HOSEA 1:2 - BIBEL JAMITA NA DENGGAN

² Hatiha mulai Tuhan manghatai marhite si Hosea, didok Ia ma tu si Hosea, “Kehe ma ho, buat ma sada halak siboru jalang baen dadaborumu, jana anakkon ma angka anak gampang, angke madung ramun kota on marhite na manundalkon Tuhan.”

HOSEA 1:2 ပူးပေါင်းရင်းမြစ်များ

2 JUJUR TAON 21:13

Tapi sabalikna do, songon angka raja ni Israel do ngolu ni raja i, jana mambaen nada setia rayat ni Juda dohot Jerusalem tu Debata. Songon pambaen ni Raja Ahab dohot angka na manggonti ia do pangalaho ni raja i. Dibunu raja i do antong salangkan anggi ni raja i, hape nian umburju dope halahi sian raja i.

MASMUR 106:39

Pangalaho i ma mambaen hodar halahi; nada setia tu Debata halahi.

MASMUR 73:27

Na giot mago do sanga ise na manadingkon Ho, dipatimpas Ho do sanga ise na so setia tu Ho.

JEREMIA 2:13

Harana madung dua noli bangsongKu mambaen na jat: Ditadingkon halahi do Au, aek hangoluan, jana dihuar halahi tobat na lilis na so bisa manahan aek.”

JEREMIA 2:20

Didok Tuhan, “Madung honok na so ra ho tunduk tu Au; nada ra ho mangoloi sanga marsomba tu Au. Di puncu ni ganop dolok na gincat, dohot di toru ni sandok hayu na rumbun disomba ho do angka debata ni hagabean.

JEREMIA 2:23

Pulukna i antong mandok na so jungada dipahodar ho dirimu, jana paboa na so unjung Baal diihutkon ho! Ligi ma sandok dosamu di rura; ingoti hajahatanmu jana akui ma! Sai songon unto boru-boru na gintal do ho, marlojong panyihal-nyihalon umpe tarpaso,

JEREMIA 3:9

Marhite panggampangannia i dipahodar ia tano i jana markarosuan marhite na manyomba hayu dohot batu.

JEHESKIEL 6:9

Disi, di tonga-tonga ni angka bangso, tu dia halahi na tartaban i dioban, angka halak na malua sian tonga-tongamunu angkon mangingot Au. PaulakonKu do muse roha ni halahi na markarosuan i, na dung mandao sian Au jana manundali halahi, na tongtong markarosuan mangihutkon gana-ganaan ni halahi, dung i gabe goyak ma roha ni halahi mida dirina sandiri hara ni sude hajahatan dohot hajorbutan ni halahi.

HOSEA 2:7

Kojaronnia ma angka haholongan ni rohania i, tapi nada dapot ia halahi. Jalak-jalahannia ma halahi, tapi nada dumpang ia halahi. Dung i dokkononnia ma, “Mulak noma au tu halaklahingKu na parjolo i; dumenggan do au na salpu i ulang pado saonnari.”

HOSEA 3:1

Didok Tuhan ma tu au, “Kehe ma ho mangulahi jana haholongi ma sada nari dadaboru panggampang. Haholongi ma i laing songon pangkaholongingKu di halak Israel haru pe ditadingkon halahi Au jana marsomba halahi tu angka debata boti sai dihaulkon halahi roti kismis tu gana-ganaan.”

HOSEA 5:3

Hutanda do ho, Efraim jana Huboto do sudena taringot tu ho, angke madung markarosuan ho, ale Israel; jana madung dipahodar ho dirimu.”

MARKUS 1:1

Songon on do Jamita Na Denggan taringot tu Jesus Kristus, Anak Ni Debata.

PANGARATAION 31:16

Didok Tuhan ma tu si Musa, “Nada pola sadia lolot nari marujung ma ngolumu. Dung salpu hamamatemu, nada setia be bangso Israel tu Au jana gagaan ni halahi ma parjanjian na Hubaen i dohot halahi. Tadingkonon ni halahi ma Au laho mamele tu angka debata na asing na nisomba ni angka na maringanan di tano na so sadia lolot nari be masuhanmunu.

2 PETRUS 2:14

Angke na so marnaloja do halahi mambaen dosa, jana mangaligi dadaboru ma giot ni halahi dohot mata na sai giot markamainan. Jana sanga ise na gale haporsayaanna, hona jorgong ma i baenon ni halahi. Madung somal roha ni halahi di angka hagiot na so denggan. Angka jolma na hona bura do halahi!

HALUMBAAN 17:5

Tarsurat do di bohina i sada goar rahasia. Anggo goar i, i ma “Babel Na Godang i, ina ni sandok panggampang dohot angka parbuatan na so ture di portibi on.”