HARURUAR 9:6 - BIBEL JAMITA NA DENGGAN

⁶ Ancogotna i dipatulus Tuhan ma songon na nidokNia i. Sandok pahan-pahanan ni halak Mesir i mate sude, hape pahan-pahanan ni halak Israel, sada pe nada adong na mate.

HARURUAR 9:6 ပူးပေါင်းရင်းမြစ်များ

MASMUR 78:48

Dipadiar Ia ambolas mandondoni pahan-pahanan ni halahi, dohot porkas manyoro angka binatang ni halahi.

MASMUR 78:50

Dipadiar Ia murukNia manggilap jana dipangabis halahi marhite nyae na mangalangkoti.

HARURUAR 12:12

Di borngin i bolusanKu ma sude tano Mesir, jana bunuonKu ma sude anak halaklahi siangkaan, bope di jolma bope di pahan-pahanan. UhumanKu ma sude sombaon na di Mesir, angke Au do Tuhan.

HARURUAR 12:29

Di tonga borngin i, dibunu Tuhan ma sude anak halaklahi siangkaan di Mesir, mamungka sian anak siangkaan ni raja i, lalu tu anak siangkaan ni na di hurungan. Angka pahan-pahanan na parjolo sorang pe dibunu.

HARURUAR 8:22

Tapi asing baenonKu anggo tu tano Gosen, inganan ni bangsongKi. Anggo disi nada adong lanok, anso diboto hamu, Au do Tuhan na manguhum luat on.

HARURUAR 9:25

Di sude luat i, disego-sego ambolas i do sandok na adong di inganan na talak, dohot jolma bope pahan-pahanan. Disego-sego halingsungsung do sude suan-suanan di ladang bope hayu mangkarumpak sude dibaensa.

HARURUAR 9:26

Anggo di tano Gosen, inganan ni halak Israel i, hum sasada i ma inganan na so hona ambolas.

HARURUAR 9:4

Asing do baenonKu tu pahan-pahanan ni halak Israel sian pahan-pahanan ni halak Mesir. Sada pe nada adong na mate sian pahan-pahanan ni halak Israel.

HARURUAR 9:5

Au do Tuhan na manontuhon, ancogot ma i pamasaon.’ ”