘Hum halak na jahat do na mambaen hajahatan.’ Jadi hara ni i, nada hancitan raja i baenonku.