HARURUAR 9:29 - BIBEL JAMITA NA DENGGAN

²⁹ Didok si Musa ma tu raja i, “Disi haruar au sian kota on, angkatonku ma tanganku martangiang tu Tuhan. Mantak ma ronggur i, siang ma udan ambolas, anso diboto hamu, Debata do nampuna tano on.

HARURUAR 9:29 ပူးပေါင်းရင်းမြစ်များ

1 RAJA-RAJA 8:22

Dung i diida sude halak Israel do, humusor ma si Salomo adop langgatan i lalu dipahortang ia tangannia dua-dua tu ginjang,

1 RAJA-RAJA 8:38

sai tangihon ma tangiang ni halahi. Muda adong sian tonga-tonga ni bangsoMu Israel na marsak roha lalu martangiang tu Ho jana pahortang tanganna adop bagas parsombaan on,

ESRA 9:5

Di na mamungka pasahatkon haul andospotang, jongjong ma au sian juguhan parkutondoanki jana laing marpakean na mangkasibak, manungkap ma au manyurduhon tanganku tu Tuhan Debatangku.

JOB 11:13

O ale Job, paias ma rohami, manyosal ma ho! Martangiang ma ho tu Debata!

MASMUR 135:6

Dibaen Ia do sanga na aha giotNia, di langit an dohot di tano on, di laut dohot di na bagas ni lautan.

MASMUR 143:6

Martangiang au tu Ho dohot pahortang tangan; songon tano na hiang, tondingku manghalungunkon Ho.

MASMUR 50:12

Muda male Au, nada pola paboaonKu i tu ho, angke Au do nampuna portibi on dohot isina.

HARURUAR 19:5

Saonnari, muda ra do hamu mangoloi na Hudok jana ingot rohamunu tu parjanjianKu, baenonKu ma hamu gabe bangso, hapunjunganKu sandiri. Au do nian nampuna tano on sudena,

HARURUAR 20:11

Dibaen di bagasan onom ari do lolotna ditompa Tuhan langit dohot tano, laut dohot nasa isina, jana maradian do Ia di ari papituhon i. Hara ni i ma dibaen dipasupasu Tuhan Ari Sabat i jana diparbadiai.

HARURUAR 8:22

Tapi asing baenonKu anggo tu tano Gosen, inganan ni bangsongKi. Anggo disi nada adong lanok, anso diboto hamu, Au do Tuhan na manguhum luat on.

HARURUAR 8:6

Dung i dipahortang si Harun ma tungkotnia di ginjang ni sude aek i, gabe marroan ma angka tohuk manggohi luat i.

HARURUAR 9:33

Ditinggalkon si Musa ma raja i jana kehe ma ia tu balian ni kota lalu diangkat ia tangannia laho martangiang tu Tuhan. Rap maradian ma ronggur, ambolas dohot udan.

JESAYA 1:15

Muda pe diangkat hamu tanganmunu martangiang, nada Huterge be i. Nada parduli Au sanga na sadia bahat tangiangmunu i, nada ra Au manangihonsa angke dohot tanganmunu i madung bahat hamu mamunu.

1 KORINTUS 10:26

Angke tarsurat do di Buku Na Badia i, “Tuhan do nampuna tano on dohot sude isina.”

1 KORINTUS 10:28

Tapi muda adong mandok tu hamu, “Anggo sipanganon on, na dung nihaulkon do on tu gana-ganaan,” ulang pangan hamu sipanganon i be hara ni haporluan ni halahi bope hara ni sora ni taroktok.

PANGARATAION 10:14

Tuhan Debatamunu do nampuna langit na partimbo, tano on pe Ia do nampunasa, maradu sude na adong di ginjangna.