HOSEA 1:9 - BIBEL JAMITA NA DENGGAN

⁹ Dung i didok Ia ma, “Baen ma goar ni anakmi si Lo-Ami, angke nada bangsongKu be hamu, jana nada Debatamunu Au.”

HOSEA 1:9 ပူးပေါင်းရင်းမြစ်များ

JEREMIA 15:1

Didok Tuhan ma tu au, “Indada ra Au maribo ni roha mida bangso on, haru pe jongjong dison si Musa dohot si Samuel mangido ibo ni roha sian Au tu halahi. Suru ma kehe bangso on; nada jop rohangKu paida-ida halahi.

JEREMIA 20:3

Ancogotna i dung dipalua si Pashur au sian bayangan i, hudok ma tusia, “Nada si Pashur goar na nilehen ni Tuhan tu ho, tapi ‘Gaor di sasude’, do.

HOSEA 1:10

Gabe sabahat ni horsik na di topi ni laut bahat ni bangso Israel lopus nada habilangan. Saonnari didok Debata ma tu halahi, “Nada bangsongKu hamu,” tapi dapot do i hatihana dohononNia tu halahi, “Au ma da Debata na mangolu jana hamu angka dakdanakKu!”

HOSEA 1:8

Dung sirang managuk dakdanak na paduahon i, denggan muse ma pamatang ni si Gomer jana sorang ma sada anak halaklahi.

HOSEA 2:23

BaenonKu ma bangsongKu mangolu marsonang-sonang jana hot maringanan di tanona. Tu halahi na margoar ‘Na So Dihaholongi’ patuduhononKu ma bahaso na Huhaholongi do halahi, jana tu halahi na nigoaran ‘Nada BangsongKu’, dokkononKu ma ‘BangsongKu Do Hamu’. Songon on ma alusan ni halahi ‘Ho do tutu Debatanami!’ ”