HOSEA 10:10 - BIBEL JAMITA NA DENGGAN

¹⁰ PoranganKu ma angka jolma na mardosa i jana uhumanKu halahi. Marsaroha ma angka bangso laho mangalo halahi, jana hona uhum ma halahi hara ni dosa ni halahi na bahat i.

HOSEA 10:10 ပူးပေါင်းရင်းမြစ်များ

1 RAJA-RAJA 12:28

Dung ditimbangi ia pangalaho i, dibaen ia ma dua patung ni lombu sian sere jana didok ia ma tu rayat i, “Hamu bangso Israel! Tuk ma i na sahonokna on kehe hamu maribadat tu Jerusalem. Saonnari, angka on ma debatamunu na dung maroban hamu ruar sian tano Mesir!”

JOB 39:10

Tartambat ho ma i mamaksa mamangkur di ho? Tarsuru ho ma he i mangaluku ladang na di ho?

JESAYA 1:24

Hara ni i songon on ma didok Tuhan, Tuhan Na Markuaso na mangondihon Israel, “BaloshononKu ma hosom ni rohangKu tu angka alongKu, jana baenonKu ma pamaloson tu angka musungKu.

JEREMIA 15:6

Madung ditulak jana ditadingkon hamu Au, hara ni i Huondamkon botohonKu laho mangabisi hamu. Ma pola loja Au mangorom muruk ni rohangKu.

JEREMIA 16:16

Didok Tuhan ma, “Giot piohononKu bahat halak parihan laho manangkupi angka jolma on. Dung i piohononKu ma bahat halak parburu laho marburu halahi di sandok dolok dohot partoran, dohot di angka liang ni dolok batu.

JEREMIA 21:4

Paboahon na nidok ni Tuhan, Debata ni Israel songon on, “Zedekia, pataluonKu ma paranganmi na topet marporang mangalo raja ni Babel dohot paranganna. PagukguhonKu ma angka sinjata ni tentaramu di tonga-tonga ni kota i.

JEHESKIEL 16:37

Jadi hara ni i, palagutonKu ma sude angka haholongan ni rohami humani, hasudungan ni rohamu dohot goyak ni rohamu. Jongjong ma halahi manghuliangi ho jana talgangan ni halahi ma sude pakeanmu, jabat idaon ni mata ni halahi pamatangmu na marsaemara i.

JEHESKIEL 16:42

Dung mardalan pe i anso mombun rimasKu, jana mulak ma tenang Au. Nada muruk be Au sanga mangiburu.

JEHESKIEL 23:46

Didok Tuhan Debata i ma, “Padiar ma bangkit sarombongan jolma laho mamparkanciti dohot mangarampas siboru panggampang na dua i.

JEHESKIEL 23:9

Jadi gabe Hupasahat ma ia tu angka haholongan ni rohania i, tu angka halak Asur na sai dihalungunkon ni rohania i.

JEHESKIEL 5:13

Hilalaonmu ma jorbut ni hamuruhonKu, dohot pangamukKu lopus sombu rohangKu. Dung tulus sudena i, disi pe anso tangkas botoonmu paboa na dung mangkuling Au tu ho, Au Tuhan mangkuling hara ni murukKu marnida na so setia ho.

HOSEA 10:9

Didok Tuhan ma, “Mamungka sian na masa di Gibea, laing na so mantak dope halak Israel mambaen dosa mangalo Au. Jadi di Gibea pe lingkupon ni porang ma halahi.

HOSEA 4:19

Jadi gabe mago ma halahi songon na niombus ni alogo. Maila ma halahi hara ni angka haul na nihaulkon ni halahi tu angka debata.

HOSEA 4:9

Jadi gabe markancit noma hamu laing songon rayat i! UhumanKu ma hamu hombar tu angka pambaenanmunu.

HOSEA 8:1

Didok Tuhan ma, “Palu ma sarune, paboa na ro parmaraan! Tudos tu halihi na manangkup soroanna do musu ro mamorangi tanongKi! Dilaosi bangsongKi do parjanjianKu dohot halahi jana dialo angka pangajaranKu.

HOSEA 8:10

Tapi saonnari palagutonKu noma halahi jana nada be angkaton ni halahi sandiri raja sanga angka pamimpin ni halahi. Nada sadia honok nari ganggu ma halahi hara ni na hancitan, muda jabat ro raja ni Asur mamisat halahi.

MATEUS 22:7

Dung dibege raja i na songon i, muruk sajo ma ia. Gabe disuruhon ia ma tentarania mambunu angka sibunu jolma i dohot manyurbu kota ni halahi.

PANGARATAION 28:63

Songon jop ni roha ni Tuhan mangalehen hadumaon di ho dohot patamba bilanganmunu, laing songon i muse ma sonang ni rohaNia mangabisi ho dohot maroban hasesego tu ho. UmpatonNa ho sian tano i, na so sadia lolot nari be lehenonNa baen ingananmunu.