HARURUAR 9:4 - BIBEL JAMITA NA DENGGAN

⁴ Asing do baenonKu tu pahan-pahanan ni halak Israel sian pahan-pahanan ni halak Mesir. Sada pe nada adong na mate sian pahan-pahanan ni halak Israel.

HARURUAR 9:4 ပူးပေါင်းရင်းမြစ်များ

HARURUAR 10:23

Nada marsipaidaan be halak Mesir dohot donganna, jana sahalak pe nada adong na maninggalkon bagasna na tolu ari i. Hape anggo di inganan ni halak Israel i tongtong do adong na torang.

HARURUAR 12:13

Mudar na di pintu ni bagasmunu i ma tandana paboahon bagas ingananmunu. Muda Huida mudar i salpuanKu ma hamu, jana nada agoonKu hamu di na manguhum halak Mesir i Au.

HARURUAR 8:19

gabe didok angka parelmu sihir i ma tu raja i, “Debata do mambaen on!” Tapi laing jogal do roha ni raja i, jana songon na nidok ni Tuhan, nada ra raja i manangihon si Musa dohot si Harun.

HARURUAR 8:22

Tapi asing baenonKu anggo tu tano Gosen, inganan ni bangsongKi. Anggo disi nada adong lanok, anso diboto hamu, Au do Tuhan na manguhum luat on.

HARURUAR 9:26

Anggo di tano Gosen, inganan ni halak Israel i, hum sasada i ma inganan na so hona ambolas.

HARURUAR 9:5

Au do Tuhan na manontuhon, ancogot ma i pamasaon.’ ”

HARURUAR 9:6

Ancogotna i dipatulus Tuhan ma songon na nidokNia i. Sandok pahan-pahanan ni halak Mesir i mate sude, hape pahan-pahanan ni halak Israel, sada pe nada adong na mate.

AMOS 4:7

Au do na mangantak ulang ro udan di na porlu situtu maraek suan-suananmunu. Huparo udan tu kota na sada, tapi tu kota na asing nada. Ladang na sada por udan, hape ladang na asing halogoan.

MALEAKI 3:18

Mangulahi ma idaon ni bangsongKu na asing do bagian ni halak na burju sian na jahat, bagian ni halak na marpangoloion tu Au dohot halak na so mangoloi tu Au.”